ავტორი: ანა თოფურიძე
მზით თევზების ნიშნით დაბადებული ადამიანები მეოცნებეობით და იდეალიზმისკენ მიდრეკილებით გამოირჩევიან. ისინი მუდამ კარგს ხედავენ, ლამაზს ქმნიან და ზღაპრული სამყაროში ცხოვრება სურთ. სჯერათ სიკეთის და სამყაროს იდეალურობაზე ოცნებობენ. ამ თვისებას აქვს კარგი მხარე, ამ ადამიანებს რეალურად შეუძლიათ თავის ენერგიით სიკეთის კეთება და გარემოს და ახლობლების ცხოვრების გალამაზება, მაგრამ მათ ბნელი მხარეც აქვთ, რომელიც ბევრად უფრო საშიშია და საზიანოა ვიდრე მათ თავად წარმოუდგენიათ.
თევზები რეალურ სამყაროს ვერ ეგუებიან, მათი გონება ამას მუდამ ეწინააღმდეგება, ის ასეა შექმნილი. თევზების აღქმისთვის მიუღებელია დაინახოს ბნელი მხარე როგორც სხვებში ასევე საკუთარ თავში. ფიქრით მუდამ სილამაზეს ელტვიან, უკანასკნელ ამოსუნთქვამდე გარბიან იქ სადაც უკეთესია, იქ სადღაც ზღაპარში, მათი წარმოსახვის ელასტიურობა ნებისმიერი სიტუაციიდან შექმნან კეთილი გარემო წარმოუდგენელია ყველა სხვა ნიშნისთვის. ისინი ხშირად თავისივე შექმნილ ილუზიას მიყვებიდან, როგორც პატარა ბავშვი გაეკიდებოდა პეპელას, გარშემო ვერაფერს შეამჩნევდა, მხოლოდ პეპლის დანახვისას მის გარშემო ფერიებს, ჯადოსნობას და ცისარტყელასრქიან მფრინავ რაშებს წარმოიდგენდა და რეალურად ცივ სუსხიან ამინდში ქუჩაში ან ტყეში მარტო დაიკარგებოდა. ასე ემართებათ ოცნება აყოლილ თევზებს. ისინი გაურბიან რეალობას სადღაც არ არსებულ ადგილას, იქ სადაც მათი გონება ქმნის წარმოსახვით სიმშვიდეს და უსაფრთხოებას და რომელიც არ არსებობს. ამ თვისების გამო ყველა თევზი განწირულია მრავალი იმედგაცრუებისთვის და დეპრესიისკენ მიდრეკილებისთვის, რადგან რეალობა ზედმეტად სასტიკია და მათი გონება ვერ უმკლავდება ცხოვრებისეულ გადაწყვეტილებებს.
თევზები მიდრეკილები არიან რელიგიური ფანატიზმისკენ. ალკოჰოლიზმის ან ნარკოტიკებისკენ იქ სადაც შეუძლიათ რეალობას გაექცნენ. ყველაზე დიდ მიჯაჭულობა და ნარკოტიკი, თევზებისთვის რეალურად კი ოცნებაა „უკეთეს სამყაროზე“.
თევზები ოცნებობენ უკეთეს სამყაროზე იმის მაგიერ რომ შექმნან ის. ისინი წუწუნებენ რომ არ არის უკეთესი სამყარო იმის მაგიერ რომ მოაწყონ ის. თევზები იბუტებიან იმის მაგიერ რომ თვალი გაუსწორონ რეალობას და თავის თავი შექმნის პროცესში იპოვონ. თევზები იშვიათად მოქმედებენ, ისინი წერენ, ხატავენ, საუბრობენ ან ოცნებობენ... რეალობაა ისაა რომ თევზები ძალიან ცოტა რეალურ ნაბიჯებს დგამენ იმის შესაქმნელად რაც სურთ. ისინი დღეები, თვეები და ზოგჯერ წლები უმოქმედობაში ცხოვრობენ და კვლავ, კვლავ ოცნებობენ...
