25. სამყაროს დალაგება
25. სამყაროს დალაგება
დეკლარაცია
თუ შემაწუხებელი სიცარიელის შეგრძნება დაგეუფლათ, შეუდექით სახლის ან სამუშაო ადგილის დალაგებას. გადაალაგეთ ავეჯი, გადაყარეთ ძველი და უსარგებლო ნივთები, ხოლო საჭირო და თქვენთვის ძვირფასი ნივთები განალაგეთ მზრუნველობით და გემოვნებით. მაშინვე იგრძნობთ ძალების მომატებას და სიცოცხლის ხალისს. სწორედ ასევე საჭიროა მტკიცედ და დაუნანებლად თავიდან მოიშოროთ ნეგატიური აზრები, რათა ცხოვრება არ დაგიმახინჯონ. შიში, მოუსვენრობა, ეჭვი, ცუდის მოლოდინი, უკმაყოფილება, გაკიცხვა, მტრობა, დანაშაულის გრძნობა, არასრულფასოვნებები - ეს ყველაფერი აუცილებლად უნდა მოიშოროთ თქვენი ცხოვრებიდან.
ახსნა
დეპრესიის საუკეთესო წამალი შემოქმედებითი საქმიანობაა, რომლის შედეგებიც არ აყოვნებს. რაიმეს ქმნადობის პროცესში, არა აქვს მნიშვნელობა რისი, სული იბრუნებს სიცოცხლის დაკარგულ ხალისს. განსაკუთრებული კარგად მოქმედი საშუალებაა უბრალოდ სახლის დალაგება ნაგვის გატანით. სწორედ ასევე შესაძლებელია თქვენი სამყაროს (ცხოვრების) გაწმენდაც. ყველა ადამიანი თავისი ფიქრებით და მოქმედებებით ქმნის საკუთარ სამყაროს ფენას და ცხოვრობს მასში. ამასთან აზროვნების ტიპი(ხასიათი) ფრიად საგულისხმო როლს თამაშობს. თქვენი სამყარო ხდება ისეთი როგორი წარმოდგენაც გაქვთ მასზე. თუ ფიქრობთ, რომ ის აგრსიული და მტრულია, სწორედ ასეთი იქნება ის თქვენთვის. ან თუ ფიქრობთ, რომ ყველაფერი საუკეთესოს მისაღწევად დიდი გარჯაა საჭირო, თქვენ მართლაც დიდხანს და შეუპოვრად მუშაობა მოგიწევთ. თუ მიაგაჩნიათ, რომ სიმდიდრე და წარმატება მხოლოდ რჩეულთა ხვედრია, მაშინ ლოდინი მუდამ რიგის ბოლოში მოგიწევთ. რაც მეტია ნეგატივი თქვენ გონებაში, მით უფრო პირქუშია რეალობა. ყოველგვარი ნეგატივის მოშორებისას, აღმოაჩენთ თუ როგორ იძენს რეალობა უფრო თბილ და ხალისიან ელფერს.
