ტრანსკრიბცია სადჰგურუს ვიდეოდან
მთარგმნელი: თეონა ნაცვლიშვილი
თაფლი არის ერთადერთი ნივთიერება პლანეტაზე, რომლის ქიმიური შემადგენლობა არის ძალიან ახლოს ადამიანის სისხლთან. თუ შეცვლით რამდენიმე რამეს თაფლში, ის შესაძლოა გახდეს თითქმის როგორც სისხლი. ესაა ძალიან კარგი რამ მოხმარებისთვის, განსაკუთრებით ბავშვებისათვის. მას შეუძლია უამრავი რამ გააკეთოს ადამიანის მენტალური სიფხიზლისთვის, ასევე ის კარგია, თუ ხართ ანემიური რაიმე მიზეზის გამო, თაფლი არის საუკეთესო მატონიზირებელი საშუალება, რომელიც შეგიძლიათ მიიღოთ. ადვილად შეძლებთ გამოასწოროთ თქვენი ანემიური მდგომარეობა გარკვეული პერიოდის მანძილზე თაფლის მიღებით.
ინდოეთში არის გარკვეული ხალხი, რომელებიც ცნობილნი არიან როგორც თაფლის მწყემსები. მათი დიეტა თაფლია. მე მქონდა შესაძლებლობა ვყოფილიყავი მათთან რამოდენიმე დღით. მათი დილა იწყება ბამბუკის ჭიქით, რომელიც იტევს ¾ ლიტრ თაფლს. შენ სვამ ¾ ლიტრ თაფლს და ხარ ტყეში, დღე ჩვეულებრივ გრძელდება, და დღეში საშუალოდ მოზარდი ადის 40 ხეზე. ზემოთ-ქვემოთ, ზემოთ-ქვემოთ, თაფლის ძიებაში. მე გავიარე ეს მთელი პროცესი მათთან ერთად. ერთი ჭიქა თაფლი მთელი დღის მანძილზე, საჭმელის გარეშე და შენ უბრალოდ შესანიშნავად გრძნობ თავს უზარმაზარი ფიზიკური აქტივობით, ფეხით 10 - 12 კილომეტრის გავლით, 35-40 ხეზე ასვლა ჩამოსვლით ერთ დღეში, და როდესაც დაბრუნდები საღამოს, არის რაღაც მარცვეული, ადგილობრივი მარცვლეული, რასაც ყრიან თაფლში და მიირთმევენ. და ისინი უბრალოდ შესანიშნავად არიან. დაჯექით და შეხედეთ თქვენს ენერგიის დონეს ასეთი კვების დროს. თქვენ არ გჭირდებათ ასეთი დიეტა, მაგრამ თაფლს შეუძლია უამრავი რამ გააკეთოდ თქვენი ჯანმრთელობისთვის, მენტალური სიფხიზლისათვის.
