41. ჩვევა იმისა, რომ გახსოვდეთ
41. ჩვევა იმისა, რომ გახსოვდეთ
დეკლარაცია
იმისათვის, რომ იპოვოთ პრობლემური სიტუაციიდან გამოსავალი, ჯერ უნდა გაიხსენოთ და გააცნობიეროთ, რომ პრობლემა წარმოიშვა მნიშვნელოვანების შედეგად. არაცნობიერი სიზმარი მხოლოდ იმიტომ გეუფლებათ და მიმდინარეობს თქვენგან დამოუკიდებლად, რადგან ვერ აცნობიერებთ, რომ ეს მხოლოდ სიზმარია. ასევე ფხიზლად ყოფნის დროსაც, სანამ არ გააცნობიერებთ, რომ პრობლემაში ყელამდე ხართ ჩაფლული, მანამდე გარემოების მართვის ქვეშ იქნებით. შეჩერდით, გამოფხიზლდით და გაიხსენეთ, რომ რეალობაც სიზმარია, რომლის მართვაც შესაძლებელია. გამოფხიზლებული კი ამ ზეზეული სიზმრის ტრანსერფინგს შეუდექით.
ახსნა
მთავარი სირთულე იმის გახსენებაში მდგომარეობს, რომ თქვენსავე შინაგან ან გარეგან მნიშვნელოვანებაში ფართხალებთ. ამ მიზნისთვის საჭიროა მეთვალყურე - შინაგანი დამკვირვებელი, რომელიც გამუდმებით ადევნებს თვალ-ყურს თქვენს გაცნობიერებულობას. რათქმაუნდა რთულია თავის ხელში აყვანა, როდესაც ირგვლივ ყველაფრის დალეწვა გინდა. ქანქარა, როგორც ვამპირი, სარგებლობს, ასე ვთქვათ ანესთეზიით - თქვენი ჩაძინების ჩვევით, როდესაც ნეგატიურად რეაგირებთ გამაღიზიანებლებზე. ახლაც კი, ამ აბზაცის წაკითხვის შემდეგ რამოდენიმე წუთში, შეიძლება დაგავიწყდეთ და გაღიზიანებულმა უპასუხოთ არასასურველ ტელეფონის ზარს. შეეცადეთ დღის განმავლობაში რამოდენიმეჯერ „გაიღვიძოთ“ - ირგვლივ მიმოიხედოთ და გააცნობიეროთ, რომ ყველაფერი რაც ხდება სიზმარია, მაგრამ თქვენ არ გძინავთ და აცნობიერებთ რასაც აკეთებთ. ჩვევა იმისა, რომ გახსოვდეთ, გამომუშავდება სისტემატიური პრაქტიკის საშუალებით. სანამ გაცნობიერებულობა ჩვევაში არ გადაგეზრდებათ, მანამდე ქანქარები ყველანაირად ეცდებიან თქვენს წონასწორობიდან გამოყვანას. ნუ შეშინდებით, ძირითადად ეს წვრილმანი უსისამოვნებები იქნება. თუ არ დანებდებით და ისწავლით რომ უნდა გახსოვდეთ, თქვენ შთამბეჭდავ გამარჯვებას მოიპოვებთ, აი ნახავთ.