ჰანს რუდოლფ „რუდი“ გიგერი (H. R. Giger; დ. 5 თებერვალი, 1940 — გ. 12 მაისი, 2014) — შვეიცარიელი სიურრეალისტი მხატვარი, მოქანდაკე და დეკორაციების დიზაინერი. მისმა ნამუშევარმა ფილმისთვის „უცხო“ მიიღო ოსკარი საუკეთესო ვიზუალური ეფექტებისთვის.2013 წელს შეყვანილი იქნა სამეცნიერო ფანტასტიკის დიდების დარბაზში.
გიგერი აგრეთვე ცნობილია სხვადასხვა შემსრულებლისთვის შექმნილი ალბომების გარეკნებით, მაგალითად Emerson, Lake & Palmer-ის Brain Salad Surgery-თ. Korn-ის მონაწილე ჯონათან დეივისს მან შეუქმნა მიკროფონის დასადგმელი, სპეციალური დიზაინით. შვეიცარიაში არსებობს ორი ბარი, რომელთა ინტერიერი გიგერმა შეიმუშავა.
ჰ.რ. გიგერი გარდაიცვალა 2014 წლის 12 მაისს, მას შემდეგ, რაც შინ კიბიდან გადმოვარდა და სხეულის რამდენიმე დაზიანება მიიღო.
წყარო: wikipedia.org
