21. აღმსრულებლის ვერდიქტი
21. აღმსრულებლის ვერდიქტი
დეკლარაცია
მთელი ცხოვრება გასწავლიდნენ და ახლაც გასწავლიან თუ როგორი უნდა იყოთ, როგორ მოიქცეთ, რა უნდა მოგწონდეთ და რისკენ უნდა ისწრაფვოდეთ. ახლა თავს უფლება მიეცით თავად ჩამოაყალიბოთ საკუთარი კანონები. თქვენი გადასაწყვეტია, რა არის თქვენთვის სწორი და რა არასწორი, რამეთუ თქვენ თავად აყალიბებთ თქვენს ცხოვრებას. თქვენ გაქვთ უფლება, მიგაჩნდეთ სწორად ის რაც სხვებისთვის არასწორია, თუ ეს ზიანს არავის აყენებს. საკუთარი ვერდიქტის გამოტანის უფლებით სარგებლობისას, თქვენ ცხოვრობთ თქვენი კრედოს შესაბამისად. აღმსრულებლის (ბედისმწერალის) ვერდიქტის გამოტანის უფლება - ეს არის თავისუფლება დამთრგუნავი გარემოებებისგან, რომლებიც აუფერულებენ თქვენს ცხოვრებას და ქმნიან დაბრკოლებებს თქვენი მიზნისკენ მიმავალ გზაზე. ეს დაგეხმარებათ თავდაჯერებულობის მოპოვებაში.
ახსნა
ჩვენს სამყაროში რამდენი ადამიანიცაა, იმდენი აზრია. ერთნი ერთს ამტკიცებენ, სხვანი კი სხვას. ვის დაუჯეროთ? - ხომ გახსოვთ, რომ სამყარო სარკეა და ის ეთანხმება ყველას ვინც ბედავს და გამოაქვს თავისი ვერდიქტი. მაგრამ თქვენ ხომ არ ხართ სარკე. თქვენ ან ის ხართ ვინც ეთანხმება და ღებულობს სხვის ვერდიქტებს, ან აღმსრულებელი ვისაც გამოაქვს თავისი ვერდიქტი. ამიტომ კითხვა იმაზე თუ ვის მტკიცებებს დავუჯეროთ, ყოველგვარ აზრს მოკლებულია. თქვენ უკვე შეგიძლია თავად ჩამოაყალიბოთ თქვენივე ჭეშმარიტება; მე ესე განვსაზღვრე, რადგან მე თვითონ ვარ ჩემი რეალობის აღმსრულებელი. და ეს იმუშავებს, რადგან თქვენს განკარგულებაშია ვარინტთა სივრცე და დუალური სარკე - ყველაფერი რაც აუცილებელია ჩანაფიქრის განსახორციელებლად. პირობა მხოლოდ ერთია; გაბედულობა უნდა იქონიოთ ამ უფლების გამოსაყენებლად. თუ ეჭვი გეპარებათ და გრძნობთ სინდისის ქენჯნას, ეს იგი თქვენი ვერდიქტი ძალას კარგავს, და თქვენ კანონშემოქმედიდან ბრალდებულად გადაიქცევით. როდესაც ეჭვი გეპარებათ, თქვენ ყველა ვარიანტში არასწორად მოიქცევით. საქმე იმაში კი არაა, რამდენად სწორად ფიქრობთ ან იქცევით, არამედ იმაში თუ რამდენად ხართ დარწმნუნებული თქვენს სიმართლეში. ასევე არ უნდა დავუშვათ, რომ აღმსრულებლის ნება გადაიქცეს გონების დიქტატად. ვერდიქტს ძალა მხოლოდ გონებისა და სულის ერთობაში გააჩნია. ვინც არ უსმენს საკუთარ გულის ხმას, ის არ აღასრულებს, არამედ უშვებს შეცდომებს.
