მთარგმნელი: მამუკა გურული
გაცნობიერებული სიზმრები - ესაა მდგომარეობა, როცა სიზმარში ხვდებით, რომ გძინავთ. ეს გაცნობიერება შესაძლოა ვარირებდეს ოდნავ შესამჩნევი შეგრძნებიდან სიზმრის ღრმა გაცნობიერებამდე. გაცნობიერებული სიზმრები ჩვეულებრივ იწყება იმით, რომ ჩვეულებრივი სიზმრის დროს ადამიანი უეცრად აცნობიერებს, რომ სიზმარს ხედავს. ამას ეწოდება წარმოსახვით გამოწვეული გაცნობიერებული სიზმარი. გამოღვიძებით ინიცირებული გაცნობიერებული სიზმარს მაშინ აქვს ადგილი, როდესაც გამოღვიძების სტადიიდან თქვენ უკან ბრუნდებით სიზმრის სტადიაში ცნობიერების ჩავარდნების გარეშე. ნებისმიერ შემთხვევაში, ასეთ სიზმრებში ყველაფერი უფრო მისტიური და ემოციური გვეჩვენება, ვიდრე ჩვეულებრივში. და რაც ყველაზე მთავარია, გაცნობიერებული სიზმრებისთვის, საკუთარი თავის და სიტუაციების კონტროლის გარკვეული გამოცდილება უნდა გქონდეთ.
პირველი მეთოდი: გაცნობიერებული სიზმრის ტექნიკების გამოყენება
1. აწარმოეთ სიზმრების დღიური. ღამით საწოლთან გქონდეთ იგი, რათა გაღვიძებისთანავე შეგეძლოთ სიზმრის, ან იმ ემოციებისა და შეგრძნებების ჩაწერა, რომელსაც გაღვიძებისთანავე იგრძნობთ. ეს გასწავლით, რომ სიზმრებიდან მეტი რამ დაიმახსოვროთ, რაც ძალიან მნიშვნელოვანია გაცნობიერებული სიზმრებისთვის. გარდა ამისა, თუკი დილით მაშინვე დაგავიწყდებათ სიზმრები, საკუთარი სიზმრების მართვას არანაირი სარგებელი არ ექნება.
- ალტერნატივის სახით შეგიძლიათ გამოიყენოთ დიქტოფონი.
- უკეთ შეძლებთ სიზმრის გახსენებას, თუკი რამდენიმე წუთით უძრავად იწვებით და მეხსიერების კონცენტრაციას მოახდენთ, სანამ სიზმრის ჩაწერას დაიწყებდეთ.
2. ხშირად გადაამოწმეთ რეალობა. დღის განმავლობაში ხშირად, გარკვეული პერიოდულობით, დაუსვით საკუთარ თავს კითხვა: „ხომ არ მძინავს?“ - და ქვემოთ ჩამოთვლილთაგან რომელიმე სახით გადაამოწმეთ რეალობა. საკმარისი პრაქტიკის შემდეგ ეს ჩვევა სიზმარშიც გადავა, რაც სიზმრების გაცნობიერებამდე მიგიყვანთ.
- წაიკითხეთ რაიმე ტექსტი ან შეხედეთ დროს საათზე, შებრუნდით, შემდეგ კი კვლავ შეხედეთ იგივე საგანს. სიზმარში ტექსტი ან დრო გადღაბნილი ან უაზრო, ან ყოველ ჯერზე სხვადასხვა იქნება.
- მოიჭირეთ ცხვირზე ხელი, დამუწეთ პირი და შეამოწმეთ, შეგიძლიათ თუ არა სუნთქვა.
- უბრალოდ დახედეთ საკუთარ ხელებს და ფეხებს. სიზმარში, ახლო მანძილზე, როგორც წესი ისინი დამახინჯებულია.
