ამ მედიტაციის გაკეთება უკეთესია მზის ჩასვლისას, ან დღის მეორე ნახევარში. დაფერთხვასა და ცეკვაში სრული ჩაძირვა დაგეხმარებათ, რომ გაალღოთ თქვენი ქვისმაგვარი ფორმა, რომელშიც ენერგიის ნაკადი დაითრგუნა ან დაიბლოკა. მაშინ ეს ენერგია დინებას, ცეკვას და ტრანსფორმირებას დაიწყებს ნეტარებად და სიხარულად. ბოლო ორი სტადია ეხმარება მთელს ამ ენერგიას, რომ ვერტიკალურად იდინოს, ზემოთ, დუმილისკენ იმოძრაოს.
ესაა ძალიან ეფექტური საშუალება მოდუნებისთვის და დღის ბოლოს ყველაფრის გაშვებისთვის.
ინსტრუქცია:
მედიტაცია 1 საათი გრძელდება და ოთხი სტადიისგან შედგება. მედიტაცია სრულდება, როცა სამჯერ გაიგებთ გონგის ხმას.
პირველი სტადია (15 წუთი): მოდუნდით და მთელს სხეულს მიეცით საშუალება, რომ დაიფერთხოს, იკანკალოს. შეიგრძენით, როგორ აღიმართება ენერგია თქვენი ტერფებიდან ზემოთ. გაუშვით საკუთარი თავი და ბოლომდე გახდით კანკალი. თვალები შეგიძლიათ დახუჭული ან გახელილი გქონდეთ.
მეორე სტადია (15 წუთი): იცეკვეთ ისე, როგორც გრძნობთ, და მიეცით საშალება მთელს სხეულს - ისე იმოძრაოს, როგორც სურს. თვალები შეგიძლიათ გახელილი ან დახუჭული გქონდეთ.
მესამე სტადია (15 წუთი): დახუჭეთ თვალები და იყავით სიმშვიდეში. ფეხზე მდგომი ან დამჯდარი - იყავით დამკვირვებელი იმ ყველაფრის, რაც თქვენს შიგნით და თქვენს გარეთ ხდება.
მეოთხე სტადია (15 წუთი): ისე, რომ არ გაახილოთ თვალები, დაწექით და იყავით სიმშვიდეში. მოადუნეთ მთელი სხეული და დააკვირდით.
