ავტორი: ქეთი ოდიშელი (OMNIA)
ლურჯი ვეფხვის წელი წინა წლისგან განსხვავებით მეტ აქტიურობას, გარდაქმნებს შემოიტანს, როგორც თითოეული ადამიანისთვის, ასევე ზოგადად სახელმწიფო დონეზე, პოლიტიკურ, კარიერულ საკითხებში, ასევე პირად თემებში.
რეალურად, აღმოსავლური კალენდრით ვეფხვის წელი, ზამთრის მზებუდობის მეორე ახალმთვარეობას დგება, შესაბამისად ის თებერვლის დასაწყისში იწყება, თუმცა კალენდარული ახალი წელი, მაინც დიდ ცვლილებებს უკავშირდება.
2022 წელი იწყება რეტროგრადული ვენერას ეფექტებით და სრულდება რეტროგრადული მარსის ეფექტების ლოგიკური გაგრძელებით. სწორედ ეს მმართველები არიან ჩართული კარმული კვანძების ღერძის თემებში, ერთის მხრივ კურო - მატერიალური სამყარო, სტაბილურობა, ჰარმონია კომფორტი, სხული, საკვები, ჩვენი რესურსი, ჩვენი ფინანსები, რომელსაც მართავს პლანეტა ვენერა და მეორეს მხრივ მორიელი - მიზანი, ბრძოლა, გარდაქმნა, მოძველებულის ჩამოშლა, ბუნებრივი გადარჩევა. მმართველი მარსი და პლუტონი.
მთავარი ამოცანა - რაღაცაზე უარის თქმა, სირთულეების გადალახვა, ტრანსფორმაცია, კრიზისის შესაძლებლობების გამოყენება.
წლის მნიშვნელოვანი მოვლენები:
რეტროგრადული ვენერა დირექტული ხდება იანვრის ბოლოს.
რეტროგრადული მერკური:
14 იანვარი - 3 თებერვალი;
10 მაისიდან -18 ივნისამდე;
9 სექტემბრიდან -2ოქტომბრამდე;
29 დეკემბრ - 18 იანვრამდე;
დაბნელებები:
1 მაისი (მზის );
16 მაისი (მთვარის);
25 ოქტომბერი (მზის);
8 ნოემბერი (მთვარის);
ახლა იუპიტერი თევზებშია, 10 მაისიდან - 28 ოქტომბრამდე გადაინაცვლებს ვერძის ზოდიაქოს ნიშანში.
რეტროგრადული ხდება მარსი 30 ოქტომბერი- 12 იანვრამდე;
ლილიტი გადაინაცვლებს კირჩხიბის ზოდიაქოს ნიშანში 15 აპრილს, აქრჩება 9 თვე.
ასევე მნიშვნელოვანი თარიღები (+/-1,2 დღე):
12 თებერვალი (მარსი ვენერას შეერთება);
10 მარტი (მარსი ვენერას შეერთება);
12 აპრილი (იუპიტერი უერთდება ნეპტუნს თევზების ზოდიაქოს ნიშანში/ფიქს. ვარკსვლავი მარკაბი);
30 ივლისი (მარსი, ურანი, რაქუს შეერთება- უპირისპირდება კეტუ, პროზერპინას);
p.s.სარკისებური თარიღი 22 02 2022.
2022 წლის პროგნოზი თითოეული ზოდიაქოს ნიშნისთვის:
ვერძი - 13 დან - 17 აპრილამდე დაბადებული ვერძის ნიშნის წარმომადგენლებისთვის, წლის დასაწყისი შესაძლოა ტრანსფორმაციებს უკავშირდებოდეს, თუმცა მალე, თქვენი დრო მოვა! წარმატებული პერიოდი, სადაც დიდ ენერგიას იგრძნობთ მაისიდან იღებს სტარტს, აქ ყველა საკითხში მეტია იღბლიანობის შანსები, იმოქმედეთ! სასიკეთო პერიოდია ნებისმიერ ცხოვრებისეულ სფეროში, მარტივად შეძლებთ თქვენი ჩანაფიქრების რეალიზებას, კარიერულ და პოლიტიკურ ასპარეზზე და არამარტო. განსაკუთრებით წარმატებით შეიძლება იასპარეზონ ადამიანებმა, რომლებიც დაბადებულნი არიან 21 – 30 მარტის დიაპაზონში. გამოიყენეთ სამყაროსგან ბოძებული შანსები ნოემბრის დასაწყისამდე.
