მენტალური პლანეტარული ველის ევოლუცია
2018 წელი. 9 აგვისტო. ბათუმი. მენტალური პლანეტარული ველის ევოლუცია
წერაქვისგან განსხვავებით ბათუმში ყოფნა მიჭირს. მიჭირს კონცენტრაცია და ენერგიის ნაკლებობას განვიცდი, მაგრამ მაინც ვცდილობ აზრებს თავი მოვუყარო, თუნდაც იმ ძირითადის შესახებ, რასაც მიქაელი მიგზავნის.
- ისეთი გრძნობა მაქვს, რომ ადამიანის მენტალური სხეულის განვითარებაზე გინდა მესაუბრო... - მივმართავ მე.
- როგორც ხვდები, სწორედ ეს სხეულია, რომელიც ადამიანს ცხოველისგან განასხვავებს და სწორედ ამ სხეულის ევოლუცია მიმდინარეობს დედამიწაზე. როგორც „ცხოველს“, როგორც ბიოლოგიურ სახეობას, ადამიანს უკვე აქვს დასრულებული ფიზიკური, ეთერული და ასტრალური სხეულები ანუ მის სულს სრული გამოცდილება აქვს შეძენილი ამ განზომილებებეში არსებობისა, მაგრამ მენტალური ჯერ კიდევ განვითარების ეტაპზეა.
ნახ. 10. ა) ცოცხალი არსებების; ბ) ადამიანის სხეულების და გ) ადამიანის მენტალური სხეულის გრადაცია 7-ობრივი ფრაქტალით.
ამჟამად, კაცობრიობის ანუ საშუალო სტატისტიკური ადამიანის მენტალური დონე შეესაბამება მე-3 („ვნებების და სურვილების“ მენტალური დონე) და მე-4 („ინტელექტუალური მენტალური დონე“) დონეებს. ამიტომაა, რომ თუ ადამიანს რაღაც მიზეზის (ნარკოტიკი, ალკოჰოლი, დაავადება და ას. შ) გამო მე-3 თვალი აეხილა, მისი ხედვა ძირითადად მე-3, ანუ ასტრალურ ველზე გადის. განსაკუთრებით თუ ის არასუფთა ადგილას, მაგალითად, დიდ ქალაქში იმყოფება. ისევე როგორც ცოცხალი არსებების თქვენთვის ასე ნაცნობი სასიცოცხლო ციკლები დედამიწის წრებრუნვებთან ანუ სხვა სიტყვებით კოსმოსურ ციკლებთან არის დაკავშირებული, ასევე კოსმოსურ ციკლებთანაა დაკავშირებული კაცობრიობის მენტალური სხეულის ევოლუცია. ახლა კაცობრიობა სწორედ იმ ფაზაში შედის, როდესაც ადამიანის მენტალური ველი მე-5 (და ნაწილობრივ მე-6) დონემდე ანუ „სულიერ მენტალურ დონემდე“ უნდა ამაღლდეს. ამ დონეს ზოგიერთი „ბრძენ გულს“ უწოდებს. მაგრამ როგორც მოსავალს, რომელმაც რაღაც მიზეზით ვერ მოასწრო ზრდა-განვითარების დასრულება და მოსავლის აღების პერიოდისთვის მოუმწიფებელი აღმოჩნდა მეორე შანსი არ მიეცემა, რადგან მისი დრო წავიდა, ასევე ის ინდივიდები, რომელიც ახალ კოსმოსურ პირობებს არ შეესაბამებიან, ვერ გააგრძელებენ ევოლუციას. ეს არ არის სრულიად სამყაროს დასასრული, არამედ ახალ სტადიაზე, ახალ ეპოქაზე გადასვლაა, მაგრამ ყოველ გადასავლას წინ უძღვის ძველის განადგურება, უდიდესი დაძაბულობები და ამ სირთულეების ფონზე ახლის დაბადება. დედამიწა დიდხანს ვერ იარსებებს ისეთ მდგომარეობაში, როგორშიც ახლაა, რადგან ყველა მისი ენერგეტიკული ველი წონასწორობიდანაა გამოსული. ნებისმიერი გადახრა წონასწორობიდან კი აღძრავს შესაბამის ძალებს, რომ სისტემა ახალ წონასწორობაში დააბრუნოს. ეს უნივერსალური კანონია, რომელიც როგორც დიდ ასევე მცირე ფრაქტალურ სტრუქტურებზე ვრცელდება! ახალი მენტალური დონის ევოლუციას ახალი პლატფორმა დასჭირდება. ძალიან ბევრი შეიცვლება პირველი სამი განზომილების და მათი არსებების დონეზე, ანუ დედამიწის გარსი თავისი გეოლოგიით და კლიმატით (1 განზ) და ფლორა ფაუნის სახეობები (მე-2, მე-3 განზ) ასევე შეიცვლებიან. როგორც თქვენი მეცნიერები უკვე ამჩნევენ მიმდინარეობს გლობალური კლიმატური ცვლილებები და ბიოლოგიური სახეობების გლობალური ამოწყვეტა.