30. სამყაროვ მიიღე ძღვენად ჩემი თავი!
30. სამყაროვ მიიღე ძღვენად ჩემი თავი!
დეკლარაცია
ადამიანი როგორც წესი, მთლიანად შთანთქმულია ფიქრებით, იმაზე თუ რა უნდა მიიღოს სხვებისგან, მაგრამ არ ცდილობს იმის გარკვევას თუ რა უნდათ სხვებს. ყურადღების სხვების სურვილებსა და მოტივებზე გადატანით თქვენ ადვილად მიიღებთ სასურველს. ამისათვის მხოლოდ იმის გარკვევაა საჭირო თუ რისკენაა მიმართული სხვების შინაგანი ძალისხმევა. ყოველ ჯერზე როდესაც გჭირდებათ ვინმესგან რამე მიიღოთ, მოიპოვოთ სიმპატია თუ ვინმეს რამე ქმედებაზე ბიძგება, დაუსვით თქვენ თავს შეკითხვა; რა უნდა თავად მას, რა ამოძრავებს, რა აინტერესებს? მიმართეთ თქვენი ქმედებები მისი განზრახვის რეალიზებისკენ, და ისიც სიამოვნებით გადაგიხდით იგივეთი.
ახსნა
ასე თუ ისე, ყველა პრობლემა ადამიანების შინაგანი ძალისხმევის ურთიერთწინააღმდეგობის შედეგად იბადება. ერთი ხელმძღვანელობს რა თავისი ინტერესებით, ცდილობს სხვისგან რაღაცის მიღებას. სხვა კი თავის მხრივ, საკუთრი ინტერესებით მოქმედებს. გამოიყენეთ ადამიანების შინაგანი ძალისხმევა თქვენი მიზნების მისაღწევად. ადამიანის შინაგან ძალისხმევას საფუძვლად უდევს მისი მნიშვნელობის გრძნობა. სიცოცხლის შემდეგ არაფერია ადამიანისთვის საკუთარ მნიშვნელობაზე უფრო ძვირფასი. გადაიტანეთ ყურადღება თქვენი თავიდან სხვებზე. შეეშვით თქვენი მნიშვნელობის ამაღლების მცდელობას. შეეცადეთ დაეხმაროთ სხვებს თავიანთი მნიშვნელობის ამაღლებაში. ყურადღების მისაპყრობად, საკმარისია თავად გამოიჩინოთ სხვების მიმართ ყურადღება. ილაპარაკეთ ადამიანებთან არა იმაზე თუ რა გაინტერესბთ თქვენ, არამედ მათვის საინტერესო თემებზე, თავიანთი თავის ჩათვლით. სხვას თქვენი ღირსებები და ნაკლები ყველაზე ნაკლებად აინტერესებს. პირველ რიგში მას საკუთარი მნიშვნელობის შეგრძნება აინტერესებს, რასაც იღებს თქვენთან ურთიერთობით. როგორ ვუბიძგოთ ვინმეს რაიმე ქმედებაზე? მიეცით საშუალება აიმაღლოს თავისი მნიშვნელობა, და ის თავად გააკეთებს თქვენთვის საურველს.