3. დაძინების წინ, ყოველ ჯერზე, ცნობიერების გათიშვამდე იმეორეთ (გონებაში): „მე გავაცნობიერებ, რომ მძინავს.“ ასევე შეგიძლიათ გამოიყენოთ ნებისმიერი სხვა ანალოგიური ფრაზა. ამ ტექნიკას ეწოდება მნემონური შესვლა გაცნობიერებულ სიზმარში. მნემონური შესვლა ნიშნავს, რომ თქვენ იყენებთ „მეხსიერების თვისებებს“, ან მოცემულ შემთხვევაში მექანიკურად დამახსოვრებულ ფრაზას, რომელიც სიზმრის გაცნობიერებულობას რთავს და ავტომატურ ჩვევად აქცევს მას.
- ზოგს მოსწონს ამ ტექნიკის კომბინირება რეალობის შემოწმებასთან ხელებზე უშუალოდ დაძინების წინ დახედვის სახით.
4. ისწავლეთ საკუთარი სიზმრების ნიშანთა ამოცნობა. რეგულარულად ათვალიერეთ თქვენი სიზმრების დღიური და ყურადღება მიაქციეთ სიზმარში განმეორებად „ნიშნებს“. ეს იქნება განმეორებადი სიტუაციები ან მოვლენები, რომლებსაც საკუთარ სიზმრებში შეამჩნევთ. დაიმახსოვრეთ ისინი, და შეგიძლიათ მომდევნო სიზმარში იცნოთ, რაც სიზმრის გაცნობიერებაში დაგეხმარებათ.
- სავარაუდოდ, თქვენ უკვე იცით ზოგიერთი თქვენი სიზმარი. ხშირად განმეორებად სიზმრებს შორის უნდა ვახსენოთ სიზმრები, რომლებშიც კბილები გძვრებათ, ვიღაც უზარმაზარი მოგსდევთ, ან საზოგადოებრივ ადგილას შიშველი ხართ.
5. სცადეთ, კვლავ ჩათვლიმოთ გაღვიძების შემდეგ. როცა გაიღვიძებთ და სიზმარს გაიხსენებთ, ჩაიწერეთ იგი დღიურში, შემდეგ კი დახუჭეთ თვალები და კვლავ კონცენტრირდით სიზმარზე. წარმოიდგინეთ, რომ სიზმარში ხართ, დამახასიათებელ ნიშანს ხედავთ, ან რეალობის შემოწმების შესაბამის შედეგს და ხვდებით, რომ ეს სიზმარია. ეცადეთ მოეჭიდოთ ამ აზრს, სანამ არ ჩათვლემთ, შედეგად შესაძლოა სიზმარი გააცნობიეროთ.
- გაცნობიერებული სიზმრების უმეტესობა ხდება მაშინ, როცა ადამიანს ღრმად სძინავს, ჩვეულებრივ ეს ხდება რაიმე არაბუნებრივი მოვლენის შედეგად, რომლის შემდეგაც სიზმრის გაცნობიერება ხდება. ეს ერთ-ერთი ალტერნატიული მექანიზმია გაცნობიერებული სიზმრების ჩასართავად, და იგი დაახლოებით 25% შემთხვევებში გვხვდება.
6. იფიქრეთ მანათობელი მაღვიძარას შეძენაზე. შედით ინტერნეტში და იყიდეთ ყმოვანის ნაცვლად მანათობელი მაღვიძარა ან სპეციალური „სიზმარხილვების მაღვიძარა“, რომელიც განკუთვნილია გაცნობიერებული სიზმრების სტიმულაციისთვის. დააყენეთ იგი ისე, რომ დაძინებიდან 4, 5, 6 ან 7 საათში ჩაირთოს, ან ისე დააყენეთ, რომ ყოველ საათში ჩაირთოს ხოლმე, თუკი ეს შესაძლებელია. მიუხედავად იმისა, რომ ხმოვანმა, ტაქტილურმა ან სხვაგვარმა სტიმულაციამ სწრაფი ძილის დროს (როცა ძილის დროს თვალები სწრაფად მოძრაობენ) შესაძლოა სიზმრის გაცნობიერება გამოიწვიონ, ერთ-ერთმა კვლევამ ეჩვენა, რომ ყველაზე ეფექტურ სტიმულს სწორედ სინათლე წარმოადგენს.
