71. შედარების პოლარიზაცია
71. შედარების პოლარიზაცია
დეკლარაცია
საკუთარი თავის სხვებთან შედარებისას, თქვენი ღირსებების დაკნინების შედეგად ჩნდება არასრულფასოვნების კოპლექსი, ხოლო როდესაც გადაჭარბებულად აფესებთ თქვენს ღირსებებს, ჩნდება სხვებზე უპირატესობის კომპლექსი. როგორც ერთი ისე მეორე - სრული სიმახინჯეა. გააცნობიერეთ: რაღაც სტანდარტთან თავის შედარებას ქანქარები გაიძულებენ, რომლებსაც აწყობთ, რომ ყველა მწყობრი ნაბიჯებით ერთი მიმართულებით მიდიოდეს. აქციეთ თქვენი „სტანდარტებთან არაშესაბამისობა“ თვითკმარობად. მიეცით თქვენს თავს უფლება არ იყოთ ისეთი როგორებიც არიან სხვები, დაარღვიეთ ქანქარის წესი; „იყავი ისეთი როგორიც ვარ მე, და აკეთე ის რასაც ვაკეთებ მე.“ მუდამ მისდიეთ ტრანსერფინგის წესს: „მიეცით თქვენს თავს უფლება იყოთ ის ვინც ხართ, და სხვებს იყვნენ ისეთები როგორებიც არიან.“ მაშინ თქვენ დააღწევთ თავს მწყობრად მოსიარულეთა რიგებს, და ისინი თქვენ გამოგყვებიან როგორც ახალ სტანდარტს.
ახსნა
ნუ გგონიათ, რომ თქვენს ნაკლებსა და ღირსებებს სხვებიც ისეთივე მნიშვნელობას ანიჭებენ როგორც თქვენ თავად. სინამდვილეში ყველა საკუთარ პერსონაზე ფიქრითაა დაკავებული, და ასე რომ შეგიძლიათ მშვიდად მოიშოროთ მხრებიდან ეს ტიტანური ტვირთი. არაბუნებრივი მოთხოვნილება „იყო მაგარი ტიპი“ ხშირად ადამიანებს უბიძგებს მიბაძონ იმას, ვინაც მოიპოვა ასეთი სტატუსი. სხვისი სცენარის დაუფიქრებელი კოპირება წარმოშობს მხოლოდ პაროდიას. ყველას თავისი უნიკალური სცენარი გააჩნია. თქვენთვის უბრალოდ საკმარისია აირჩიოთ თქვენი კრედო და იცხოვროთ შესაბამისად. მაგალითად, ნებისმიერ ჯგუფში ლიდერაბი ხდებიან ისინი, ვინც თავიანთი კრედოს შესაბამისად ცხოვრობს. ლიდერი იმიტომაც გახდა ლიდერი, რომ მან თავისით გაინთავისუფლა თავი სხვებისთვის რჩევის კითხვის ვალდებულებისგან იმის შესახაბ, თუ როგორ უნდა მოიქცეს ის. მას არ სჭირდება მიბაძოს ვინმეს, მან თვითონ მისცა თავის თავს ღირსეული შეფასება, მან თავად იცის რა უნდა გააკეთოს, არავის ელაქუცება და არც ცდილობს ვინმეს რამე დაუმტკიცოს. როდესაც თქვენს თავს თავად მისცემთ ღირსეულ შეფასებას, გარშემომყოფები ავტომატურად დაგეთანხმებიან.
