47. დამოკიდებული ურთიერთობები
47. დამოკიდებული ურთიერთობები
დეკლარაცია
თუ გგონიათ, რომ სამყარო თქვენს წინააღმდეგ მოქმედებს, დაფიქრდით: რას ანიჭებთ გადამეტებულ მნიშვნელობას? იზიდავთ ყველაფერს, რაც მტრობას იწვევს. ყველაფერი რაც გაღიზიანებთ, - არ გშორდებათ. რაც ყველაზე არასასურველია, - ის ხდება. ასე იმიტომ ხდება, რომ თქვენ სამყაროს აიძულებთ, ის კი გეწინააღმდეგებათ, და ცდილობს განთავისუფლდეს. რაც უფრო დაჟინებით ითხოვთ სურვილების ასრულებას და გამოთქვამთ პრეტენზიას, მით უფრო ძლიერია მაგნიტი, რომელიც ყოველივე საპირისპიროს იზიდავს. მოეშვით. მიუშვით სამყარო თავის ნებაზე. მიეცით თქვენს თავს უფლება, იყოთ ის ვინც ხართ, ხოლო სხვებს - იყვნენ ისინი ვინც არიან. ნუ შეადარებთ თქვენს თავს ნურავის. ნურაფერს მიეჯაჭვებით. ადვილად მიიღეთ და ადვილად გაუშვით.
ახსნა
როდესაც რომელიმე თვისებას გადაჭარბებული მნიშვნელობა ენიჭება, წარმოიქმნება ჭარბი პოტენციალი, რომელიც ამახინჯებს ირგვლივ არსებულ ენერგეტიკულ სურათს. ჭარბი პოტენციალი არც თუ ისე საშიშია, სანამ დამახინჯებული სურათი არსებობს დამოუკიდებლად, თავისთვის. მაგრამ როგორც კი ერთი ობიექტის ხელოვნურად გაზრდილი შეფასების შედარება ხდება სხვა ობიექტთან, წარმოიქმნება პოლარიზაცია, რომელიც მოქმედებს როგორც მაგნიტი უსიამოვნებებისთვის. ადამიანებს შორის დამოკიდებულება წარმოიქმნება მაშინ, როდესაც ისინი იწყებენ ერთმანეთისთვის თავის შედარებას, და მსგავსი პირობის წამოყენებას: „შენ თუ ასე, მაშინ მე - ასე“. სწორედ ამიტომ ჩნდება ცხოვრებაში უსიამოვნებები, თითქოს განზრახ. მაგალითად, ჩნდება შთაბეჭდილება, რომ ოჯახურ წყვილებში ურთიერთსაწინააღმდეგო პიროვნებები ერთიანდებიან. სხვადასხვა კოლექტივებში ყოველთვის მოიძებნა ისეთი ადამიანი რომელიც როგორმე გულს გაგიწყალებთ. მერფის კანონებს, ან ჩვენებურად „სისაძაგლის“ კანონებს, გააჩნიათ იგივე ბუნება. მთელის კონფლიქტი ეფუძნება შედარებასა და ურთიერთდაპირისპირებას. დასკვნები თავად გამოიტანეთ.