ეს მეოცნებე ადამიანები ამით რომ მხოლოდ საკუთარ თავს აზიანებენ არ კმარა, ხშირად ისინი თავისი ილუზუიების სხვებისთვის თავზე მოხვევას ცდილობენ და თუ მეგობარმა ან ოაჯხის წევრმა მათი ოცნება და იდელისტური წარმოდგენა არ მიიღო, მაშინ აღშფოთდებიან და იბუტებიან, რის შემდეგაც კვლავ თავის ილუზიებში გარბიან კომფორტული თვითგვემის და დეპრესიისთვის.
თევზებს ხშირად გონიათ რომ მათ ვერ უგებენ და მათი არ ესმით, მაგრამ სინამდვილეში ეს თავად მათ არ ესმით რომ თავის შექმნილ სამყაროში ცხოვრობენ და არა რეალურ გარემოში სხვა ცოცხალ, მგრძნობიარე, მოფიქრალ, მებძოლ, მიწაზე მყარად მდგომ და მათგან განსხვავებულ ადამიანებთან ერთად. თევზები ხშირად უარყოფენ სხვა ადამიანებს და ამით გულს ტკენენ ახლობლებს, როცა თავად ეჩვენებათ რომ მას ვერ გაუგეს, რეალურად მან ვერ გაუგო სხვას და იმ სხვამ უბრალოდ მისი ზღაპრული პერსონაჟის წარმოდგენა არ მიიღო. თევზებო, თქვენი წარმოდგენის არ მიღება არ ნიშნავს თქვენ უარყოფას, ადამიანებს ძირითადად თქვენი დახმრება და რეალობაში დაბრუნება სურთ როდესაც გეჩვენებათ რომ ვერ გიგებენ.
თევზების გონებას ეჩვენება რომ იდეალურ გზას, გამოსავალს და ცხოვრების იდეას ხედავს, როდესაც ეს იდეალური სულაც არაა, რადგან მათი გონება რეალობას ვერ აანალზიებს თავის დაბრკოლებების გათვალიწინებით, ისინი უმეტესად ცდებიან. თევზები ცდებიან წარსულის და მომავლის გაიდეალებისას. ცდებიან ადამიანის მიმართ მოთხოვნილებისას და ობიექტურად რომ შევხედოთ, ძალიან ცუდად ექცევიან სხვა ადამიანებს. თევზები ქმნიან წარმოდგენას იდეალურ ადამიანზე, მიდიან მეგობართან და სთოვენ რომ მის იდეალს მოერგონ და თუ არ ეგრებიან მაშინ გაბრაზებული და გაბუტულები წყვეტენ მათთან კონტაქტს. ეს არის თევზების გონების და მეოცნებეობის შედეგი. და ყველაზე ცუდი ისაა რომ, ამ იდეალიზმისკენ მიდრეკილებით ისინი ადამიანებს ახლოს არ იცნობენ და ვერც იყვარებენ. ისინი მანამ წყვეტენ კავშირს სანამ რეალურ ურთიერთობას შექმნიან.
თევზების ბნელ მხარეებზე კიდევ შეიძლება ითქვას ბევრი, მაგრამ რომ არ დაითრგუნონ ეს მგრძნობიარე არსებები ასეთი სასტიკი სიტყვების წაკითხვის ბოლოს, ვიტყვი რომ თუ ისინი ამის კონტროლს ისწავლიან და თავის ბნელ მხარეებს თავად გააკონტროლებენ ან იუმორით შეხედავენ მუდმივ იდეალიზმს და დრამისკენ მიდრეკილებას, ცხოვრება უფრო მხიარული გახდება და რადგან ბუნებრივად მზრუნველები და მოსიყვარულეები არიან ადამიანებთან ურთიერთობებიც ილუზიების გარეშე გაუმარტივებთ რეალობაში ცხოვრებას და იქნებ, მიწაზე მყარად დგომით და ნაბიჯების გადადგმით თავისი იდეალური სამყარო რომელიმე სფეროში შეძლონ კიდეც.
