69. იდეალიზაცია
69. იდეალიზაცია
დეკლარაცია
როდესაც ადამიანი თავად იქმნის რაიმე მითებს, ეს ადრე თუ გვიან მათი მსხვრევით მთავრდება. თუ არ გინდათ, რომ იმედგაცრუება იწვნიოთ, დაიცავით „სამი არას წესი.“ ნუ მიანიჭებთ ნურაფერს ზედმეტ მნიშვნელოვანებას - არაფერი არ არის ისეთი მნიშვნელოვანი,როგორც არ უნდა გვეჩვენებოდეს. ნუ შეიქმნით კუმირებს - ისინი სინამდვილეში იმაზე უფრო „ამქვეყნიურები“ არიან ვიდრე გეჩვენებათ. ნუ შეალამაზებთ სინამდვილეს - ყველაფერი გაცილებით უფრო პროზაულია. ეცადეთ ყოველთვის საღად შეაფასოთ რეალობა.
ახსნა
როდესაც ფიქრობთ, რომ სადღაც არის რაღაც, რაც სინამდვილეში არ არის, წარმოიქმნება ჭარბი პოტენციალი, რომელიც ამახინჯებს არსებულ ენერგეტიკულ სურათს. წონასწორული ძალები ეცდებიან არაერთგვაროვნების მოცილებას, და უმრავლეს შემთხვევაში მათი მოქმედებები მიმართულია „მითების მსხვრევისკენ.“ მაგალითად, მეოცნებე და რომანტიული ახალგაზრდა თავის შეყვარებულს წარმოიდგენს როგორც „წარმოუდგენლად ლამაზ ანგელოზს.“ ხოლო სინამდვილეში აღმოჩნდება, რომ ის სავსებით „ამქვეყნიური“ არსებაა, უყვარს გართობა და სულაც არ იზიარებს შეყვარებული ახალგაზრდის ტრაგიკულ ოცნებებს. ან ქალი გონებაში ხატავს იდეალური მეუღლის სურათს. რაც უფრო ძლიერ სჯერა, რომ ის მაინც და მაინც ესეთი უნდა იყოს, მით უფრო ძლიერია წარმოქნილი ჭარბი პოტენციალი. ხოლო ჭარბი პოტენციალის მოშერება შეიძლება საპირისპირო თვისებების მქონე სუბიექტის მეშვეობით. და პირიქით; თუ ქალი მთელი არსებით ვერ იტანს ლოთობას და უხეშობას, ის თითქოს ხაფანგში ებმევა და სწორედ ლოთსა და ხეპრეს პოულობს. ადამიანი ღებულობს იმას, რასაც აქტიურად ეწინააღმდეგება, და პირიქით, როდესაც ის იწყებს რისიმე ზედმეტად გაიდეალიზებას, წონასწორული ძალები აუცილებლად დაანახებენ მწარე რეალობას.