70. უპირობო სიყვარული
70. უპირობო სიყვარული
დეკლარაცია
თუ ვინმემ შეგიყვარათ, ჩათვალეთ რომ სასწაული მოხდა. მაგრამ თუ თქვენ არ გაგიჩნდათ საპასუხო გრძნობა - მაინც ნუ უგულვებელყოფთ მას, დაააფასეთ ეს სიყვარული, გაუფრთხილდით მას. დაფიქრდით: ეს ხომ მართლაც სასწაულია! იქნებ ეს ადამიანი უკანასკნელია ვინც თქვენ შეგიყვარებთ? სწორედ ასევე დააფასეთ თქვენი სხვისადმი სიყვარულიც, ნუ აქცევთ მას დამოკიდებულ ურთიერთობად. უპირობო სიყვარული - სიყვარული პრეტენზიების გარეშე - არის ერთადერთი საშუალება საპასუხო გრძნობის მისაღებად. უარი თქვით რაიმეს მიღების ან დასაკუთრების სურვილზე, გიყვარდეთ ყოველგვარი მოლოდინის გარეშე, და მაშინ, შეიძლება მოხდეს სასწაული და თქვენც ისევე შეგიყვარონ.
ახსნა
წარმოიდგინეთ, რომ სამყაროს სარკის წინაშე დგახართ. თუ თქვენი სახე სიყვარულია, ანარეკლშიც იგივე გაჩნდება. ხოლო თუ გამოსახულება შეიცავს საპასუხო სიყვარულის მიღების სურვილს, ანარეკლში საპასუხო გრძნობის დანახვის იმედი ნუ გექნებათ - სარკე მხოლოდ თქვენს მცდელობებს დაგანახებთ. როდესაც სიყვარული გადადის დამოკიდებულ ურთიერთობაში წარმოიქმნება ჭარბი პოტენციალი - ენერგეტიკული „წნევის ვარდნა.“ დამოკიდებული ურთიერთობები განისაზღვრება მსგავსი ტიპის პირობებით; „შენ თუ ჩემზე არ დაქორწინდები, ე.ი. არ გიყვარვარ. თუ გიყვარვარ ე.ი. კარგი ხარ. ხოლო თუ არ გიყვარვარ - ცუდი.“ რაც უფრო ძლიერი დასაკუთრების, ანუ საპასუხო გრძნობის მიღების სურვილი, მით უფრო მძლავრია წონასწორული ძალების ქმედებები, რომლებიც ყველაფერს თქვენს „ჯიბრზე“ გააკეთებენ. უპირობო სიყვარული, სიყვარული დასაკუთრების გარეშე არ წარმოქმნის დამიკიდებულ ურთიერთობას და იწვევს შემოქმედებითი და პოზიტიური ენერგიის დაგროვებას. მხოლოდ უპირო სიყვარულს შეუძლია სასწაულის მოხდენა - გამოიწვიოს საპასუხო სიყვარული.