58. თვითკმარობა
58. თვითკმარობა
დეკლარაცია
თქვენ გაგაჩნიათ კოლოსალური პოტენციალი, მიეხედავად იმისა, რომ ასე არ თვლით. თქვენ ყველაფერი შეგიძლიათ, უბრალოდ ეს თქვენთვის ჯერ არავის უთქვამს. უბრალოდ მიიღეთ აქსიომად ის ფაქტი, რომ თქვენს სულს ყველაფერი შეუძლია, მერე კი მიეცით თქვენს თავს უფლება, ამით ისარგებლოს. შეეშვით ჭეშმარიტების სხვაგან ძიებას, ჩაიხედეთ თქვენს თავში და იქ იპოვით პასუხებს ყველა კითხვაზე. „თქვენს თავში ჩახედვა“ - ეს არ არის აბსტრაქცია. უბრალოდ დაუსვით თქვენს თავს შეკითხვა და გაბედეთ თქვენვე უპასუხოთ მას. ამგვარად, ვარიანტთა სივრცეში შესაბამის სექტორთან დაკავშირებით, შესაძლებელია აღმოჩენების გაკეთება, რაიმე ახალის შექმნა, შედევრების შექმნა. თავი ანებეთ აღიარებულ ავტორიტეტებს, - სისინიც იგივე წყაროთი სარგებლობდნენ. ახლა თქვენი ჯერია.
ახსნა
მოგწონთ ხელოვნების, მეცნიერების, ბიზნესის, სპორტის, ესტრადის, კინოს გენიოსების მიერ შექმნილი შედევრები? შეგიძლიათ გახდეთ ერთერთი მათგანი. გენიების შედევრები სწორედ იმიტომ მოგწონთ, რომ ისინი მათი სულის მიერაა შექმნილი. ხოლო ყოველივე ჩვეულებრივი, საშუალო კი გონების მიერ იქმნება. გონების ქმნილება, ისევე როგორც თავად გონება, არ არის უნიკალური. უნუკალურია მხოლოდ თქვენი სული. თქვენ ფლობთ ნამდვილ საგანძურს. თქვენი ნებისმიერი გენიალური ქმნილება შეიძლება მხოლოდ თქვენმა სულმა წარმოშვას. დაე, თქვენმა გონებამ მისცეს მას ამის საშუალება. ნუ უყურებთ სხვების გამოცდილებას და სტერეოტიპულ ეტალონებს. შექმენით თქვენი ეტალონი. როდესაც რაიმე პრობლემას შეეყრებით, ჩამოაყალიბეთ შეკითხვა და მიეცით თქვენს თავს დრო მის გადასაწყვეტად. აი, ნახავთ, პასუხი თავისით გამოჩნდება, ის უკვე არსებობს ვარიანტთა სივრცეში - თქვენი ამოცანაა მისი დამოუკიდებლად მიღება განიზრახოთ. ერთადერთი მოთხოვნილება: იმისათვის, რომ „განეწყოთ“ შესაბამის სექტორზე, საჭიროა მიიღოთ ელემენტარული ცოდნა და უნარები მოცემულ დარგში. შემდეგ კი - ყური დაუგდეთ გულის ხმას, რომელიც ინტუიციის ენაზე ლაპარაკობს.
