29. სამყაროვ დამნებდი!
29. სამყაროვ დამნებდი!
დეკლარაცია
როდესაც გინდათ სამყაროსგან რამე მიიღოთ, ნუ აიძულებთ მას ძალით ამის მოცემას. რას აირეკლავს სარკე თუ მის წინ დახტის კაპრიზული ბავშვი სიტყვებით; „მინდა! მომეცი!“? - დიახ, შენ გინდა და მოითხოვ. მხოლოდ თავად ფაქტს, და სხვა არაფერს. პრინციპი ძალიან მარტივია; თუ გინდათ სარკის ანარეკლი თქვენს შესახვედრად წამოვიდეს, თქვენ უნდა გადადგათ პირველი ნაბიჯი. უარი თქვით მიღების განზრახვაზე და შეცვალეთ ის გაცემის განზრახვით, და თქვენ მიიღებთ იმას რაზეც უარი თქვით.
ახსნა
გინდათ ადამიანის პატივისცემა და აღიარება მოიპოვოთ? ნუ მოითხოვთ ამას. თავად ეცით მას პატივი, შეეცადეთ თავად მას აგრძნობინოთ თავი მნიშვნელოვნად. გჭირდებათ თანაგრძნობა და მადლიერება? ნუ ეძებთ. გამოავლინეთ სხვათა მიმართ გულწრფელი ზრუნვა. გსურთ სიმპატიის მოპოვება? სიმპატიას ლამაზი თვალების გამო ვერ მიიღებთ. თავად გამოავლინეთ სხვათა მიმართ სიმპატია და მიიღებთ სასურველს. დახმარება და მხარშიდგომა გჭირდებათ? თავად დაეხმარეთ. ამით თქვენს მნიშვნელობას აიმაღლებთ, და დახმარების ობიექტი არ ისურვებს იყოს თქვენზე ნაკლებად მნიშვნელოვანი და ვალში არ დაგრჩებათ. და ბოლოს, გსურთ საპასუხო სიყვარულის მიღება? უარი თქვით საკუთრების უფლებაზე და დამოკიდებლურ ურთიერთობაზე. ეს მაშინ გამოგივათ, თუ უბრალოდ გეყვარებათ ყოველგვარი მოლოდინის გარეშე. ასეთი სიყვარული ძალიან იშვიათია და მის წინაშე ყველა უძლურია. ყველა ამ შემთხვევაში თქვენ აუცილებლად მიიღებთ იმას რაზეც უარი თქვით.
