68. სულის ფუტლარი
68. სულის ფუტლარი
დეკლარაცია
თქვენი სული მატერიალურ სამყაროს სატანჯველად არ მოვლინილა. მაგრამ, ქანქარებს აწყობთ,რომ ბრძოლა მზის ქვეშ ადგილის მოსაპოვებლად დადგენილი ნორმა იყოს. სული ამ სამყაროში მოვიდა როგორც დღესასწაულზე - ასე რომ მიეცით თქვენს თავს ამის უფლება. მხოლოდ თქვენი გადასაწყვეტია, თქვენს ცხოვრებას მიუძღვნით უცხო ქანქარაზე მუშაობას, თუ იცხოვრებთ თქვენთვის, საკუთარი სიამოვნებისთვის. თუ დღესასწაულს აირჩევთ, მაშინ აუცილებლად უნდა განთავისუფლდეთ თქვენი შემბოჭველი ქანქარებისგან და იპოვოთ თქვენი მიზანი და კარიბჭე. მიეცით თქვენს თავს ფუფუნება იყოთ ყოველივე საუკეთესოს ღირსი.
ახსნა
ჩვენ ვერ შევცვლით ამ სამყაროს. ჩვენ გვიწევს შევეგუოთ იმას, რაც ჩვენზე არ არის დამოკიდებული. მრავალი შეზღუდვა და პირობა ჩვენს სულს ფუტლარში ამწყვდევს. ქანქარების მიერ დაპყრობილი გონება კი სულისთვის საკნის ზედამხედველი ხდება და არ აძლევს მას საშუალებას გამოავლინოს თავისი შესაძლებლობები. ადამიანი იძულებულია მოიქცეს ისე, როგორც ამას ქანქარების სამყარო ითხოვს: გამოხატოს უკმაყოფილება, გაღიზიანდეს, ეშინოდეს, იპაექროს, იბრძოდეს. გააცნობიერეთ, რომ ეს მხოლოდ ქანქარების თამაშია. სწორედ თამაშია და არა ბრძოლა, რადგან სინამდვილეში ქანქარები თიხის კუნძებს გვანან. ამ თამაშში თქვენი შესაძლებლობები მხოლოდ თქვენივე განზრხვითაა შეზღუდული, ხოლო ქანქარების შესაძლებლობები კი თქვენი მნიშვნელოვანების გრძნობით და გაცნობიერებულობის ხარისხით. თუ მნიშვნელოვანება ნულის ტოლია, მაშინ ქანქარა ხელ ცარიელი დარჩება. იმის გაცნობიერება, რომ გესმით თამაში წესები მოგცემთ ძალას. როგორც კი შეამჩნევთ, რომ ქანქარა ცდილობს თქვენს წამოკიდებას და წონასწორობიდან გამოყვანას, ჩაიცინეთ თქვენთვის და მტკიცედ განაგდეთ მნიშვნელოვანება. აი, მაშინ შეიგრძნობთ თქვენს ძალას და მიხვდებით, რომ თავად შეგიძლიათ თამაშის სცენარის განსაზღვრა. თამაშში ქანქარის დამარცხებით თქვენ არჩევანის თავისუფლებას ღებულობთ.
