8 - ვარდისფერი ტყუპები
8. ვარდისფერი ტყუპები
დეკლარაცია
დედამიწაზე უამრავი ღვთაებრივი ადგილი არსებობს, სადაც ცხოვრობენ „ვარდისფერი ტყუპები“. თუ გინდათ იქ მოხვედრა, გაიკეთეთ „ვარდისფერი სათვალეები“ და ნუ მიაქცევთ ყურადღებას იმ სუბიექტებს რომლებიც მათი მოხსნისკენ მოგიწოდებენ. სამოთხისეული ცხოვრების ექოები იშვიათად აღწევენ ყოველდღიურ ცხოვრებაში. ხარბად შეიწოვეთ ეს ექოები, გაამახვილეთ მათზე ყურადღება, და ისინი უფრო ხშირად შეგხვდებიან. თვითონ ნახავთ თუ როგორ დაიწყებს თქვენი ცხოვრება გასაოცრად გადასხვაფერებას.
ახსნა
გინახავთ ოდესმე წვიმა მზიან დღეს? ორი ცისარტყელა ცაზე? ვარდისფერი ორეულები ხომ არ შეგხვედრიათ გზაზე? უნდა გააცნობიეროთ ერთი რამ: რომ თქვენ თქვენივე დამოკიდებულებებით სძენთ თქვენსავე სამყაროს ფერად ან შავ ტონს. თუ თქვენი ფიქრების დიდი ნაწილი კავშირშია ნეგატიურ განცდებთან, ცხოვრება დღითიდღე გაუარესდება. და პირიქით, თუ საზიზღარი ამინდია, მაგრამ სული მხიარულად მიაბიჯებს და მღერის წვიმაში, თქვენი სამყაროს შრე დღესასწაულით აივსება. როგორც სამოთხე, ისე ჯოჯოხეთი არსებობს არა სხვაგან, სხვა განზომილებაში, არამედ აქ, დედამიწაზე. მაგალითად არსებობს ციხეები, მაგრამ თქვენ არ ხართ იქ, რადგან ეს არ არის თქვენი სამყაროს შრე, მაგრამ შეიძლება თქვენად იქცეს, თუ დაიწყებთ ყურადღების გამახვილებას კრიმინალურ ინფორმაციაზე. არსებოს ასევე ავარიები, კატასტროფები, სტიქიური უბედურებები - რომლებიც შეიძლება გახდეს თქვენი რეალობის ნაწილი თუ აქტიურად დაიწყებთ ყურადღების გამახვილებას მსგავ ინფორმაციებზე. შეგნებულად გაამახვილეთ ყურადღება მხოლოდ იმაზე, რის დანახვასაც ისურვებდით თქვენს ცხოვრებაში, სხვა დაანარჩენს კი ნუ მიაქცევთ ყურადღებას, უბრალოდ გაატარეთ. ბოროტება არ დატოვებს რეალობას, ის უბრალოდ უბრალოდ გაქრება თქვენი სამყაროს შრიდან. თქვენ უბრალოდ შეწყვეტთ ნეგატივთან შეჯახებას.
