51. უსასრულების იდუმალება
51. უსასრულების იდუმალება
დეკლარცია
რატომ „მუშაობს“ ტრანსერფინგი? ვინ „შექმნა“ ვარიანტთა სივრცე, რა არსებობს იქ? ვარიანტთა სივრცე არავის არ შეუქმნია - ის ყოველთვის არსებობდა. ადამიანის გონება ისეა მოწყობილი, რომ მას ეჩვენება, თითქოს ყველაფერი ვიღაცის ან რაღაცის მიერაა შექმნილი, გააჩნია დასაწყისი და დასასრული. მაგრამ არის საკითხები, რომლების შეცნობაც ადამიანის გონების შესაძლებლობას აღემატება. რადგან გონება მხოლოდ ლოგიკური მექანიზმია, რომელსაც შეუძლია აბსტრაქტული აზროვნება. ტრანსერფინგი არ ხსნის სამყაროს მოწყობის საკითხებს, არამედ გვთავაზობს უტილიტარულ მოდელს, რომლის საშუალებითაც შეგვიძლია გავიგოთ, რატომაა რეალობის მართვა შესაძლებელი, და როგორ გამოვიყენოთ ის. სწორედ ასევე შეგვიძლია ვმართოთ ავტომობილი, ისე რომ წარმოდგენაც არ გვქონდეს მის მექანიზმზე.
ახსნა
კაცობრიობის ისტორიის განმავლობაში, მეცნიერები ყოველთვის ცდილობდნენ სამყაროს მოწყობის საკითხების ახსნას. ეს პროცესი გაგრძელდება სანამ იარსებებს კაცობრიობა. ნებისმიერი მოდელის შემდეგ, ყოველთვის გამოჩნდება ახალი მოდელი. თუ ერთი სარკის წინ სხვა სარკით ხელში დადგებით,მაშინ მიხვდებით თუ რატომ არსებობს მოდელების უსასრულო რაოდენობა. როდესაც რეალობის გამოვლინების ერთერთ მოდელს ვიღებთ როგორც ძირითადს, ვღებულობთ ცალკეულ ვერსიას, - სარკის პატარა ნატეხს. და როდესაც მასთან ერთად ვდგებით მთავარი სარკის წინ, გამოსახულებაში ვიპოვით ახალ ასპექტს. ამ ასპექტის რომელიმე გამოვლინების გამორჩევით, ჩვენ ისევ მივიღებთ რეალობის ცალკეულ ვერსიას. და ისევ მორიგი სარკიდან წარმოიქმნება ახალი სარკე, რომელიც აირეკლება წინა სარკეში. და მაინც, როგორია სამყარო სინამდვილეში? თქვენ შეგიძლიათ ეს წარმოიდგინოთ ორი სარკის მაგალითზე (თუ გამოგივათ), რომლებიც ერთმანეთთან ძალიან ახლოს დგას. ორივეში არაფერია, ერთმანეთისგან უსასრულოდ არეკლილი. გამოსახულების შავი უსასრულობა, სადაც არაფერი ირეკლება არაფრისგან. შეძლებს კი ჩვენი გონება მიღებული სურათის რამენაირად ახსნას? ძალიან გაუჭირდება...
