ავტორი: სალომე ჯოჯუა
ფოტოს ავტორი: ვანო ხარაშვილი
ნახევარი საათის წინ ერთ საათიანი შეხვედრა დავასრულე ინტრიგითა და ნეგატივით სავსე ადამიანთან. ხელის ჩამორთმევის დროს ხელის გულზე ვიგრძენი ტკივილი. ასე აღიქვამს ჩემი სხეული ნეგატივს. საუბარი არ დაიწყო წარმატებულად. პირველივე წუთებში უარი თქვა დოკუმენტის ხელმოწერაზე და დაიწყო ჩემი თანდასწრებით სატელეფონო კომუნიკაცია სხვადასხვა პირებთან…
ვუყურებდი და მეცინებოდა, ის ამჟღავნებდა საკუთარ თავს. იყენებდა ნებისმიე ხერხს და საშუალებას საკუთარი მიზნის მისაღწევად… არაპირდაპირი მუქარით დაწყებული, ტკბილი სიტყვით დამთავრებული…
ვუყურებდი და ვფიქრობდი – მასთან დიალოგი არ მსიამოვნებს, სრულად ნეგატიური არსებაა. ეს პრობლემაა თუ გამოწვევა?
როგორც კი მასთან ურთიერთობა გახდა გამოწვევა, საქმე უფრო გამარტივდა, სიტყვები შემეცვალა, განწყობა შემეცვალა. აგრესია შეიცვალა გაკვირვებით, სიბრაზე შეიცვალა სიმშვიდით. როგორ მარტივად შეიძლება ნებისმიერი მდგომარეობა შეცავლო, როცა მას უცვლი დამოკიდებულებას! საბოლოო ჯამში გავაფორმეთ ისე როგორც მას უნდოდა, მაგრამ ისეთი ტექსტით როგორც მე მინდოდა ? ორივე კმაყოფილი ვართ.
მთელ ამ პროცესში მუდმივად მებრძოდა მეორე სალომე, რომელიც მის დამცირებაზე იყო ორიენტირებული. დღეს იმ სალომეს დავუჯერე, რომელიც კარგი მსმენელი და დინჯი აღმოჩნდა.
ყველაფერი ასეა ჩვენს ირგვლივ, როცა ნეგატიურ დამოკიდებულებას ცვლი პოზიტიური დამოკიდებულებით, პრობლემას ანაცვლებ გამოწვევით მარტივდება-სამყაროს ვუყვარვართ და ის ყოველთვის გვეხმარება, ნებისმიერ დროს მასთან კონტაქტი გვავსებს და იმ გადაწყვეტილებას გვაღებინებს, რომელიც გვზრდის…
ამ ადამიანთან 1 საათიანმა კომუნიკაციამ წაიღო ჩემი ენერგიის ნაწილი, ცოტა თავის წამომტკივდა, კმაყოფილი ვარ და გაზრდილი… აღფრთოვანებული.
ზოგჯერ საკუთარი თავის შორიდან შეხედვა რამდენიმე წამში ცვლის ყველაფერს. უბრალოდ შეეცადეთ სიტუაცია წამებში შეაჯეროთ, შეაფასოთ და განალაგოთ ტვინის სხვადასხვა ნაწილას მისი სხვადასხვა შედეგები. ეს მაშინ როცა თქვენი თანამოსაუბრე ცდილობს თქვენს წყობიდან გამოყვანას ირონიული ღიმილით სახეზე. გამორთეთ სმენის ორგანო და ჩართეთ წარმოსახვა. ააწყვეთ სქემა ტვინში და მიიღეთ პასუხი, რომელიც თქვენ კეთილდღეობას მოგიტანთ! მიყვარს ასეთი დღეები! მიყვარს ასეთი შემთხვევები. მადლობა ამ ადამიანს! მადლობა სამყაროს ჩემი სიყვარულისთვის…
დღეს 13ია, პარასკევი და მზეც ბნელდება… მშვიდ და სიყვარულით სავსე დღეებს გისურვებთ! სითბოს გიგზავნით ისე და იმდენს რამდენიც არცერთ ჩვენგანს არ დააზიანებს!
თბილისი, 13 ივლისი, 2018 წელი
