37. განზრახვის კოორდინაცია
37. განზრახვის კოორდინაცია
დეკლარაცია
თუ თქვენ განიზრახავთ, მიიღოთ ნეგატიური მოვლენა, პოზიტიურად, მაშინ ეს მართლა ასე მოხდება. გახსოვდეთ; როგორი ცუდი სიტუაციაც არ უნდა იყოს ახლა, წინ გელოდებათ ძალიან სასიამოვნო სიურპრიზი, იმ პირობით, რომ ახლა ინარჩუნებთ კოორდინაციას. ნებისმიერი დაბრკოლების წინ უთხარით თქვენ თავს; გამომივა - ძალიან კარგი, არ გამომივა - მით უკეთესი. თქვენ ხომ იცით, რომ თქვენი სამყარო ზრუნავს თქვენზე, და თუ რამე არ გამოგივიდათ, ესე იგი ამით თავიდან აიცილეთ დაფარული პრობლემები. ასეთი მსუბუქი განწყობით მშვიდად შეხვდით თქვენს ბედს, რომელსაც თვად ქმნით. ამიერიდან, რაც არ უნდა მოხდეს, ყველაფერი ისეა როგორც საჭიროა.
ახსნა
ადამიანის ცხოვრება, ისევე როგორც მატერიის ნებისმიერი მოძრაობა წარმოადგენს მიზეზ-შედეგობრივ ჯაჭვს. ვარიანტთა სივრცეში შედეგი ყოველთვის ძალიან ახლოსაა თავის მიზეზთან. როგორც ერთი გამომდინარეობს მეორისგან, ისე სივრცეში გვერდიგვერდ მდებარე სექტორები ეწყობიან ცხოვრებაშიც. ნებისმიერ მოვლენას ცხოვრებაში აქვს ორი განშტოება - სასიკეთო და არასასიკეთო მიმართულებით. ყოველ ჯერზე როდესაც ხვდებით რომელიმე სიტუაციაში, თქვენ აკეთებთ არჩევანს თუ როგორ უნდა შეხვდეთ მას. თუ სიტუაციას განიხილავთ როგორც პოზიტიურს - ხვდებით ცხოვრების სასიკეთო განშტოებაზე. თუმცა თქვენი მიდრეკილება ნეგატივისადმი გაიძულებთ გამოხატოთ უკმაყოფილება და აირჩიოთ არასასიკეთო განშტოება. როგორც კი რამე გაგანაწყენებთ, მას აუცილებლად მოყვება რაიმე უსიამოვნება. და გამოდის, რომ „უბედურება არასოდეს მოდის მარტო“. მაგრამ უსიამოვნებათა რიგი უბედურებას კი არ მოყვება, არამედ თქვენს მისდამი დამოკიდებულებას. კანონზომიერება ყალიბდება არჩევანით, რომელსაც აკეთებთ. განზრახვის კოორდინაციის პრინციპი საშუალებას გაძლევთ ყოველთვის მოხვდეთ ცხოვრების სასიკეთო განშტოებაზე.