- სინამდვილეში თქვენ არ გჭირდებათ გამოღვიძება (თუკი არ გინდათ, რომ დროული გამოღვიძების ტექნიკა გამოიყენოთ, რომელზეც საუბარი შემდგომში გვექნება). დადგით მანათობელი მაღვიძარა საწოლისგან მოშორებით, ისე, რომ ხელით ვერ წვდებოდეთ და გადააფარეთ ზეწარი, ან დააყენეთ შედარებით დაბალ შუქზე.
მეორე მეთოდი: დროული გამოღვიძების მეთოდის გამოყენება
1. გაიგეთ, როდის ხდება ყველაზე ხშირად გაცნობიერებული სიზმრები. გაცნობიერებული სიზმრები და მკაფიო სიზმრები თითქმის ყოველთვის სწრაფი ძილის სტადიაზე ხდება, რომელიც ხასიათდება თვალების კაკლების სწრაფი მოძრაობით. სწრაფი ძილის პირველი სტადია დაძინებიდან დაახლოებით 90 წუთში დგება, შემდეგი სტადიები კი დაახლოებით ყოველ 90 წუთში მეორდება. მოცემული მეთოდის მიზანი იმაში მდგომარეობს, რომ გაიღვიძოთ სწრაფი ძილის სტადიაზე, შემდეგ კი კვლავ დაიძინოთ და განაგრძოთ სიზმარი, უკვე გაცნობიერებულად.
- თქვენ ვერ შეძლებთ ზუსტად განსაზღვროთ სწრაფი ძილის სტადიის დადგომა სიზმრის ლაბორატორიის მონახულების გარეშე, ან ისეთი ადამიანის ჩართვის გარეშე, ვინც ძალიან დაინტერესებულია, რომ მთელი ღამე თქვენი თვალების კაკლებს ადევნოს თვალყური, უფრო რეალურია, უბრალოდ განაგრძოთ ქვემოთმოყვანილი ტექნიკის მცდელობები მანამდე, სანამ სწრაფი ძილის სტადიაზე არ გამოიჭერთ საკუთარ თავს.
2. მოახდინეთ სხეულის სტიმულირება სწრაფი ძილის ფაზის გახანგრძლივებისთვის. არსებობს სწრაფი ძილის ფაზის გახანგრძლივების მრავალი მეთოდი, რომლებიც აღწერილია შესაბამის სტადიაში. ერთ-ერთი ყველაზე ეფექტური საშუალება, რომელიც ხელს უწყობს სწრაფი ძილის სტადიის რეგულარულ დადგომას, წარმოადგენს ძილის რეჟიმის მკაცრად დაცვა მისი საკმარისი ხანგრძლივობის უზრუნველყოფით, რათა გაღვიძების შემდეგ ადამიანმა თავი კარგად დასვენებულად იგრძნოს.
- ეს შესაძლოა ძნელად შეუთანხმოთ ამის ქვემოთ აღწერილ ნაბიჯს, რომელიც თქვენს ძილს ღამის განმავლობაში წყვეტს. თუკი პრობლემები გაქვთ ხელმეორედ დაძინებასთან დაკავშირებით, სცადეთ სხვა მეთოდის გამოყენება, ან შეზღუდეთ თქვენი მცდელობები კვირაში ერთ ან ორ მცდელობამდე.
3. გაიღვიძეთ ღამის განმავლობაში. დააყენეთ მაღვიძარა ნებისმიერ ვარიანტზე: დაძინებიდან 4, 5, 6 ან 7 საათში გასაღვიძებლად. ამ დროს სწრაფი ძილის სტადიაში აღმოჩენის ალბათობა უფრო მეტია, თუმცაღა მისი ზუსტი დროის დადგენა რთულია. უფრო მეტი შანსი დაძინებიდან 6 ან 7 საათის შემდეგაა, რადგანაც ამ დროს სწრაფი ძილი მიდრეკილია, რომ უფრო ხანგრძლივი იყოს და უფრო მკაფიო, ხატოვან და გაცნობიერებულ სიზმრებს შეიცავდეს.
4. რაღაც პერიოდის განმავლობაში იყავით გაღვიძებულ მდგომარეობაში. ჩაიწერეთ თქვენი სიზმრები, თუკი ნახეთ ისინი, შეისხით ცივი წყალი, მოიმზადეთ საუზმე, ან უბრალოდ გაიარ-გამოიარეთ ოთახში. თქვენი მიზანია, რომ საკუთარი თავი ცნობიერების აქტიურ და ფხიზელ მდგომარეობაში მოიყვანოთ, მაშინ, როცა თქვენი სხეული ჯერ კიდევ ძილის ჰორმონებითაა სავსე.
