მთარგმნელი: ანეტ შტრაუსი; Ikigai / იკიგაი
წყარო
1949 წელს დაბადებული სლავოი ჟიჟეკი სლოვენიელი ფილოსოფოსი და კულტუროლოგია. არის ფრანგი ფილოსოფოსის, ჟაკ ლაკანის მთარგმნელი, ინტერპრეტატორი; ლიუბლიანის ფილოსოფიური სკოლის დამფუძნებელი.
- როდის იყავი ყველაზე ბედნიერი?
- რამდენჯერმე, როცა გამახსენდა ბედნიერი მომენტი. არასოდეს, როცა ხდებოდა.
- რა არის შენი ყველაზე დიდი შიში?
- სიკვდილის შემდეგ გაღვიძება. ამიტომაც მინდა, რომ მაშინვე დამწვან.
- რა არის შენი ყველაზე ადრინდელი მოგონება?
- შიშველი დედაჩემი. ამაზრზენია.
- რომელი ცოცხალი ადამიანი აღგაფრთოვანებს და რატომ?
- ჟან-ბერტრანდ არისტიდე, ჰაიტის ორჯერ გადაყენებული პრეზიდენტი. ის არის ნიმუში იმისა, თუ რა შეიძლება გაკეთდეს ხალხისთვის, თუნდაც უიმედო სიტუაციაში.
- რა არის შენი ყველაზე ცუდი თვისება?
- ინდიფერენტულობა სხვების ცუდ მდგომარეობაში ყოფნის მიმართ.
- რა არის თვისება, რომელიც ყველაზე მეტად არ მოგწონს სხვებში?
- მათი მლიქვნელური შემოთავაზება დახმარების მზადყოფნაზე, როცა ის ან არ მინდა, ან არ მჭირდება.
- რა არის შენი ყველაზე სამარცხვინო მომენტი?
- შიშველი დგომა ქალის წინ, სექსით დაკავებამდე.
- რა არის ყველაზე ძვირადღირებული ნივთი, რაც კი გიყიდია?
- ჰეგელის ნამუშევრების კოლექციის ახალი გერმანული გამოცემა.
- რა არის შენი ყველაზე ძვირფასი საკუთრება?
- იხილეთ წინა პასუხი.
- რა გაყენებს დეპრესიულ ხასიათზე?
- როცა სულელ ხალხს ბედნიერს ვხედავ.
- ყველაზე მეტად რა არ მოგწონს შენს გარეგნობაში?
- რომ ის ისეთს მაჩენს, როგორიც ვარ.
- რა არის შენი ყველაზე უსიამოვნო ჩვევა?
- ჩემი ხელების ზედმეტად სასაცილო ტიკები ლაპარაკისას.
- რა იქნებოდა შენი კოსტუმი ჰელოუინისთვის?
- ჩემი სახის ნიღაბი. ასე ხალხი იფიქრებდა, რომ მე მე არ ვარ, არამედ ვიღაც სხვა, ვინც "მედ" ასაღებს თავს.
- რა არის შენი guilty pleasure?
- გამაღიზიანებლად პათეტიკური ფილმების ყურება, როგორიცაა „მუსიკის ჰანგები“.
- რით ხარ დავალებული შენი მშობლებისგან?
- იმედი მაქვს, არაფრით. წუთითაც არ ვყოფილვარ დამწუხრებული მათი სიკვდილის გამო.
- ვისთვის გინდა ყველაზე მეტად ბოდიშის მოხდა და რატომ?
- ჩემი ვაჟიშვილებისთვის, რადგან საკმარისად კარგი მამა არ ვარ.
- როგორი გრძნობაა სიყვარული?
- როგორიცაა უდიდესი უბედური შემთხვევა, საზარელი პარაზიტი, მუდმივი მდგომარეობა კრიტიკული სიტუაციისა, რომელიც პატარა სიამოვნებებსაც აფუჭებს.
- ვინ ან რა არის შენი ცხოვრების სიყვარული?
- ფილოსოფია. მე ფარულად ვფიქრობ, რომ რეალობა არსებობს, ასე რომ, შეგვიძლია, მისით ვისპეკულიროთ.
- რა არის შენი საყვარელი სურნელი?
- ლპობაშეპარული ბუნება, მაგალითად, დამპალი ხე.
- ოდესმე გითქვამს „მიყვარხარ“ და რეალურად არ გიგულისხმია ეს?
- ყოველთვის. როცა ვინმე ნამდვილად მიყვარს, ამის გამოხატვა მხოლოდ აგრესიული და უგემური შენიშვნებით შემიძლია.
- რომელი ცოცხალი ადამიანი გეზიზღება ყველაზე მეტად და რატომ?
- ექიმები, რომლებიც მწამებლებს ეხმარებიან.
- რა არის ყველაზე ცუდი სამსახური, რაც კი ოდესმე გიმუშავია?
- სწავლება. მეზიზღება სტუდენტები. მათი (როგორც ყველა სხვა) უმეტესობა სულელი და მოსაწყენია.
- რა არის შენი ყველაზე დიდი იმედგაცრუება?
- რასაც ალან ბადიუ მეოცე საუკუნის „გაუგებარ კატასტროფას“ უწოდებს: კომუნიზმის კატასტროფული მარცხი.
- შენი წარსულის შეცვლა რომ შეგეძლოს, რას შეცვლიდი?
- ჩემს დაბადებას. მე სოფოკლეს ვეთანხმები: ყველაზე დიდი იღბლიანობა არდაბადებაა, მაგრამ ამაში წარმატებული ძალიან ცოტა ადამიანია.
- დროში უკან სვლა რომ შეგეძლოს, სად წახვიდოდი?
- მეცხრამეტე საუკუნის ადრეულ გერმანიაში, რათა ჰეგელის ლექციებს დავსწრებოდი.
- როგორ ისვენებ?
- ვაგნერის კვლავ და კვლავ მოსმენით.
- რამდენად ხშირად გაქვს სექსი?
- გააჩნია, რას ვიგულისხმებთ სექსში. თუ ჩვეულებრივ მასტურბაციას გულისხმობ პარტნიორთან ერთად, ვცდილობ, საერთოდ არ მქონდეს.
- როდის იყავი ყველაზე ახლოს სიკვდილთან?
- როცა გულის შეტევა მქონდა. ჩემი სხეულის სიძულვილი დავიწყე: მან უარი თქვა რომ შეესრულებინა თავისი ფუნქცია - ჩემთვის ბრმად მსახურება.
- რა გააუმჯობესებდა შენი ცხოვრების ხარისხს?
- სიბერისთვის თავის არიდება.
- რას თვლი შენს ყველაზე დიდ მიღწევად?
- წიგნში თავები, როცა გამოვავლინე, რომ რასაც ვფიქრობ, ჰეგელის კარგი ინტერპრეტაციაა.
- რა არის გაკვეთილი, რომელიც ცხოვრებამ გასწავლა?
- რომ ცხოვრება არის სულელი, უაზრო რამე, რასაც არაფერი აქვს ისეთი, რაც შეიძლება გასწავლოს.
- გვითხარი რაიმე საიდუმლო.
- კომუნიზმი გაიმარჯვებს.