კურო - კუროთა უმეტესობისთვის ჯერ კიდევ მნიშვნელოვანი პერიოდია, გახსოვდეთ, რომ ნებისმიერი სიტუაცია უკავშირდება მნიშვნელოვან გარდაქმნებს, ახალი წლის გამოხატული ასპექტები 29 აპრილიდან დაახლოებით 16 მაისამდე დაბადებული კუროს წარმომადგენლებისთვის განსაკუთრებით საგრძნობი შეიძლება იყოს. სირთულეებთან ერთად გეძლევათ დიდი ენერგიაც, რომლის გამოყენება შეგიძლიათ გონივრულად ნებისმიერ სფეროში. აქტუალური შეიძლება იყოს როგორც სოციალური კავშირების გაფართოება, ასევე ემოგრაციასთან, სულიერ განვითარებასთან, ტრანსფორმაციასთან დაკავშირებული საკითხები. აი 16 დან 20 მაისამდე დაბადებულებისთვის კი, ეს პერიოდი შესაძლოა საკმაოდ წარმატებულიც იყოს.
ტყუპები - შუა აპრილიდან პერიოდი გაცილებით უფრო ეფექტური და სასიკეთოა თქვენთვის ვიდრე წლის დასაწყისი. ტყუპების წარმომადგენლებისთვის, რომლებიც დაბადებულნი არიან 20 დან - 30 მაისამდე წარმატებული პერიოდია მაისი-ნოემბრის დიაპაზონი. აუცილებლად გამოიყენეთ მოცემული პერიოდი თქვენი მიზნების რეალიზებისთვის, როგორც კარიერული საკითხების ასევე სოციალური კავშირების გამყარება გაფართოებისთვის. გაცილებით ეფექტურია მომავალი წელი ივნისის პირველ ნახევარში დაბადებულთათვის, მთავარია მოინდომოთ და არ დატოვოთ საქმე შუა გზაზე.
კირჩხიბი - მსოფლხედველობის ცვლა, ცხოვრების ახალ ეტაპზე გადასვლა, განსაკუთრებით ტრანსფორმაციის თემა შეეხება კირჩხიბებს დაბადებულებს 17 დან 22 ივლისის დიაპაზონში. წლის დასაწყისი, დაახლოებით შუა აპრილამდე მეტად სასიკეთოა, აქტუალურია უცხოეთთან, განათლებასთან, კანონთან დაკავშირებული თემები, მეორე ნახევარი კი კარიერული საკითხებია აქცენტირებული, ასევე სტატუსის თემა, ზოგადად წელი სასიკეთოა შემოქმედებითი ადამიანებისთვის. 21-22 ივლისს დაბადებულებს ნოემბერი-დეკემბრის პერიოდი ზამთრის მზებუდობამდე ფორტუნა განსაკუთრებით წყალობს, ასე, რომ გამოიყენეთ ეს დრო გონივრულად! კარგად გათვალეთ თქვენი უნიკალური სტრატეგიით თითოეული ნაბიჯი.
ლომი - მნიშვნელოვანი, ძირეული გარდაქმნების პროცესი გრძელდება, თუმცა გახსოვდეთ, სირთულეები არ ნიშნავს ცუდს, სირთულეები ნიშნავს განვითარებას, პროგრესს. აგვისტოს დასაწყისიდან - 18 აგვისტოს ჩათვლით პერიოდში დაბადებულებს გარკვეული კრიზისული სიტუაციების გავლაც მოუწევთ. შესაძლოა დასრულდეს გარკვეული ეტაპი, ფინანსებთან, პირად, ან კარიერულ თემებთან დაკავშირებით. ნუ გარისკავთ, ნუ იქნებით იმპულსური გადაწყვეტილებების მიღებისას. აი ივლისის ლომებისთვის მშვენიერი პერიოდია მაისიდან -ნოემბრის დასაწყისამდე ზონა. აქტუალურია ასევე მოგზაურობის თემა.
