მითი: თავი გულის წინააღმდეგ
მითი: თავი გულის წინააღმდეგ
ხშირად გაიგებთ ადამიანებისგან, რომ მათ თავიანთი თავი ერთი მიმართულებით მიუძღვება, გული კი სხვა მიმართულებით. იოგაში, ფუნდამენტური ბაზისის მიხედვით თქვენ ხართ ერთი პიროვნება, მთელი და ერთიანი. არ არსებობს დაყოფა თავსა და გულს შორის. თქვენ ხართ ერთი მთლიანი.
მოდი ჯერ ვნახოთ, რას გულისხმობენ როდესაც ამბობენ „თავს“ და „გულს“. ჩვეულებრივ თქვენს ფიქრებს მიაწერთ თავს და ემოციებს გულს. მაგრამ თუ ამას ყურადღებით და გულწრფელად დააკვირდებით, მიხვდებით რომ ფიქრები განსაზღვრავენ ემოციებს და პირიქით. სწორედ ამიტომაც იოგა ორივეს, ფიქრებს და ემოციებს მიაკუთვნებს მანომაიაკოშას, იგივე მენტალურ სხეულს.
ჩვეულებრივ, რაც „გონებად“ მიგაჩნიათ, არის ფიქრის პროცესი ან ჭკუა. მაგრამ სინამდვილეში გონებას გააჩნია ბევრი განზომილება; მათგან ერთი არის ლოგიკური მხარე, მეორე - ემოციური მხარე. როგორც უკვე ვიცით, ინტელექტს ეწოდება ბუდჰი. გონების უფრო ღრმა განზომილება ტრადიციულად ცნობილია როგორც „გული“. მაგრამ იოგაში ღრმა ემოციურ გონებას ეწოდება მანას. მანას - არის მეხსიერების რთული ამალგამა, რომელიც განსაკუთრებული სახით აყალიბებს ემოციებს. ასე რომ, ფიქრებიც და ემოციებიც ორივე გონების აქტიურობის შედეგია.
ეს ძალიან მარტივია. მე თუ ვფიქრობ რომ, თქვენ ხართ მშვენიერი ადამიანი, მაშინ თქვენთნ მიმართებაში სასიამოვნო ემოციები მექნება. თუ ვფიქრობ რომ საშინელი ადამიანი ხართ, მაშინ თქვენთან მიმართებაში არასასიამოვნო ემოციები მექნება. თუ ვინმეს მტრად დაისახავთ და მერე მის შეყვარებას შეეცდებით, ეს რთული სამუშაო იქნება. მოდით, ცხოვრების მარტივი ასპექტებიდან ნუ ვაქცევთ რთულ სამუშაოს.
როგორც ფიქრობთ ისევე გრძნობთ, მაგრამ ფიქრები და გრძნობები განსხვავდება თქვენი გამოცდილებით. რატომ? რადგან ფიქრებს გააჩნიათ გარკვეული სიცხადე, და გარკვეული სისწრაფეც. ემოციები უფრო ნელია. დღეს ვიღაცაზე ფქრობთ, რომ ის შესანიშნავი ადამიანია და თბილი გრძნობები გაგაჩნიათ მის მიმართ. მოულოდნელად, ის ისეთ რაღაცას აკეთებს, რაც თქვენ არ მოგწონთ, და ახლა უკვე ფიქრობთ, რომ ის საშინელი ადამიანია. თქვენი ფიქრები გეუბნებათ, რომ ის საშინელი ადამიანია, მაგრამ ემოციები ვერ შეიცვლება მაშინვე. მას უჭირს. თუ ის ერთ მომენტში ტკბილია, უახლოეს მომენტში ვერ გამწარდება. ასეთ შემოტრიალებას დრო ჭირდება. მისი შემოტრიალების რადიუსი უფრო დიდია. თქვენი გრძნობების სიძლიერის მიხედვით ის შეიძლება შეიცვალოს სამ დღეში, ან სამ თვეში, ან სამ წელიწადში, მაგრამ გარკვეული დროის შემდეგ ის აუცილებლად შეიცვლება.
არ არის მარგებელი თავს და გულს შორის კონფლიქტის წარმოქნა. ემოციები ფიქრის „წვნიანი“ ნაწილია. შეგიძლიათ დატკბეთ გრძნობებით, მაგრამ მიუხედავად იმისა აცნობიერებთ თუ არა, მას მეტწილად ფიქრები მართავს. ემოციები არ არის მთლად მდგრადი. გარკვეულწილად ემოციებიც ცვალებადია, მაგრამ ფიქრებთან შედარებით ნაკლებად მოძრავი. რადგან ემოციების შესაცვლელად გაცილებით მეტი დროა საჭირო, და მათი ინტენსივობა გაცილებით მაღალია, ისეთი შთაბეჭდილება იქმნება, რომ ფიქრები და ემოციები ერთანეთისგან განსხვავდება. მაგრამ ისინი ერთმანეთისგან განსხვავდებიან, როგორც შაქრის ლერწამი განსხვავდება მისივე წვენისგან.
ადამიანთა უმრავლესობის გამოცდილებით ფიქრებს არ გააჩნიათ ისეთი ინტენსივობა, როგორც ემოციებს. (მაგალითად, თქვენ არ ფიქრობთ ისეთივე ინტენსივობით როგორც ბრაზდებით.) მაგრამ თუ შეძლებთ საკმარისად ინტენსიური ფიქრის გენერირებას, ის ისევე შეგიპყრობთ როგორც ემოციები. ადამიანების მხოლოდ ხუთიდან ათ პროცენტს შეუძლია ისეთი ინტენსიური ფიქრის გენერირება, რომ ემოციები აღარ დასჭირდეთ. 90 პროცენტს კი მხოლოდ ინტენსიური ემოციების გენერირება შეუძლია, რადგან არასდროს შეუსრულებიათ სხვა მიმართულებით საჭირო სამუშაო. მაგრამ არსებობენ ადამიანები, რომელთა ფიქრიც ძალიან ღრმაა. მათ არა აქვთ ბევრი ემოცია, მაგრამ ძალიან ღრმა მოაზროვნეები არიან.
კარგი იქნება თუ არ შექმნით პოლარულობას. ეს თქვენს შიგნით სამოქალაქო ომამდე და შიზოფრენიამდე მიგიყვანთ. ფიქრები და ემოციები არ არსებობს ერთმანეთის გარეშე. ერთი მშრალია, მეორე წვნიანი. მიიღეთ სიამოვნება ორივესგან.