- ერთ-ერთმა კვლევამ აჩვენა, რომ ფხიზელ მდგომარეობაში 30-60 წუთის განმავლობაში ყოფნა უფრო მეტ შანსს იძლევა გაცნობიერებული სიზმრისთვის.
5. კონცენტრირდით სიზმარზე და კვლავ დაიძინეთ. დახუჭეთ თვალები და განმეორებით დაიძინეთ. თუკი გახსოვთ მანამდე ნანახი სიზმარი, იფიქრეთ მასზე, წარმოიდგინეთ საკუთარი თავი ამ სიზმრის გაგრძელებაში. მიუხედავად იმისა, რომ ამისთვის გარკვეული დრო დაგჭირდებათ, კარგი შანსი გექნებათ, რომ გაცნობიერებულ სიზმარში აღმოჩნდეთ.
6. სცადეთ კონცენტრაციის სხვა ტექნიკების გამოყენება. თუკი თქვენი გონება ამაოდ ცდილობს წინა სიზმრის „დაჭერას“, ან თუ საერთოდ არ გახსოვთ იგი, სცადეთ, რომ ამის ნაცვლად საკუთარი თითების მოძრაობაზე კონცენტრირდეთ. გამოიყენეთ მცირე მოძრაობების თანმიმდევრული რიგი, მაგალითად, საჩვენებელი თითი ზემოთ, შუა თითით ქვემოთ, შუა თითით ზემოთ, საჩვენებელით ქვემოთ. გაიმეორეთ ეს რიტმული მოძრაობები, სანამ არ დაგეძინებათ.
მესამე მეთოდი: დამატებითი ტექნიკების გამოყენება
1. იმედიტირეთ. ძილის წინ იმედიტირეთ სიწწყნარეში, ბნელ ოთახში. შეგიძლიათ დიდ შედეგებს მიაღწიოთ, თუკი მედიტაციის კურსებზე ჩაეწერებით, მაგრამ დასაწყისისთვის უბრალოდ ყურადღება მიაქციეთ საკუთარ სუნთქვას და წარმოიდგინეთ კიბის საფეხურებზე ასვლა და ჩამოსვლა. მიზანი იმაში მდგომარეობს, რომ შეწყვიტოთ ფიქრი და შეხვიდეთ მშვიდ, კომფორტულ მდგომარეობაში, საიდანაც უფრო ადვილია გაცნობიერებულ სიზმარში შესვლა.
- გახსოვდეთ, რომ „გამოღვიძებით პროვოცირებული“ გაცნობიერებული სიზმრები უფრო იშვიათობაა და მათში მოხვედრა უფრო რთულია, ვიდრე იმ გაცნობიერებულ სიზმრებში, რომლებიც მაშინ ჩნდებიან, როცა უკვე გძინავთ.
- ინტერნეტში შეგიძლიათ მრავალი ვიდეო-რგოლი მოიძიოთ გაცნობიერებული სიზმრისთვის განკუთვნილი სპეციალური მართვადი მედიტაციებით.
2. ეცადეთ, გაახანგრძლივოთ გაცნობიერებული სიზმარი, როგორც კი იგი გაფერმკრთალებას დაიწყებს. ადამიანებს, რომლებიც აცნობიერებენ საკუთარ თავს სიზმარში, ხშირად ემართებათ გამოღვიძება სიზმრის გაცნობიერებით მიღებული აღტაცების გამო! ჩვეულებრივ, შეგიძლიათ შეიგრძნოთ გამაფრთხილებელი ნიშნები, როგორც კი სიზმარი „არასტაბილური“ გახდება, ან რეალური სამყაროდან მოსულ შეგრძნებების შეგრძნებას დაიწყებთ. ქვემოთმოყვანილი მეთოდები დაგეხმარებათ გაცნობიერებული სიზმრის გახანგრძლივებაში.