ნუ შეგაშინებთ ბარიერები და კრიზისები, ქარიშხალი რომ გადაივლის საკუთარ თავს ვეღარ იცნობთ. თქვენ იქნებით სხვა ადამიანი, გაცილებით უფრო ძლიერი და ბრძენი, თქვენი ცხოვრება იქნება გაცილებით უფრო მშვენიერი.
ქალწული - თქვენთვის ეს წელი ერთგვარი მოსამზადებელი ეტაპია მომავალი გარდაქმნებისთვის, ერთის მხრივ აქტუალურია ახალი სასიყვარულო თავგადასავლები, თუმცა შესაძლოა აქტუალური იყოს მოტყუების თემა, ნუ მოტყუვდებით ილუზორული მოლოდინებიდან გამომდიარე, ეს ეხება განსაკუთრებით 12-18 სექტემბრის დიაპაზონში დაბადებულებს. თუმცა 2 დან 12 სექტემბრამდე დაბადებულებს შესაძლოა ცხოვრებისეული სიურპრიზების პერიოდიც ჰქონდეთ, საერთოდ შეიცვალება თქვენი ხედვა, საქმიანობის სფერო. იყავით რეალისტები, აქცენტი გააკეთეთ თქვენს საუკეთესო თვისებაზე -იყავით დაკვირვებული და დეტალებზე ორიენტირებული
სასწორი - აქტიურობა, მიზანსწრაფულობა, სიმტკიცე და საკუთარ თავზე პასუხისმგებლობის აღება, აი რა გჭირდებათ მაისიდან იმისთვის, რომ ეფექტური პერიოდი გამოიყენოთ რაც შეიძლება სასიკეთოდ, მანამდე კი, სასწორთა წარმომადგენლებს, განსაკუთრებით 4 დან 17 ოქტომბრამდე დაბადებულებს ძალისხმევა და შრომა მოუწევთ, მომდევნო პერიოდში დაბადებულებს კი შესაძლოა ნების წინააღმდეგ მოქმედება და მნიშნელოვანი გადაწყვეტილებების მიღება მოგიწიოთ. წლის მეორე ნახევარი პირად ურთიერთობებში სიახლეებს უკავშირდება, მთავარია არ გადაამეტოთ, თქვენი მოთხოვნები და ამბიციები შესაძლოა არ შეესაბამებოდეს რეალობას.
მორიელი - მთავარი ამოცანაა აიღოთ პასუხისმგებლობა საკუთარ თავზე, იმოქმედეთ იმის მიხედვით რა გჭირდებათ და არა იმით, თუ რა გინდათ. გააანალიზეთ განვლილი პერიოდი. წლის დასაწყისი მაისამდე გაცილებით ეფექტურია. მნიშვნელოვანი ცვლილებების მომტანია წელი 2 დან 16 ნოემბრის პერიოდში დაბადებულთათვის, როგორც პირად ცხოვრებაში, ასევე საქმიანობის კუთხით. მიაქციეთ ყურადღება ჯანმრთელობას, იმუშავეთ ენერგოტონუსის ამაღლებაზე, ემოციების ჰარმონიზაციაზე. 17 ნოემბრის მერე დაბადებულთათვის უკეთესი პერიოდია, ძალისხმევითა და თქვენი საუკეთესო თვისებების გამოყენებით თქვენ შეძლებთ შექმნათ თქვენი ცხოვრების საუკეთესო სცენარი. ზოგიერთს შესაძლოა ოჯახში მატება ჰქონდეს, ასევე შესაძლოა აგიხდეთ დიდი ხნის ოცნება და შვილი შეგეძინოთ.
მშვილდოსანი - სასიკეთო ცვლილებები შეეხება საოჯახო და სასიყვარულო თემას, აქტიურობის პერიოდი მაისიდან დაიწყება, ეს არის გამართლების, შემოქმედებითი პოტენციალის გაფურჩქვნის, წარმატების პერიოდი, გამოიყენეთ ეს დრო თქვენი ყველაზე თამამი ჩანაფიქრების რეალიზებისთვის. შედარებით საყურადღებოა მომავალი წელი 12 დან 18 დეკემბრამდე დაბადებულთათვის, მეტი მახვილგონიერება, მოთმინება და სიმტკიცე გმართებთ. ეცადეთ სიტუაციები ობიექტურად შეაფასოთ, კარგად განსაზღვრეთ თითოეული ნაბიჯი და ნუ გადაამეტებთ.
