1 - გამოღვიძება
1. გამოღვიძება
დეკლარაცია
გაიღვიძეთ აქ და ახლა. გააცნობიერეთ და გახსოვდეთ, რომ ყველა ადამიანი სიზმარმხილველია, და ყველაფერი რაც ხდება ირგვლივ, არის მხოლოდ სიზმარი. მაგრამ ეს სიზმარი უკვე აღარ დომინირებს თქვენზე. თქვენ გაიღვიძეთ სიზმარში და შესაბამისად შეიძინეთ მოვლენებზე ზემოქმედების უნარი. თქვენი უპირატესობა - გაცნობიერებულობაშია. შეიგრძენით თქვენი ძალა. ძალა ყოველთვის თქვენთანაა, თუ თქვენ გახსოვთ ის. ამიერიდან ყველაფერი ისე იქნება, როგორც მოისურვებთ.
ახსნა
თქვენი დაბადება ამ ცხოვრებაში იყო ახალი გამოღვიძება წარსული რეინკარნაციების შემდეგ - რეალობის სიზმარში. დაბადებიდანვე თქვენ ფლობდით საოცარ შესაძლებლობებს. შეგეძლოთ დილის ვარსკვლავთა შრიალის სმენა, აურის გარჩევა, ცხოველებთან და ფრინველებთან ურთიერთობა; მთელი სამყარო თქვენთვის მანათობელი ენერგიის ფეერიად ისახებოდა, თქვენ ჯადოქარი იყავით - და შეგეძლოთ ამ ენერგიის მართვა. მაგრამ მალე, გარშემომყოფთა ზეგავლენით ისევ სიზმარში ჩაიძირეთ. სიზმარმხილველები კი გამუდმებით და მიზანმიმართულად აფიქსირებდნენ თქვენს ყურადღებას რეალობის მხოლოდ ფიზიკურ ასპექტზე. შედეგად თქვენ დაკარგეთ ყველა მაგიური შესაძლებლობა. არ გეჩვენებათ, რომ ეს ცხოვრება თითქოს სიზმარში ხდება, სადაც რეალობას თქვენ კი არ მართავთ, არამედ ის გმართავთ თქვენ? დადგა დრო დაიბრუნოთ დაკარგული(ძველი) ძალა.