- გადაბრუნდით სიზმარში, ან ზურგზე დაწექით. ზოგი ამბობს, რომ ეს დაგეხმარებათ, თუმცა ამის მიზეზები უცნობია.
- სიზმარში ხელისგულები ერთმანეთზე გაუხახუნეთ. შესაძლოა ამან რეალური სამყაროს შეგრძნებებს მოგაცილოთ.
- განაგრძეთ იმ მოქმედებების შესრულება, რომლებსაც მანამდე ასრულებდით, სანამ სიზმარი არასტაბილური გახდებოდა. ეს გაცილებით უფრო ნაკლებად ეფექტურია, ვიდრე ზემოთ ჩამოთვლილი მეთოდები.
3. მოუსმინეთ ბინაურალურ რიტმებს. თუკი ყოველ ყურში გარკვეული სიხშირის ბგერებს გაგზავნით, თქვენი ტვინი ორ ერთმანეთზე დადებულ ტალღას ისე აღიქვამს, როგორც რიტმს, მაშინაც კი, თუ მუსიკაში არანაირი რიტმი არაა ჩართული. ეს გარკვეული სახით ცვლის ტვინის ელექტრო-აქტივობას, თუმცაღა მეცნიერები არ არიან დარწმუნებულნი, რომ ამით გაცნობიერებული სიზმრების სტიმულირებაა შესაძებელი. არსებობს მრავალი ვებ-გვერდი და ბინაურალური რიტმების კოლექციები, ამიტომ ძალიან იოლია შემოწმება, შეგიძლიათ თუ არა ყურსასმენებით ძილი. სიზმარმხილველთა უმეტესობაიყენებს რიტმებს, რომლებიც ტვინში სწრაფი ძილის დროს დაფიქსირებულ თეტა-ტალღებს ჰგვანან, თუმცა ზოგიერთი იყენებს გამა- ან ალფა-რიტმებს, ან სხვადასხვა რიტმთა თანმიმდევრულ ნაკრებს.
- ბინაურალურ რიტმებს შესაძოა თან ახლდეს დამამშვიდებელი მუსიკა, ან სუფთა სახით იყოს ჩაწერილი.
4. ითამაშეთ ვიდეო-თამაშები. გეიმერებში გაცნობიერებული სიზმრების გაცილებით მეტი პროცენტია, ვიდრე ჩვეულებრივ ადამიანებში. მიუხედავად იმისა, რომ კიდევ დამატებითი კვლევების ჩატარებაა საჭირო ამ სფეროში, დიდი ალბათობაა იმისა, რომ კვირაში 1-2 საათი თამაშიც კი გაზრდის თქვენს შანსს სიზმრის გაცნობიერებისთვის. ამასთან თქვენს მიერ არჩეულ თამაშის სახეს არანაირი მნიშვნელობა არ აქვს. [ეს სტატისტიკა გამომდინარეობს იქიდან, რომ გეიმერების დიდი უმრავლესობა სმენის-ვექტორიანია, ამიტომ ვფიქრობ, ვიდეო-თამაშები, როგორც სიზმარხილვების დამატებითი ტექნიკა, სრულიად ზედმეტია. ამას გაცილებით ჯობია წარმოსახვის უნარზე მუშაობა და ვიზუალიზაციის უნარის დახვეწა - მთარგმნელის შენიშნვა].
5. იფიქრეთ გალანტამინის მიღებაზე. გალანტამინი - ესაა თეთრყვავილასგან (Galanthus) სინთეზირებული მედიკამენტი, რომელიც შესაძლოა ყველაზე ეფექტური მედიკამენტური საშუალება იყოს გაცნობიერებული სიზმრების გამოწვევისთვის. ოპტიმალური შედეგისთვის მიიღეთ 4-8 მგ გალანტამინი ღამით. პრეპარატის ძილის წინ დალევამ შესაძლოა ძილის ხარისხი გააუარესოს და უსიამოვნო სიზმრები გამოიწვიოს. ამ თავისებურებისა და ქვემოთ ჩამოთვლილი უარყოფითი ეფექტების გამო გალანტამინის გამოყენება რეკომენდებულია მხოლოდ იშვიათად, სხვა მეთოდებთან დამატების სახით.
