11 - დარწმუნებულობა
11. დარწმუნებულობა
დეკლარაცია
დარწმუნებულობის (მტკიცე რწმენის) მოსაპოვებლად აუცილებელია მასზე უარის თქმა. დაურწმუნებლობის (რწმენის უქონლობა) ბუნება საგნების გადაჭარბებულ მნიშვნელოვანებაში იმალება. დარწმუნებულობა როგორც საყრდენი მე არ მჭირდება, რადგან თუ მე არ მაქვს მნიშვნელოვანება, მაშინ არ მჭირდება არაფრის დაცვა და არც არაფრის მიღწევა. არც არაფრის მეშინია და არც სადარდებელი მაქვს რამე. თუ ჩემთვის არაფერს გააჩნია გადაჭარბებული მნიშვნელობა, მაშინ ჩემი ცხოვრების შრე სუფთა და გამჭვირვალეა. მე უარს ვამბობ ბრძოლაზე და მივყვები ვარიანტთა დინებას. მე ცარიელი ვარ, და არ გამაჩნია წამოსაკიდებელი მიზეზი. მე არ მჭირდება ბრძოლა. მე უბრალოდ მივდივარ და ვიღებ ჩემსას. ეს უკვე არ არის მერყევი რწმენა, არამედ მშვიდი და გაცნობიერებული კოორდინაციაა.
ახსნა
დაურწმუნებლობა ქმნის ჩაკეტილ წრეს. რაც უფრო დიდია მიზნის მნიშვნელობა და მისი მიღწევის სურვილი, მით მეტია დაურწმუნებლობა. საკუთარი მნიშვნელოვანებისთვის ბრძოლა გვართმევს ენერგიას. დანაშაულის გრძნობა კი საერთოდ ცხოვრებას ლუზერის უმიზნო არსებობად აქცევს. როგორ დავაღწიოთ თავი ამ ლაბირინთს? ვერანაირად - იქიდან არა არის გამოსავალი. ლაბირინთის საიდუმლო იმაში მდგომარებს, რომ მისი კედლები მაშინვე ჩამოიშლება, როგორც კი გამოსავლის ძებნას შეწყვეტთ და საგნების მნიშვნელოვანებაზე უარს იტყვით. უარი თქვით საკუთარ მნიშვნელოვანების მოპოვებაზე და თქვენ მას უპირობოდ მიიღებთ. შეეშვით გარშემომყოფებთან თავის მართლებას და ამით დანაშაულის გრძნობას გააქრობთ. სწორედ ასე თუ შამცირებთ გარე სამყაროს ობიექტების მნიშვნელოვანებას, ისინიც შეწყვეტენ თქვენზე ზეწოლას თავიანთი მნიშვნელოვანებით. ხოლო სრული კოორდინაცია მიიღწევა სულისა და გონების ერთობით. ამისათვის აუცილებელია მოუსმინოთ თქვენს გულის კარნახს და იცხოვროთ თქვენი კრედოს შესაბამისად.