28. გამოსახულების ფორმირება
28. გამოსახულების ფორმირება
დეკლარაცია
იმისათვის, რომ მატერიალურ რეალობაში აზრფორმები დაფიქსირდეს, აუცილებელია მათი სისტემური გამეორება. შეიძლება არ დაიჯეროთ, რომ ყველაფერი ამდენად ტრივიალურია. უფერული, რუტინული სამუშაო და არანაირი ჯადოსნობა. სამაგიეროდ ეს ნამდვილად მუშაობს. უბრალოდ ადამიანებს, როგორც წესი არ ყოფნით მოთმინება. ისინი აღფრთოვანებით აენთებიან რაიმე იდეით, შემდეგ კი მალევე ქრებიან. ასე, რომ ჩანაფიქრის მატერიალიზებისთვის აუცილებელია ფიქრებში მიზნობრივი სლაიდის საკმარისად დიდხანს ტრიალი. სასწაული სინამდვილეში არ არსებობს - არსებობს მხოლოდ რეალობის მართვისთვის საჭირო კონკრეტული სამუშაო.
ახსნა
თუ გონება არ ეწინააღმდეგება გულის კარნახს, იბადება წარმოუდგენელი ძალა - გარეგანი ძალისხმევა, რომელიც ახდენს ვარიანტთა სივრცეში სექტორის მატერიალიზებას, ფიქრებში არსებული სურათის შესაბამისად. გონებისა და სულის ერთობისას ეს სურათი იძენს მკაფიო კონტურებს, და შესაბამისად დაუყოვნებლივ რეალიზდება. სამყარო სრულიად გეთანხმებათ იმაზე, თუ რას ფიქრობთ მის შესახებ. მაგრამ რატომ ხდება,რომ როგორც წესი სრულდება ჩვენი ყველაზე ცუდი მოლოდინები, ხოლო იმედები და ოცნებები არ სრულდება? ცხოვრებაში ყველაზე ხშირად ხდება ისე, რომ როდესაც სული ისწრაფვის გონება არ რთავს ნებას, ხოლო როდესაც გონებას მოყავს საფუძვლიანი არგუმენტები სული მაინც გულგრილი რჩება. როდესაც ერთობა დარღვეულია, სურათი ბუნდოვანი გამოდის - თითქოს ხდება მისი გაორება; სულს ერთი სურს, გონება კი მეორეს ამტკიცებს. და უსიტყვოდ ერთმანეთს მხოლოდ მტრულ დამოკიდებულებასა და შიშის დროს ეთანხმებიან. რა უნდა ვქნათ? მატერიალური რეალიზაცია ინერტულია. შესაძლებალია ამ ციხესიმაგრის ხანგრძლივი ალყით აღება. თუ თქვენ ნამდვილად გსურთ მიზნის მიღწევა, აუცილებელია სლაიდის რეგულარული ვიზუალიცია.