ავტორი: გურამ ჟღამაძე
არსებობს ბევრი თეორია თუ როგორ შეიქმნა ჩვენი სამყარო. ზოგი ამტკიცებს, რომ ის ყოველთვის არსებობდა ზოგი იტყვის, რომ ყველაფერს აქვს დასაწყისი და დასასრული ზოგიც მეცნიერულად შეხედავს ამ ამბავს და დიდი აფეთქების თეორიაზე დაგვიწყებს ლაპარაკს. ჩემი აზრით არცერთი გამორიცხავს ერთმანეთს. საერთოდ როგორ შეგვიძლია დავაკვირდეთ სამყაროს? როგორ გავიგოთ რა შეიძლება ყოფილიყო ჩვენი სამყაროს დასაწყისი? ის ჩვენი თვალთახედვით უსასრულოა, მაგრამ ასევე ის სასრულიცაა. თუ დავაკვირდებით, ყველა საგანს თუ არსებას აქვს ამ სამყაროში ფორმა. ფორმა, რომელიც შეგვიძლია დასრულებულად განვიხილოთ, მაგრამ მიუხედავად ამისა ესა თუ ის არსება და ესა თუ ის საგანი ერთი დიდი რაღაცის ნაწილია. მაგალითად ავიღოთ ატომი. მეცნიერების გადმოსახედიდან, რომ შევხედოთ ატომი იყოფა ელექტრონებად პროტონებად და ნეიტრონებად. თუ მათ ცალ-ცალკე შევხედავთ ისინი დამოუკიდებელი დასრულებული ნაწილაკებია, მაგრამ ერთად ქმნის ატომს. ატომების ერთობლიობა ქმნის მოლეკულას და მოლეკულების ერთობლიობა ქმნის ნივთიერებას. ნივთიერება შეიძლება საგნის ან სხეულის ნაწილი იყოს. ეს სხეული თუ საგანი შეიძლება ვიღაც ადამიანს ეკუთვნოდეს, რომელიც სოციუმის წევრია და ეს სოციუმი ერთიანდება რომელიმე რასაში, რომელიც ერთიანდება კაცობრიობაში. კაცობრიობა დედამიწის ნაწილია, დედამიწა მზის სისტემის და ასე უსასრულოდ შეგვიძლია გავაგრძელოდ. მიუხედავად ამ უსასრულობისა ყველაფერს აქვს თავისი ფორმა და ის დასრულებულია. ისევ იგივე ატომის მაგალითი, რომ ავიღოთ მისი ნაწილებიც იყოფა ნაწილაკებად და სავარაუდოდ ისინიც კიდევ უმცირეს ნაწილაკებად და ესე უსასრულოდ... რა ვიცით საერთოდ, რომ ყველა ატომში არ არის მცირო ზომის გალაქტიკა და იქაც არ არსებობს მზის სიტემები? იქნებ იქაც არსებობს სიცოცხლე? ეს სხვა საუბრის თემად მეჩვენება და ამიტომ ნუ დავუთმობთ ამაზე დისკუსიას დიდ დროს.
როგორც გითხარით ჩემი დაკვირვებით სამყარო უსასრულოა ორივე მხრიან საგნის ან სხეულის გარედან და მის შიგნიდან. ჩემი აზრით რაც სამყაროში ხდება მნიშვნელობა არ აქვს ეს არსების გარეთ ხდება თუ მის შიგნით ყველაფერი ერთ პრინციპზე მუშაობს. უსასრულობის ნიშანი დაგვეხმარება ამის წარმოდგენაში. ალბათ ყველამ იცით უსასრულობის სიმბოლო როგორიცაა ის მხოლოდ ერთ წერტილში იკვეთება. წარმოიდგინეთ, რომ ეს გადაკვეთის წერტილია ხართ თქვენ. ანუ უსასრულო სამყარო რაც თქვენს გარეთაა იგივე უსასრულო სამყარო ასევე თქვენს შიგნითაა. თუ ამ გადმოსახედიდან ვიმსჯელებთ შეგვიძლია ვთქვათ, რომ პრინციპი სამყაროს მოწყობისა არის ერთი. თუ პრინციპი ერთია და ადამიანიც ამ პრინციპებს ექვემდებარება მაშინ შეგვიძლია ვთქვათ, რომ რახან ადამიანს ახასიათებს ზრდა როგორც ფიზიკური ასევე მენტალური, შესაძლებელია ასევე სამყაროსაც ახასიათებდეს ეს. თუ სამყარო ზრდა ახასიათებს ესეიგი ის მუდმივად და უსასრულოდ ფართოვდება. თუ ავიღებთ დიდი აფეთქების თეორიას შეგვიძლია ვთქვათ, რომ რაღაც საგანი მივიდა იმ კრიტიკულ მდგომარეობამდე, რამაც მისი აფეთქება გამოიწვია. აფეთქების შემდეგ გატყორცნილმა ნაწილაკებმა შექმნეს ყველაფერი რასაც ჩვენ ვხედავთ. სხვა თეორიის თანახმად ეს ყველაფერი უკვე არსებობდა და იარსებებს ყოველთვის. ყველაფერი ტოტალურობა და ერთიანობაა რომლისკენაც მიისწრაფვის ყველაფერი.