თხის რქა - წლის პირველი ნახევარი მეტი აქტიურობაა, ახალი კავშირები, ახალი ნაცნობობა, საბუთები, სწავლა, მგზავრობები. 14 დან 18 იანრის პერიოდში დაბადებულთნთვის პერიოდი შედარებით რთულია, მნიშვნელოვანი გარდაქმნების წელი შეიძლება იყოს. აიღეთ პასუხისმგებლობა მიმდინარე სიტუაციებზე, თქვენ შეგიძლიათ გაუმკლავდეთ ყველაფერს იღბლიანობის წყალობით ეს ეხება განსაკუთრებით 10 დან 15 იანვრამდე დაბადებულებს. შედარებით მეტი გონიერება და დაკვირვება გმართებთ მაისი -ოქტომბრის დიაპაზონში, ნუ გაართულებთ სიტუაციებს, იყავით მეტად მოქნილი და მიმტევებელი.
მერწყული - თქვენთვის გამოცდების პერიოდი გრძელდება, ამიტომ მეტი დისციპლინა, შრომა და პასუხისმგებლობის საკუთარ თავზე აღება გმართებთ. სირთულეები აქტუალურია იანვრის ბოლოდან - 15 თებერვლის დიაპაზონში დაბადებულთათვის, ურთიერთობების დასრულების, დროებითი განშორების, დრომოჭმული კავშირების რღვევის თემის გამო. ნუ დაღონდებით, ახლა თქვენ იმხელა ძალასა და სიბრძნეს მოიკრებთ, რომ მომავალში შეძლებთ იმ დიდი იდეებისა და მიზნების რეალიზებას, რომელზეც არც გიოცნებიათ. შესაძლოა ფინანსური კუთხით შედეგიანიც იყოს წლის პირველი ნახევარი. მეორე ნახევარი კი გაცილებით პოზიტიურია ზოგადად, რასაც განწყობის დონეზეც კი იგრძნობთ, მთავარია მიჰყვეთ ამ პოზიტიურ ტალღას და გამოიყენოთ სამყაროსგან ბოძებული შანსები.
თევზები - ახალი წლიდან თქვენთვის პოზიტიური პერიოდი ძალაში შევიდა! იყავით აქტიური, გონივრულად გამოიყენეთ ეს დრო, ფორტუნა თქვენს მხარესაა, არის მოგების შანსებიც, ზოგიერთი თქვენგანი შესაძლოა დაოჯახდეს, ზოგიერთმა შესაძლოა კარიერაში მნიშვნელოვან საფეხურზე გადაინაცვლოს. ითამაშეთ ლატარია. სასიკეთოა პერიოდი, როგორც კარიერული, ასევე სხვა პირადი თუ სოციალური საკითხებისთვის. ეს პოზიტიური პერიოდი მაისის ჩათვლით იმუშავებს, შემდეგ უკვე წლის ბოლოს, ნოემბერი-დეკემბრის ზონაში ისევ შეგახსენებთ თავს, თუმცა უფრო მეტად აისახება 16-21 მარტის ზონაში დაბადებულებზე. მნიშვნელოვანი სასიკეთო ძვრები შეიძლება განახორციელოთ, მთავარია თქვენი ჩართულობა. 7-12 მარტის თევზებისთვის შესაძლოა აქცენტირებული იყოს აპრილის შუა პერიოდი, მნიშვნელოვანი სასიკეთო ძვრები, სულიერ განვითარებაში პროგრესი და „მოსავლის აღება“ ყველა კეთილ საქმეში. სამყარო ცოცხალი ორგანიზმია, მას მშვენივრად ესმის ჩვენი, ადამიანების, ამიტომ გახსოვდეთ, თქვენი სამყარო ზრუნავს თქვენზე, გარე სამყარო თქვენი შინაგანი სამყაროს ანარეკლია.
