39.დინების საწინააღმდეგოდ
39.დინების საწინააღმდეგოდ
დეკლარაცია
დააკვირდით, თუნდაც ერთი დღის განმავლობაში, თუ როგორ ცდილობს გონება დინების საწინააღმდეგოდ ცურვას. რაღაცას გთავაზობენ, თქვენ კი უარს ამბობთ. ცდილობენ რაღაცა გაცნობონ, თქვენ კი თავს არიდებთ. ვიღაცა გამოთქვამს თავის მოსაზრებას, თქვენ კი ედავებით. ვიღაც რაღაცას თავისებურად აკეთებს, თქვენ კი „სწორ გზაზე“ აყენებთ. გამოსავალს გთავაზობენ, თქვენ კი აპროტესტებთ. ელით ერთს, ღებულობთ მეორეს და გამოთქვამთ უკმაყოფილებას. ვიღაცა ხელს გიშლით, თქვენ კი ცოფდებით. რაღაც თქვენი გეგმის საწინააღმდეგოდ მიდის, თქვენ კი პირდაპირ შეტევაზე გადადიხართ სიტუაციის გამოსასწორებლად. შეცვალეთ ტაქტიკა: ყურადღება კონტროლიდან დაკვირვებაზე გადაიტანეთ. ნუ უშლით მოვლენათა დინებას ხელს, და ნახავთ როგორ გაგიადვილდებათ ყველაფერი.
ახსნა
ადამიანის გონება მუშაობს როგორც გამომთვლელი მანქანა, ის ცდილობს წიანსწარ გამოთვალოს ყველა სვლა და შეადგინოს სამოქმედო გეგმა. გონება იშვიათად პოულობს ოპტიმალურ გამოსავალს, რადგან ამოცანაში ბევრია უცნობის წილი, და თან სიტუაციაა მსვლელობისას ხშირად იცვლება. მაგრამ ის ჯიუტად ცდილობს საკუთარი გეგმის განხორციელებას, სხვა სიტყვებით, მიცურავს დინების საწინააღმდეგოდ. შედეგად ამაოდ იხარჯება კოლოსალური ენერგია, ხოლო პრობლემებისა და წინაღობების რაოდენობა იზრდება. გონება ცდილობს მართოს არა თავის მოძრაობა დინებაში, არამედ თავად დინება. ეს კი ერთერთი მნიშვნელოვანი პრობლემაა. ეცადეთ მეტი დააკვირდეთ, ვიდრე აკონტროლოთ. ნუ იჩქარებთ თავის არიდებას, გაპროტესტებას, დავას, თქვენი სიმართლის დამტკიცებას, ჩარევას, მართვას, კრიტიკას. უარი თქვით კონტროლზე და თქვენ მიიღებთ სიტუაციაზე უფრო მეტ კონტროლს ვიდრე გქონდათ აქამდე. ერთადერთი რის კონტროლზეც ღირს ყურადღების გამახვილება,- ეს არის შინაგანი და გარეგანი მნიშვნელოვანების დონეების კონტროლი.