57. არასრულფასოვნება
57. არასრულფასოვნება
დეკლარაცია
როცა ადამიანი აცნობიერებს, რომ ვერ ჯდება დაწესებული სტანდარტების ფარგლებში, მაშინ ის განიცდის არასრულყოფილების გრძნობას. ვისთან შედარებით? კითხეთ საკუთარ თავს: გინდათ იყოთ ისეთი როგორიც არის სხვა, თუ იყოთ ის ვინც ხართ? თქვენი ნაკლოვანებების დამალვით ამას ვერ მიაღწევთ. ამას მხოლოდ თქვენი ღირსებების განვითარებით მიაღწევთ. ნებისმიერი არასრულფასოვნების დაბალანსება შეიძლება არსებული ღირსებით. სილამაზის უქონლობის კომპენსირება შეიძლება მომხიბლელობით. ფიზიკური ნაკლოვანების კომპენსირება თავდაჯერებულობით. თავისუფლად ურთიერთობის უუნარობის კომპენსირება შეიძლება სმენის უნარით. ხოლო მორიდებული ადამიანებისთვის ერთი რჩევის მიცემა შეიძლება: გაუფრთხილდით ამ თვისებას როგორც განძს. მორცხვობას გააჩნია ფარული მომხიბლელობა, თუ ამასთან ერთად, შეგიძლიათ თქვენს თავს მისცეთ უფლება არ იყოთ „მაგარი ტიპი“.
ახსნა
არასრულფასოვნების გრძობა ეფუძნება შედარებას: საქმე იმაში კი არა არის,რომ მე არ ვარ მიმზიდველი გარეგნობის, არ გამაჩნია უნარები და ტალანტები, არ მყოფნის ჭკუა და მახვილგონიერება, არ გამომდის ადამიანებთან ურთიერთობა, მე უღირსი ვარ... არამედ იმაში, რომ მე მათზე უარესი ვარ! ეს არის სუფთა სახის დამოკიდებულება. იქმნება პოლარიზაცია: ისინი კარგები არიან - მე ცუდი ვარ. პოლარიზაცია წარმოშობს წონასწორული ძალების ქარებს, რომელიც აიძულებს ადამიანს ყველანაირად ეცადოს ხელოვნურად დამდაბლებული ღირსების გაზრდას. ამიტომაც ხდება, რომ ადამიანი იქცევა არაბუნებრივად, რითაც უფრო მეტად უსვამს ხაზსს იმას, რისი დამალვაც სურს. კომპლექსებთან ბრძოლას უფრო მეტი არასასიამოვნო შედეგი მოაქვს, ვიდრე თავად კომლექსი. კომპლექსის მოშორება შეიძლება მხოლოდ ერთი გზით: გარშემომყოფებთან თავის შედარიბის შეწყვეტით, და ყურადღების ნაკლოვანებიდან ღირსებაზე გადატანით. შეიქმნენით პოზიტიური სლაიდი, სადაც თქვენი ღირსებები ისე წარმოჩინდება, რომ ნაკლოვანობები გადადის უკანა პლანზე. იცხოვრეთ ამ სლაიდში ვირტუალურად, და მალე ის რეალობად იქცევა.