- წინასწარ გაიარეთ ექიმთან კონსულტაცია, გაქვთ თუ არა ჯანმრთელობის პრობლემები. გალანტამინმა შესაძლოა გააუარესოს ისეთი პრობლემები, როგიცაა ასთამა და გულის დაავადებები.
- მოცემული პრეპარატი ზრდის „ძილის დამბლის“ ალბათობას, რომელიც უწყინარი, მაგრამ შემზარავი მდგომარეობაა, როდესაც გაღვიძებული ადამიანი რამდენიმე წუთის განმავლობაში ვერ ახერხებს კუნთების ამოძრავებას.
6. იფიქრეთ პერიოდულად B ვიტამინის მიღებაზე. B5 და B6 ვიტამინებს შეუძლიათ სიზმრები უფრო მკაფიო და ემოციურად დატვირთული გახადონ, რამაც შესაძლოა სიზმრის გაცნობიერებამდე მიგიყვანოთ. თუმცაღა, ეფექტის შესამჩნევად დაგჭირდებათ 100 მგ დოზის მიღება. ეს გაცილებით უფრო მეტია, ვიდრე ყოველდღიურად რეკომენდებული დოზა, და თუ ვიტამინს ასეთი მოცულობით ხანგრძლივი დროის განმავლობაში მიიღებთ, ამან შესაძოა გამოიწვიოს პერიფერიული ნერვების დაზიანება. შეგიძლიათ გამოიყენოთ ვიტამინი მხოლოდ განსაკუთრებული შემთხვევებისთვის და საკუთარი პასუხისმგებლობით.
- გაიარეთ კონსულტაცია ექიმთან, თუკი ამჟამად სხვა წამლებსაც იღებთ, ან თუკი სისხლდენებთან, კუჭთან, ნაწლავებთან და გულთან დაკავშირებული რაიმე აშლილობა გაქვთ.
- ამ პრეპარატმა ზოგიერთში შესაძლოა ღამით გამოღვიძება გამოიწვიოს, ამიტომ მისი მიღება შესაძლოა კონტრ-პროდუქტიული აღმოჩნდეს, თუკი ისედაც ფხიზელი ძილი გაქვთ.
რჩევები:
- გაცნობიერებული სიზმარი წარმოადგენს უნარ-ჩვევას, რომელიც უნდა ისწავლოთ, და ის ადამიანებიც კი, რომლებიც რეგულარულად ხედავენ გაცნობიერებულ სიზმრებს, ამას თვის განმავლობაში 1-2-ჯერ ახერხებენ. იქონიეთ მოთმინება და განაგრძეთ ზემოთმოყვანილი ტექნიკების გამოყენება, ასე თანდათანობით გაზრდით გაცნობიერებული სიზმრების შანსებს და სიხშირეს.
- თუკი პერიოდულად ძილის დროს „ცრუ გამოღვიძებებს“ აქვს ადგილი, ჩვევად დაიწესეთ რეალობის შემოწმების მეთოდი (მაგალითად, წიგნის წაკითხვის მცდელობა) გამოღვიძებისთანავე. წინააღმდეგ შემთხვევაში ცრუ გამოღვიძებამ შესაძლოა გაცნობიერებული სიზმარი სრულიად ჩვეულებრივად აქციოს.
გაცნობიერებული სიზმარხილვის დროს განიზრახეთ, რომ რამდენიმე წუთში გაიღვიძოთ. ეს გაზრდის სიზმრის დამახსოვრების შანსებს.
- ძილის წინ ერთი საათი არაფერი დალიოთ. ტუალეტში გასასვლელად გაღვიძება - უკანასკნელია, რაც შეიძლება მოგინდეთ წარმატებული სიზმარხილვის დროს.
თუ თქვენი სიზმარი ისე არ მიდის, როგორც გსურთ, „დახუჭეთ თვალები“ სიზმარში, შემდეგ კი ძალისხმევით გაახილეთ ისინი. გაიმეორეთ მანამ, სანამ არ გაგეღვიძებათ.