დავაკვირდეთ სისტემას, რომელშიც ჩვენ ვცხოვრობთ რას უჭირავს დედამიწა მთვარე და სხვა პლანეტები? მეცნიერები გვეტყვიან, რომ ეს დამჭერი ძალა გრავიტაციაა. ეზოთერიკოსები გეტყვიან, რომ ეს სამყაროს ენერგიაა. ჩემი აზრით ეს ორივე ერთიდაიგივეა. გრავიტაცია ერქმევა თუ სამყაროს ენერგია ჩემთვის სულ ერთია და სავარაუდოდ თქვენთვისაც თუ ისეთ მარაზმში არ გადავარდით, რომ სიტყვებზე გამოკიდება და სახელები არის თქვენთვის მთავარი და არა ამ სიტყვების აზრი. მოდით გავაგრძელოთ. თუ იოგის თვალით შევხედავთ ადამიანის მთავარი მიზანია განვითარდეს სულიერად და შეერწყას აბსოლუტს ანუ ტოტალურობას(სამყაროს ერთიანობას). თუ დავუშვებთ, რომ ეგრეგორები რეალურად არსებობენ (რისიც მე ძალიან მჯერა) ეგრეგორების პრინციპიც იგივეა შეერწყან მათზე დიდ სისტემურ ეგრეგორს. გვაქვს მაგალითები ბიოლოგიიდანაც, როდესაც ვხედავთ ბაქტერიულ კოლონიას. კიდევ ბევრი მაგალითის მოყვანა შეიძლება. შეგვიძლიათ გურჯიევის "მეების" თეორიაც მივაბათ ამას და ვთქვათ, რომ ფსიქიკური და სულიერი განვითარების საფუძველია მეების შერწყმა ერთ მთავარ "მესთან".
ადამიანის ორგანიზმიც მსგავსადაა მოწყობილი: დავაკვირდეთ სხეულს. ყველა ორგანოს ქმნიან უჯრედები. უჯრედი თვითონ დასრულებულია, მაგრამ ის ერთი ორგანოს ნაწილია. ზუსტად ასევე ორგანოთა ერთობლიობა ქმნის ორგანიზმს. თუ დავუშვით ის, რომ სამყაროს მოწყობის პრინციპი შესაძლებელია ერთი ყოფილიყო მაშინ შეგვიძლია ისიც ვთქვათ, რომ ყველაფერი ცდილობს შეერწყას მასზე დიდს.
დავაკვირდეთ ადამიანის განვითარებას: ის იწყებს ცხოვრებას დედის მუცელში, ვითარდება იზრდება და დედის მუცელი უკვე დაბრკოლებაა მისთვის. ტოვებს დედის მუცელს და გამოდის გარეთ უცხო სამყაროში. ამის მერე ვითარდება ოჯახში დედის კალთაზე გამოკერებული, დედის კალთა ვეღარ აკმაყოფილებს, შორდება მას და იწყებს სხვა ოჯახის წევრებთან კონტაქტს. ხდება ოჯახის სრულფასოვანი წევრი. როდესაც ოჯახი აღარ აკმაყოფილებს და მის შეზღუდვას იწყებს, გამოდის ოჯახიდან და იწყებს დამოუკიდებელ ცხოვრებას სოციუმში. როდესაც სოციუმში უკვე გაიზარდა და ეს სოციუმიც ზღუდავს მას გადადის სხვა სოციუმში და ესე ფართოვდება მუდმივად. იგივე პროცესები მიდის მის თავში. ფსიქიკა მუდმივად ვითარდება და არღვევს ბარიერებს. ნელ ნელ სწავლობს ქცევას კოპირების მეთოდით. იზრდება ხვდება რომ ოჯახმა მისცა აზროვნება,ზრდილობა,ეთიკა, ქცევის ნორმები, მაგრამ უკვე მის შეზღუდვას იწყებს. რელიგიამს შეუქმნა კარგი სულიერი საფუძველი. განვითარდა რელიგიაში ისე, რომ ის მხოლოდ ზღუდავს მას. ნელ ნელა არღვევს რელიგიის ბარიერსაც და მიდის წინ. ვითარდება ფართოვდება მისი ეგოც და მივიდა იმ დონემდე, რომ ეგოც უკვე ზღუდავს მას. არღვევს ეგოს ბარიერსაც და დგება მაღალ სულიერ და მენტალურ განვითარების გზაზე რის ბოლოსაც ერწმის სამყაროს.
რა მოხდება როდესაც ყველაფერი ერთმანეთს შეერწყმება? რა მოხდება როდესაც ყველაფერი ყველაფერში გაერთიანდება და აბსოლუტური ჰარმონია დაისაგურებს? ჩემი აზრით ეს არის ახალი დიდი აფეთქების საწყისი. ყველაფერი გაერთიანდება შეიკუმშება და ისევ ყველაფერი თავიდან დაიწყება დიდი აფეთქებით. დიდი აფეთქება იქნება ის საწყისი რომელზეც ამდენს ლაპარაკობენ, მაგრამ ის მუდმივობის ციკლში გამოკეტილი საწყისი იქენბა, საწყისი მხოლოდ შემდგომი ციკლისა, რომელიც სხვა ციკლების ერთობლიობაში ერთიანდება.
ჩემი გადმოსახედიდან ორი ურთიერთ საპირისპირო მოსაზრება, თუ როგორ შეიქმნა სამყარო დიდი აფეთქებით და მოსაზრება, რომ საერთოდაც არ შექმნილა და ის მუდმივად არსებობდა, საერთოდაც არ გამორიცხავს ერთმანეთს. შესაძლებელია, რომ ის მუდმივად არსებობს და მისი არსი იმაშია, რომ მიაღწიოს აბსოლუტურ ტოტალურობას, კრიტიკულ მასას და შემდეგ დიდი აფეთქებით დაიწყოს ეს პროცესი თავიდან.
გააზიარეთ თუ მოგეწონათ..
