სიცილის მედიტაცია

laugh

ოშოს წიგნიდან - "ნარინჯისფერი წიგნი"

მთარგმნელი: მამუკა გურული

ყოველ დილით, სანამ ადგებით, სანამ თვალებს გაახელთ, კატასავით გაიზმორეთ, სხეულის ყოველი ფიბრათი გაიზმორეთ. 3 ან 4 წუთის შემდეგ ჯერ ისევ დახუჭული თვალებით დაიწყეთ სიცილი. 5 წუთის განმავლობაში უბრალოდ იცინეთ. თავიდან ამას „გააკეთებთ“, შემდეგ კი მალე თქვენი მცდელობები ნამდვილ სიცილს გამოიწვევენ. დაკარგეთ თავი სიცილში. შესაძლოა ამას რამდენიმე დღე დასჭირდეს, სანამ ეს მართლა მოხდება, რადგანაც ჩვენ სრულიად გადავეჩვიეთ ამ მოვლენას, მაგრამ რამდენიმე დროის შემდეგ ეს თვითნებური გახდება და თქვენი დღის მთელ ბუნებას შეცვლის.

მათთვის, ვისაც სირთულეები ექმნება ტოტალურ სიცილთან დაკავშირებით, ან მათთვის, ვინც გრძნობს, რომ მათი სიცილი ყალბია, ოშო შემდეგ მარტივ ტექნიკას გვთავაზობს:

დილით ადრე, სანამ რამეს შეჭამთ, დალიეთ თითქმის მთელი გრაფინი წყალი - თბილი მარილიანი წყალი. დალიეთ იგი ჩქარა, წინააღმდეგ შემთხვევაში ვერ შეძლებთ ბევრის დალევას.

შემდეგ უბრალოდ დაიხარეთ და ახველეთ, რომ წყალი უკან გადმოიღვაროს. ეს იქნება წყლით ღებინება, და იგი გაწმენდს გამტარ გზებს. მეტი არაფრის კეთება არაა საჭირო. გამტარ გზებში ბლოკია, ამიტომ როცა სიცილი გინდათ, იგი სიცილს აჩერებს.

იოგაში - ეს აუცილებელი პროცედურაა. მას „აუცილებელ განწმენდას“ უწოდებენ, იგი კარგად წმენდს, კარგ გამტარობას უზრუნველყოფს, და ყველა ბლოკს ხსნის [სინამდვილეში ამ დროს ძირითადად ბლოკები იხსნება ზედა სეგმენტებში - გულ-მკერდის ზემოთ (მთარგნ. შენიშვნა)]. შედეგად თქვენ მთელი დღის განმავლობაში იგრძნობთ სისუფთავეს და დატკბებით ამით. სიცილი და ცრემლები, და თქვენი მეტყველებაც კი ყველაზე ღრმა ცენტრიდან წამოვა.

აკეთეთ ეს 10 დღის განმავლობაში და ყველაზე კარგი სიცილი გექნებათ.

მედიტაცია — ეს წამალია. იგი მართლაც წამალია, ასე რომ დაივიწყეთ თქვენი პრობლემები და იმოძრავეთ მედიტაციაში.