2 - სიზმრის დაჰაკვა
2. სიზმრის დაჰაკვა
დეკლარაცია
გააცნობიერეთ, რომ თვენი ცხოვრება თამაშია, რომელიც თავს მოგახვიეს. სანამ ამ თამაშში მთელი არსებით ხართ ჩართული, მანამდე ვერ შეძლებთ სიტუაციის ობიექტურად შეფასებას და ვერც არსებით ზემოქმედებას მოახდენთ მოვლენათა განვითარებაზე. ჯერ დაეშვით მაყურებელთა დარბაზში, მიმოიხედეთ ირგვლივ ნათელი მზერით და უთხარით თქვენს თავს; ამ მომენტში მე არ მძინავს და ვაცნობიერებ სად ვარ, რა ხდება, რას ვაკეთებ და რატომ. შემდეგ შეგიძლიათ ისევ ახვიდეთ სცენაზე და გააგრძელოთ თამაში, ოღონდ ისე, რომ თან მაყურებლად დარჩეთ. თქვენ უდიდესი უპირატესობა გაქვთ - გაცნობიერებულობა. თქვენ შეძელით ამ თამაშის დაჰაკვა და შეიძინეთ მისი მართვის შესაძლებლობა.
ახსნა
სიზმარში თქვენ გარემოებების ზემოქმედების ქვეშ ხართ, რადგან გონება თვლემს და ყველაფერს ღებულობს ისე, თითქოს ყველაფერი წესრიგშია. ცხადშიც დაახლოებით იგივე ხდება. გეჩვენებათ რომ რეალობა თქვენგან დამოუკიდებლად არსებობს, და არ შეგწევთ მასზე ზემოქმედების ძალა. თითქმის შეურიგდით თქვენს ხვედრს - იმ შესაძლებლობებს და გარემო პირობებს, სადაც არსებობა გიწევთ. ისღა დაგრჩენიათ, გაყვეთ დინებას და დროდადრო შეეცადოთ განაცხადოთ პრეტენზია თქვენს უფლებებზე. ნუთუ არაფრის შეცვლა არ შეიძლება? რათქმაუნდა შესაძლებელია. და თქვენ შეცვლით. აქამდე რეალობას მხოლოდ ისე აცნობიერებდით როგორც გეუბნებოდნენ. ახლა რეალობა გააცნობიერეთ როგორც სიზმარი. მხოლოდ გაცნობიერებულ სიზმარში შეგიძლიათ სიტუაციის რეალური კონტროლი. სცენაზე ყველას თავისი როლი გააჩნია და ყველა გარკვეული სახით ურთიერთქმედებს თქვენთან; რაღაცას მოელის თქვენგან, გაძალებს, რაღაცას გთხოვს ან ითხოვს, გეხმარება ან გიშლის, უყვარხარ ან სძულხარ. შეხედეთ ამ თამაშს ცნობიერად (შეგნებულად), გვერდიდან, და თავადვე მიხვდებით ყველაფერს.