62. თქვენი მიზანი
62. თქვენი მიზანი
დეკლარაცია
ყველას გააჩნია ძვირფასი საგანძური და ეს მისი უნიკალური სულია. ყოველ სულს აქვს თავისი მიზანი, საითკენაც მიამვალ გზაზე ადამიანი ჰპოვებს ბედნიერებას. წინ - მომავალში - არანაირი ბედნიერება არ არსებობს. ბედნიერება ან აქ და ახლაა, ან საერთოდაც არ არის. ნამდვილი წარმატების მიღწევის საიდუმლო ქანქარებისგან განთავისუფლებაში ან საკუთარი გზის პოვნაშია. გაეცით ერთ შეკითხვას პასუხი: რისკენ ისწრაფვის თქვენი სული, რას შეუძლია თქვენს ცხოვრებაში დღესასწაულის გამოწვევა? არ უნდა გადარდებდეთ არანაირი შეზღუდვები. ნუ მოგერიდებათ, მიეცით თქვენს თავს არჩევანის სრული თავისუფლება. როდესაც მიზანი ნამდვილად თქვენია - მასზე ფიქრისას სული მღერის, ხოლო გონება კმაყოფილებით იფშვნეტს ხელებს.
ახსნა
ადამიანის სული მხოლოდ ბუნდოვნად ხვდება, თუ რა უნდა. გონება უნდა დაეხმაროს მას მიზნის გარკვევაში. მაგრამ გონება, როგორც მისთვისაა დამახასიათებელი, მიზნის პოვნას ცდილობს ლოგიკური გზით. ეს შეცდომაა. გონების ამოცანა არ არის მიზნის ძებნა, არამედ მისი დროული გამორჩევაა. საჭირო დროსა და ადგილას სული თავად მიხვდება, და თქვენ ამას იგრძნობთ. მთვარია სულს მისცეთ საშუალება შეხვდეს მიზანს. უნდა გააფართვოთ თვალსაწიერი: წახვიდეთ იქ, სადაც ჯერ არ ყოფილახართ, ნახოთ ის რაც ჯერ არ გინახავთ, აითვისოთ ახალი ინფორმაცია, რუტინულ გარემოს უნდა დააღწიოთ თავი. შემდეგ კი ეცადეთ იყოთ გაცნობიერებული და ყური უგდეთ გულის ხმას. მიზნის საძებნელად მიეცეთ თქვენს თავს განუსაზღვრელი დრო, ნუ მოაქცევთ ამას დროის ჩარჩოებში და ნურც ვალდებულებად აქცევთ. უბრალოდ გონებაში გქონდეთ ასეთი აზრფორმა; ვეძებ იმას რაც ჩემს ცხოვრებას დღესასწაულად აქცევს. მიზანი გაცისკროვნებასავით მოვა. როდესაც გადაეყრებით რაიმე ინფორმაციას, და იგრძნობთ რომ, სული აენთო, გონება კი სიამოვნებით და ყოველმხრივ მას განიხილავს, მაშინ შეგიძლიათ ჩათვალოთ, რომ იპოვეთ თქვენი მიზანი.