- თუ თვლით, რომ სიზმარზე კონტროლს კარგავთ, ძალიან ხმამაღლა წამოიყვირეთ ის, რაც გსურთ, რომ მოხდეს, და აკეთეთ ასე მანამ, სანამ კვლავაც არ დაიწყებთ სიზმრის კონტროლს, ან სანამ არ მოხდება ის, რაც გსურდათ.
გაფრთხილებები:
- თუ სიზმრის დროს ძალიან აღელდებით, შესაძლოა უეცრად გაგეღვიძოთ. სიზმარში დასაბრუნებლად დახუჭეთ თვალები და კონცენტრირდით მასზე. თუ მხოლოდ სანახევროდ გაგეღვიძათ, მაგრამ ჯერ კიდევ „სიზმარში ხართ“, გადაბრუნდით, ან ხელისგულები ერთმანეთს გაუხახუნეთ.
გაცნობიერებულმა სიზმარმა შესაძოა ძილის დამბლა გამოიწვიოს, რომლის დროსაც თქვენ ფხიზლად ხართ და აცნობიერებთ გარშემო არსებულ მდგომარეობას, მაგრამ არ შეგიძლიათ კუნთების გამოძრავება. ეს უწყინარი რამაა, მაგრამ ხშირად ბევრს აშინებს, განსაკუთრებით მაშინ, თუ ამას ახლავს ჰალუცინაციები, თითქოს ოთახში ვიღაც ან რაღაც სხვაცაა. ზოგიერთი კუნთი ნაკლებად ექვემდებარება დამბლას, ვიდრე სხვა დანარჩენები, ამიტომ სცადეთ ფეხის თითების ამოძრავება და ეცადეთ, სიმშვიდე შეინარჩუნოთ, სანამ თქვენი ჰალუცინაცია არ შეწყდება.
თუ მოგეწონათ, გააზიარეთ...
სტატიაში გამოყენებული წყაროები და ლინკები: http://www.lucidity.com/SleepAndCognition.html Lucid Dreaming: Psycho physiological Studies of Consciousness during REM Sleep] In Bootzen, R. R., Kihlstrom, J.F. & Schacter, D.L., (Eds.) Sleep and Cognition. Washington, D.C.: American Psychological Association, 1990 (pp. 109-126) 2. ↑ http://www.lucidity.com/NL11.DreamRecall.html 3. ↑ http://www.overcomingbias.com/2008/05/sleepy-fools.html 4. ↑ http://www.infiniteminds.info/Lucid-Dreaming/How-to-Lucid-Dream-Mnemonic-Induction-of-Lucid-Dreams.html 5. ↑ http://www.infiniteminds.info/Lucid-Dreaming/How-to-Lucid-Dream-Mnemonic-Induction-of-Lucid-Dreams.html 6. ↑ http://www.lucidity.com/SleepAndCognition.html 7. ↑ LaBerge, Stephen Levitan, Lynne. Validity established of DreamLight cues for eliciting lucid dreaming. In Dreaming, Vol 5(3), Sep 1995, pp.159-168. 8. ↑ http://www.lucidity.com/NL11.DreamRecall.html 9. ↑ http://bettersleep.org/better-sleep/stages-of-sleep/rem-sleep 10. ↑ http://www.lucidity.com/SleepAndCognition.html 11. ↑ http://www.infiniteminds.info/Lucid-Dreaming/Increase-your-chances-of-lucidity-with-the-wake-back-to-bed-technique.html 12. ↑ http://www.lucidity.com/NL7.34.RU.SpinFlowRub.html 13. ↑ http://dreamstudies.org/2011/02/24/binaural-beats-for-lucid-dreaming-is-it-just-pseudoscience/ 14. ↑ http://www.pcworld.com/article/197532/gamers_dream_better_study_shows.html 15. ↑ http://www.academia.edu/3018961/Dreams_and_Video_Game_Play 16. ↑ http://dreamstudies.org/galantamine-review-lucid-dreaming-pill/ 17. ↑ http://www.ncbi.nlm.nih.gov/pubmed/11883552 18. ↑ http://www.mayoclinic.org/drugs-supplements/vitamin-b6/safety/hrb-20058788 · Robert Waggoner, Lucid Dreaming: Gateway to the Inner Self, (Needham, MA: Moment Point Press) pp. 269-270
