მარსის შეერთება პლუტონთან
არქეტიპი: კოსმიური მეომარი
ამ ადამიანს ნების უმაღლესი გაგება აქვს.გააჩნია უდიდესი ნებისყოფა,ამტანობა,ბრძოლისუნარიანობა,უდიდესი სექსუალური ენერგია,მტკიცე ნება.კარგად აანალიზებს მიზეზ-შედეგობრივ კავშირებს.კარგი სტრატეგიული გონება აქვს,რითიც თითქმის ყოველთვის იმარჯვებს და თუ დამარცხდა,ამას მისი მოწინააღმდეგე ბოლომდე ვერ ხვდება და გაურკვევლობაში ტოვებს.
აგრეთვე როდესაც ბრძოლას იწყებს,უკან დასახევ გზას არასდროს იტოვებს.
აქვს მიდრეკილება ფარული მოქმედებისკენ.აკვიატება აქვს თავისი გეგმების საიდუმლოდ შენახვის,რაც ხშირად გაუგებრობებს ქმნის გარშემომყოფთათვის.
მისი მოქმედებები ინტუიციას და ინსტიქტებს ეყრდნობა,რაც ხშირ შემთხვევაში გამარჯვებაში ეხმარება,ხოლო თუ დამარცხდა იგი ამ დამარცხებას როგორც გაკვეთილს ისე იღებს.ტკივილი მისთვის ჩვეული გრძნობაა და ზრდასრულ ასაკში ხშირად საკუთარ "მეგობრადაც" კი აქცევს.
ეს ასპექტი საკმაოდ ძლიერია.ასეთი ადამიანები ყოველთვის ბრძოლის ველში არიან,ოღონდ რისთვის და რატომ იბრძვიან ამას უშუალოდ ის ნიშანი და სახლი გვიჩვენებს,სადაც ეს შეერთებაა.მაგალითად სასწორში თუ არის შეერთება,ეს ადამიანები სამართლიანობისთვის და მშვიდობისთვის იბრძვიან,ხოლო თუ მორიელშია მაშინ ძალაუფლებისთვის და ა.შ.
ბავშვობაში ადრეული ასაკიდანვე მათი თანატოლებისგან განსხვავებით,მათ უჩნდებათ ინტერესი სექსუალური საკითხების მიმართ.აქვთ მაღალი ლიბიდო.
ამ ადამიანებს საოცარი უნარი აქვთ რეგენერაციის,ენერგიის ტრანსფორმირების.მათი უდრეკი ნების და ძლიერი ამტანობის გამო ცხოვრებაში მრავალჯერ უწევთ სიკვდილისთვის თვალებში ჩახედვა.ისინი საკუთარ თავს მუდმივად წვრთნიან.სულიერი განვითარების შემთხვევაში,დიდებული სულიერი მეომრები ხდებიან,რომლებიც სხვებს სულიერ ტრანსფორმაციასა და კრიზისების დაძლევაში ეხმარებიან.ნეგატიური განვითარებისას კი საკუთარ ძალებს ბოროტად იყენებენ.
დამახასიათებელია ამ ადამიანთათვის უკიდურესობები.ნახევრად არასდროს იბრძვიან.თუ რაღაცის კეთებას იწყებენ,მთელს სულსა და გულს ამ საქმეში აქსოვენ და მთელი ვნებით აკეთებენ ამ საქმეს.
აქვთ ყოველთვის გაუცნობიერებელი თუ გაცნობიერებული სწრაფვა ძალაუფლებისკენ და დომინირებისკენ.არიან დაჟინებულნი.ისინი გამარჯვებას სტრატეგიულად უფრო აღწევენ,ვიდრე ყვირილით.
სასტიკად არ უყვართ მითითებები.არ აღიარებენ ავტორიტეტებს.
გააჩნიათ მბრძანებლური და მომაჯადოებელი აურა.
ქალების რუკაში შესაძლოა გაუპატიურების საფრთხეზე მიანიშნებდეს,ამიტომაც ფრთხილად იყავით ტრანზიტების დროს.ოღონდ რათქმაუნდა მხოლოდ ერთი მაჩვენებელი ამას არ განსაზღვრავს.
ადრეულ ასაკში შესაძლოა გარშემომყოფები მის ძალებს სათანადოდ არ აფასებდნენ და მუდმივად შარს ეყრებოდნენ,ან ბუნტისთავები ყოფილიყვნენ.ეს ყველაფერი კი პლუტონის გამოცდებს ჰგავს.დროთა განმავლობაში აცნობიერებენ ეს ადამიანები საკუთარ ძალას და ენერგიას.შესაბამისად შემდგომ ამ ენერგიის კონსტრუქციულად გამოყენებას სწავლობენ და მათ ცხოვრებაშიც უკვე ქრება დაბალი განვითარების ადამიანების მოზიდვა.ასევე საამისოდ უნდა გააცნობიეროს ისიც,რომ ძალმომრეობა პრივილეგია არ არის.
დადებითი მხარეები: უდიდესი ნებისყოფა,უდრეკი ნება,ამტანობა,სტრატეგიულობა,მაღალი ლიბიდო,უდიდესი სექსუალური ენერგია,ტრანსფორმაციის და რეგენერაციის ძლიერი უნარი,ბრძოლისუნარიანობა,საკუთარი თავის კონტროლი,ძალაუფლებისკენ სწრაფვა (ოღონდ მათი განვითარების დონის შესაბამისად).
უარყოფითი მხარეები:დაჟინებულობა,დომინირება,აგრესიულობა,ძალების ბოროტად გამოყენებისკენ მიდრეკილება,კრიმინალობა,შურისმაძიებლობა,ეგოცენტრულობა,სიჯიუტე.
ავტორი:ლუკა შერმადინი
