77. მოკავშირეები
77. მოკავშირეები
დეკლარაცია
თქვენ იმდენად ხართ მარტოხელა, რამდენადაც თავად გსურთ ეს. ნებისმიერი არაცოცხალი საგანი, თუ თქვენ მას ეპყრობით როგორც ცოცხალს, გარდაიქცევა ცოცხალ არსად და ხდება თქვენი მოკავშირე. ასე შეგიძლიათ გაიჩინოთ თილისმა - რაიმე სათამაშო - და სრული სერიოზულობით ჩათვალოთ, რომ ის ცოცხალია და თქვენ გეხმარებათ. ყველაფერი რაც თქვენს გარშემოა; სახლები, ხეები, ავეჯი, ჭურჭელი, ხელსაწყოები, მანქანები, კომპიუტერები, - დაიწყებენ თქვენზე ზრუნვას და თქვენს დახმარებას, თუკი თქვენ ასე გადაწყვეტთ. ნურაფერს ნუ თხოვთ თქვენს მოკავშირეებს, არამედ მიმართეთ მათ როგორც სამყაროს სარკეს - იყავით დაწმუნებული, რომ ისინი თქვენზე ზრუნავენ, - გახსოვდეთ ეს და დროდადრო გაიმეორეთ.
ახსნა
როგორც ფიზიკურ სხეულს შეუძლია თავისი მსგავსის დაბადება, ასევე შეუძლია სულსაც. როდესაც თქვენ რაიმე საგანზე ფიქრობთ, როგორც ცოცხალ არსებაზე, თქვენი აზროფორმა გარდაიქცევა გარკვეულ ენერგეტიკულ ესენციად - ფანტომად, დაჯილდოებული „ვირტუალური სულით“. ფანტომები უხილავნი და ხელშეუხებლები არიან, რადგან მეტაფიზიკურ სამყაროში მდებარეობენ. მიუხედავად ამისა, დაბადების მერე ისინი არსებობებენ ობიექტურად და შეუძლიათ, როგორც ნებისმიერ აზრფორმას, მოახდინონ ზემოქმედება მატერიალურ სინამდვილეზე. ასე რომ, თუ გსურთ, შეგიძლიათ თამამად „გააცოცხლოთ“ თქვენს გარშემო არსებული საგნები და ეურთიერთოთ როგორც ცოცხალ არსებებს. მოექეცით მათ ალერსიანად, სიყვარულით მოუარეთ, და ისინის იგივეთი გადაგიხდიან. მაგალითდ, თუ თქვენ მანქანას ექცევით როგორც ცოცხალს, ამასთან თქვენთვის ძვირფას არსებას, მაშინ მისი „სული“ დაგიცავთ ავარიისგან. ხოლო როდესაც რაიმე ნივთის გადაგდებას აპირებთ, არ დაიზაროთ მისთვის მადლობის გადახდა. ნუ იდარდებთ; როგორც კი დაგავიწყდებათ გადაგდებული ნივთი, მისი „ვირტუალური სული“ შეწყვეტს არსებობას.
