ტრანსკრიბცია სადჰგურუს ვიდეოდან
მთარგმნელი: თეონა ნაცვლიშვილი
შეკითხვა: სინამდვილეში რა არის კიბო? და არსებობს თუ არა გზები, რომ თავიდან ავიცილოთ ის?
პასუხი: ჩვენ გვაქვს უჯრედები, როგორც ამბობენ ტრილიონობით უჯრედი. ყველა ეს უჯრედი არსებითად კოდირებულია და გამიზნულია ჯანმრთელობისთვის - ძირითადად გადარჩენისათვის, მათი ინდივიდუალური გადარჩენისათვის და მთელი ორგანიზმის გადარჩენისათვის. რამოდენიმე მათგანი ხანდახან ირჩევს აჩქარებულ ქცევას. მათ უნდათ უფრო დიდხანს იცოცხლონ, ვიდრე დანარჩენმა უჯრედებმა. ეს დანაშაულია, იცით? ისინი მძარცველები არიან. როგორია მათი ქცევა? რაც უნდა გამოგემუშავებინათ ერთ თვეში, მათ უნდათ რომ მიიღონ ერთ დღეში. მაგრამ ისინი ასევე იმ სოციუმის ნაწილები არიან მანამდე, სანამ მათ დაიჭერენ.
თუ ქვეყნის ყველა მძარცველი შეიკრიბება ერთად და ჩამოვა დელიში, მაშინ ყველა მოქალაქის ჯიბეები დაცარიელდება, რადგან იქნება ორგანიზებული ძარცვა. ასე რომ რასაც კიბოს ეძახით, არსობრივად იგივეა. ყველა ადამიანის სხეულში არის სიმსივნური უჯრედები. როდესაც ისინი ორგანიზებულნი და ფოკუსირებულნი ხდებიან ერთ წერტილში, მაშინ ეს ხდება სერიოზული პრობლემა, რომელსაც შეუძლია ადამიანს წაართვას სიცოცხლე.
რა არის ამ პრობლემის გადაწყვეტა? ბევრი რამ შეიძლება ითქვას. პირველად, კრიმინალი აყვავდება იქ, რომელ სისტემაშიც არაა წესრიგი. კრიმინალი სოციუმში ყვავის მაშინ, თუ აღსრულების კანონი არ არის წესრიგში. ასე რომ, ჩვენს ორგანიზმს დამცავი მექანიზმი გააჩნია. კარგად ვინახავთ მას? თუ ბომბარდირებას ვუკეთებთ ყველა სახის სტიმულანტებით, ინტოქსიკაციის გამომწვევი ნივთიერებებით, ყველაფრით და შემდეგ ველოდებით რომ ჩვენი ორგანიზმის დამცავი მექანიზმი იმუშავებს. ის არ იმუშავებს ამ სიტუაციაში. ჩვენ უნდა გვესმოდეს, ყველა სტიმულანტისა და ინტოქსიკაციის გამომწვევი ნივთიერებების მიღებისას, გარკვეულწილად იშლება ორგანიზმის დამცავი მექანიზმი. ხალხს ჰგონია, რომ დამცავი მექანიზმი არის მხოლოდ გარეგანი ინფექციებისთვის. არა. ის მაშინაც კი მუშაობს, როდესაც თქვენს ორგანიზმში კრიმინალი ხდება.
იოგურ სისტემაში არის მარტივი ლოგიკა: ეს სიმსივნური უჯრედები ჩვენს ორგანიზმში ჩვეულებრივ მოიხმარენ 27 ან 28-ჯერ მეტ საკვებს, ვიდრე ნორმალური უჯრედები. ასე რომ, თუ თქვენ გააკეთებთ შუალედს საკვების მიღებებს შორის, იდეალური დრო ერთი საკვებიდან მეორემდე იოგას კულტურაში არის 8-დან 12 საათამდე. თუ თქვენ დააშორებთ საკვების მიღებას ერთმანეთისგან 8 საათით, ნახავთ რომ ყველა სიმსივნური უჯრედი თავისით მოკვდება, რადგან არ შეუძლიათ საკვების გარეშე გადარჩენა. სხვა უჯრედები კი გადარჩებიან. ყოველთვის დააფიქსირეთ, დილას მიიღეთ ერთი საკვები, საღამოს კი მეორე, შუალედებში არ ჭამოთ. ასევე ერთხელ ან ორჯერ თვის განმავლობაში, ხალხი აპრაქტიკებს ერთდღიან შიმშილობას. ესენია მარტივი გზები, რომ აკონტროლოთ ის. გარდა ამისა, კიდევ ბევრი რამ არსებობს. ყველაფერთან ერთად, თუ თქვენი სხეული და გონება გარკვეულ სიმსუბუქეშია, ისინი ვერ გადარჩებიან. თუ თქვენი გონება და სხეული გარკვეულ დაპირიპირებაში არიან, მაშინ სიმსივნური უჯრედები გადარჩებიან, და არა მარტო გადარჩებიან, არამედ აყვავდებიან კიდეც. თუ სოციუმი დაპირისპირებაშია, მაშინ ორგანიზებული კრიმინალი აყვავდება. თუ სოციუმში წესრიგია, ხდება მხოლოდ ძალიან პატარა კრიმინალი.
