რამდენი წესია აუცილებელი
რამდენი წესია აუცილებელი
მე წაკითხული მაქვს ბევრი რჩევა-დარიგება, სხვადასხვა დროს და სხვადასხვა ადამიანის მიერ შედგენილი იმ მიზნით, რომ სხვებისათვის ესწავლებინათ ცხოვრება, ფიქრი, ლაპარაკი, თუ სიცილი. ვკითხულობდი დაძაბული ყურადღებითა და მოწიწებით, ვგრძნობდი, რაოდენ სწორი იყო ყველაფერი, მაგრამ შემისრულებია კი ერთი მაინც?
რა თქმა უნდა, არა. მე აქამდე ვცხოვრობდი ისე, როგორც მეცხოვრებოდა, და ვსარგებლობდი მხოლოდ იმით, რაც ნამდვილად და უსიკვდილოდ მჭირდებოდა სწორედ მოცემულ მომენტში. მაგრამ ასეთ მომენტებში ვიღაცის მიერ დაწერილი წესების ძებნის დრო არ იყო ხოლმე და ისინი ისევ საკუთარ თავში უნდა დამეძებნა.
არა, იმის თქმა კი არ მინდა, თითქოს ყველა წესი და დარიგება ამაოდ იწერება-მეთქი. მაგალითად, არსებობს 18 შესანიშნავი ინგლისური წესი „როგორ დავზოგოთ დრო?“. კარგი წესებია, ვერაფერს დავუმატებთ, ყველაფერს მოიცავენ ისინი. მაგრამ ერთი პატარა ნაკლი მაინც გააჩნიათ: მათ დასასწავლად ძალზე ბევრი დროა საჭირო. ცხოვრებაში იშვიათად თუ მოგაგონდება, რომელი წესი უნდა გამოიყენო სწორედ ახლა, ამ შემთხვევაში. ამისთვის უბრალოდ არ გვცალია. მეორე მხრივ კი, ბევრ წესს ისე ვიყენებთ, რომ არც კი ვფიქრობთ ხოლმე... მე მოხარული ვიქნებოდი, ასი მკითხველიდან ერთი თუ მაინც გაირჯებოდა აუტოტრენინგის დასაუფლებლად და თვითშთაგონების გამოყენებას ისწავლიდა. მაგრამ, თვალს ვავლებ რა ამ თავს, ვხედავ, რომ უთქმელი და შეუხებელი საგრძნობლად ბევრი დარჩენილა, იმდენად ბევრი, რომ მგონია, თითქოს ჯერ არაფერი მითქვამს.
თუ მოგეწონათ, გააზიარეთ...
