10 - განთავისუფლება
10. განთავისუფლება.
დეკლარაცია
თქვენ მიიღებთ ყველაფერს, რის ქონასაც აპირებთ, თუ დარწმუნებული ხართ, რომ ეს თქვენია, ყოველგვარი პირობებისა და დათქმების გარეშე. თქვენი არჩევანი კანონია - რომელიც უპირო აღსრულებას ექვემდებარება. არჩევანის თავისუფლება - ქონის გადაწყვეტილება - ფორმირდება განზრახვის ენერგიიდან. თუ შინაგანი და გარე მნიშვნელოვანების ჭარბი პოტენციალი გართმევთ ენერგიის მნიშვნელოვან ნაწილს, მაშინ განზრახვას არ ექნება საკმარისი ძალა. იმისათვის რომ განვთავისუფლდეთ საგნების მნიშვნელოვანებისგან, საჭიროა ვიმოქმედოთ გაცნობიერებულად და გავარკვიოთ რას ვანიჭებთ განსაკუთრებით ჭარბ მნიშვნელობას, და რა მოსდევს ამას. ჭარბი პოტენციალის ენერგია იფანტება მოქმედებაში. ატრიალეთ გონებაში მიზნობრივი სლაიდი და მშვიდად გადაიდეთ ფეხი ფეხზე მიზნის მიმართულებით - და ეს იქნება თქვენი მოქმედება.
ახსნა
როგორ არ გვეშინოდეს? - ვიპოვოთ დაზღვევა, სათადარიგო ვარიანტი.
როგორ არ ვინერვილოთ და არ ვიშფოთოთ? - ვიმოქმედოთ. პანიკისა და ნერვიულობის პოტენციალები ორთქლდება მოქმედებაში.
როგორ არ მოველოდეთ და არ გვსურდეს? - შევურიგდეთ მარცხს და ვიმოქმედოთ. გავფანტოთ მოლოდინი და სურვილები მოქმედებაში.
როგორ ვთქვათ უარი საკუთარ მნიშვნელოვანობაზე? - მივიღოთ ჩვენი მნიშვნელოვანება როგორც აქსიომა, უარი ვთქვათ მოქმედებაზე რომელიც მიმართულია საკუთარი მნიშვნელოვანების ასამაღლებლად.
როგორ არ გავღიზიანდეთ? - ვეთამაშოთ ქანქარებს, დავარღვიოთ რა მათი თამაშის წესები. არაადეკვატური რეაგირებით, თქვენ არღვევთ ქანქარის რიტმს, რის შემდეგაც მას თქვენგან არაფერი რჩება.
როგორ განვთავისუფლდეთ დანაშაულის გრძნობისგან? - შევეშვათ თავის მართლებას.
როგორ გავუმკლავდეთ წყენას და აღშფოთებას? - შევწყვიტოთ ჩვენი ბრძოლა და ვიმოძრაოთ ვარიანტების დინებასთან ერთად.
რა ვქნათ თუ ვეღარ ვუმკლავდებით წყენას და აღშფოთებას? - უბრალოდ მივცეთ საკუთარ თავს ამ სისუსტის ქონის უფლება, ნუ აიძულებთ საკუთარ თავს ყოველთვის გამარჯვებას.
როგორ გავართვათ თავი დიდი პრობლემებს? - დაიცავით განზრახვის კოორდინაციის პრინციპი.
ასე რომ, საკუთარ ჭარბ პოტენციალებთან ბრძოლის ნაცვლად, აუცილებელია ვიმოქმედოთ გასუფთავებული განზრახვის ფარგლებში. განზრახვა იწმინდება მოქმედების პროცესში.