54. სულიერი სიზარმაცე
54. სულიერი სიზარმაცე
დეკლარაცია
თუ ადამიანს სჯერა ბედის წინასწარმეტყველების ან სიზმრებს ღებულობს სერიოზულად, მაშინ ის მისდაუნებურად ააქტიურებს აზრფორმას, რომელიც შეიძლება მისთვის რეალიზდეს როგორც პროგრამა. რეალიზება ხდება მხოლოდ იმიტომ, რომ ადამიანს სჯერა ამ სისულელის. ჩვენ რეალობაში ყოველთვის ვღებულობთ იმას რისიც გვწამს. მართლაც რამხელა გულიბრყვილობა და სისულელეა მიმართო ვიღაც ბიძიებს და დეიდებს, შენი ბედის საწინასწარმეტყველებლად, ნაცვლად იმისა რომ თვითონ შექმნა შენი ბედი, შენი შეხედულებისამებრ. თქვენ ჭეშმარიტი შემოქმედი ხართ თქვენივე ბედის, თუ განიზრახავთ ამას. ნუ მიანდობთ თქვენს ბედს მეზღაპრეებს.
ახსნა
ჰოროსკოპის მხოლოდ ინფანტილურ პიროვნებებს სჯერათ, რომელთათვის ცხოვრება არაცნობიერი სიზმარია. თუ თქვენ განიზრახავთ თქვენი ბედის მართვას, მათი მომსახურეობა აღარ დაგჭირდებათ. მაგრამ ვინ არიან ასტროლოგები, მკითხავები, თუ არა მეზღაპრეები (მესარკეები)? ისინი გთავაზობენ არა მარტო უწყინარ პროგნოზს, არამედ თქვენი ბედის სუროგატულ ნაწილს - სარკის პატარა ნაწილს, რომელშიც იძულებით მოგიწევთ ჩახედვა. თქვენ ასე თავისებურ მიზანდასახულობას იძენთ, რომელიც რჩება ქვეცნობიერში, და აპროგრამებს თქვენს მომავალ ცხოვრებას. ნუთუ გგონიათ, რომ ასე ადვილად მიიღებთ მომავლის ნაწილს? მომავლის წიგნში ვერ ჩაიხედავ შესაბამისი საფასურის გარეშე. საფასური კი ყოველთვის ერთია: მოგიწევთ რეალობად აქციოთ ნანახი, მიუხედავად იმისა გინდათ თუ არა ეს. გაინტერესებთ პროგნოზი, ყიდულებთ სარკეს და მესარკეს ეკითხებით, შეგიძლიათ თუ არა მასში დღეს გაღიმება. მაგრამ თქვენ ხომ უკვე გაქვთ სარკე - თქვენი ცხოვრების ფენა, სადაც შეგიძლიათ აკეთოთ ყველაფერი რაც მოგესურვებათ. ჩემი სარკის მეშვეობით მე თავისუფალი ვარ: თუ მოვისურვებ, შემიძლია ჩემი, როგორც ბედისმწერლის ნებით ნებისმიერი მარცხი გამარჯვებად ვაქციო, - და ეს ასეც იქნება. და აღარ მადარდებს არანაირი პროგნოზი.
