66. საყრდენი
66. საყრდენი
დეკლარაცია
თუ ახლა მძიმე დრო გიდგათ, საყრდენი ყოველთვის შეგიძლიათ თქვენს თავში იპოვოთ, თუ გამოიღვიძებთ და გააცნობიერებთ, იმას თუ საიდან წარმოიშვა პრობლემური სიტუაცია. საფრთხეს თავად პრობლემა კი არა, არამედ თქვენი მისდამი დამოკიდებულება წარმოადგენს. როდესაც პრობლემის მნიშვნელოვანებით იმსჭვალებით, ამით თქვენს ენერგიას აძლევთ ქანქარებს. უნდა გააცნობიეროთ, რომ ყველა პრობლემურ სიტუაციაში ქანქარებს თქვენგან ელოდებიან, რომ ძალ-ღონის დაძაბვით შეებრძოლებით, ან დანებდებით და დარდს მიეცემით. უნდა გამორიცხოთ ორივე ვარიანტი. მაგრამ რა ვქნათ თუ საყრდენი არ გვაქს, და თავდაჯერებულობასაც ვკარგავთ. თავდაჯერებულობას მაშინ მოიპოვებთ, როდესაც გაიღვიძებთ და გააცნობიერებთ იმას, თუ რა თამაში მიმდინარეობს. გაგეცინებათ: „ეს შენ ხარ ქანქარავ? ახლა ასე მარტივად ვერ წამომიკიდებ.“ ამის შემდეგ თქვენ აღარ ხართ მარიონეტი. თქვენ თავისუფალი ხართ.
ახსნა
როდესაც ადამიანი არ იცნობს თამაშის წესებს, მას გარე სამყარო მტრულად და შემაშინებლად ესახება. და შესაბამისად მარტოობისა და სიბეჩავის შეგრძნება აიძულებს დაიძინოს და დაემორჩილოს გარემოებებს. როდესაც ადამიანები აწყდებიან რთულ პრობლემას ან დამთრგუნველ უსიამოვნებას, ისინი ენერგიას აძლევენ ქანქარებს და განიცდიან მწუხარებას, ძალების დაკარგავას. ადამიანი ან საბრძოლო მდგომარეობაშია, ან ეგრევე ხელებს ჩამოყრის და ნებდება. ორივე ვარიანტი არანორმალურია და იწვევს სტრესსა და დეპრესიას. საყრდენის პოვნის მიზნით ადამიანები იწყებენ მოწევას, მიმართავენ ნარკოტიკებს, სვამენ ან მიმართავენ სხვა საშუალებას. მაგრამ შედეგად სხვა ქანქარების ტყვეები ხდებიან. საჭიროა მხოლოდ გამოიღვიძოთ, და თამაშს გვერდიდან შეხედოთ(მაყურებლის თვალებით) სცენის დაუტოვებლად. მაშინვე გამოჩნდება წყალქვეშა ქვები, და ზღვაც თითქოს აორთქლდება. აი მაშინ კი შეძლებთ თქვენს თავში საყრდენის პოვნას. როდესაც ხვდებით თუ რა ხდება ირგვლივ - ეს ძალიან დიდი რამეა. მარტო ამის ცოდნას მოაქვს საიმედო და მშვიდი რწმენა საკუთარი თავის, რადგან თავდაუჯერებლობა გაურკვევლობის (უცნობის) შიშისგან გამომდინარეობს. ახლა, როდესაც იცით ეს ყოველივე, შეგიძლია თქვენი ცხოვრება გაცნობირებულ ცხად სიზმრად აქციოთ, რაც სიტუაციაზე კონტროლის მოპოვებას ნიშნავს.
