22. განზრახვის დეკლარაცია
22. განზრახვის დეკლარაცია
დეკლარაცია
იმისათვის, რომ რეალობა ეფექტურად ვმართოთ, აუცილებელია ვაკონტროლოთ ჩვენი ფიქრები და არ მივუშვათ ისინი თვითდინებაზე. თავიდან ამან შეიძლება დაძაბულობა გამოიწვიოს, შემდეგ კი ჩვევად იქცევა. ნურაფერს გააკეთებთ ისე უბრალოდ, უაზროდ, ნუ მიეცემით ამორფული ფიქრების უმიზნო დინებას. განაცხადეთ თქვენი განზრახვის დეკლარაცია - მიზანზე კონცენტრირდით. ეს მუდამ მზადყოფნის რეჟიმში ცხოვრებას არ ნიშნავს. მიუშვით ფიქრები დრეიფზე რამდენიც გნებავთ, ოღონდ განზრახულად შემდეგი პრინციპის შესაბამისად; თუ ჩემი გონება უაზროდ ხეტიალობს, ეს მხოლოდ იმიტომ რომ მე ვაძლევ ამის უფლებას. ასევე განზრახულად დაუბრუნდით ფოკუსირებულ მდგომარეობას, თუ საჭირო გახდება.
ახსნა
ჩვეულებრივ ფიქრების საამქრო თავისთვის მუშაობს. იდეები იბადება და ქრება უკონტროლოდ, ფიქრები კი ერთი თემიდან მეორეზე ინაცვლებს. თუ გინდათ რეალობის სწრაფი და ეფექტური ფორმირება შეძლოთ, აუცილებელია მიაჩვიოთ თქვენი თავი დღის განმავლობაში რამოდენიმეჯერ აზრფორმების თქვენი თავისთვის გამეორებას - მიზანდასახულობა იმაზე რისი მიღწევაც გინდათ. (და საერთოდ მთავარი მიზანი სასურველია მუდამ „უკანა ფიქრებში“ იქონიოთ ფონურ რეჟიმში). დეკლარაციის წარმოთქმისას თქვენ განზრახვის ვექტორის ფოკუსირებას ახდენთ. მაგალითად კარგი იქნება თუ ჩვევად გექცევად დღეში რამოდენიმე წუთი შემდეგი აზრფორმების გამეორება: „ჩემს ტვინში ჩადებულია თვითგანვითრების პროგრამა. ტვინი თავისით ვითარდება და აღწევს სრულყოფილებას. ტვინის ორივე ჰემისფერო მკაფიოდ და სინქრონულად მუშაობს. მე გენიალური ტვინი მაქვს. გონებაში გენიალური აზრები მებადება. მე არასტანდარტულად ვაზროვნებ. ტვინის რეზერვები ერთვება მუშაობაში. ტვინი 90 პროცენტით აქტიურია. მე ძლიერი ინტელექტი მაქვს, და ყოველდღე უფრო ძლიერი ხდება. მე ადვილად ვწყვეტ ყველანაირ პრობლემას. ჩემი ცნობიერება იწმინდება. ჩემთვის ყველაფერი გამჭვირვალე და მარტივია. ყველაფერს ნათლად აღვიქვამ და მკაფიო გადმოვცემ.“ შეგიძლიათ შექმნათ თქვენთვის რამოდენიმე მსგავსი დეკლარაცია და გაიმეოროთ ყოველდღე წინასწარგანსაზღვულ დროს, მაგალითად შხაპის მიღების შემდეგ, გიმნასტიკის შემდეგ და ა.შ. წარმოიდგინეთ, ყველაფერი ეს მართლაც ახდება.
