50. ქანქარის ჩავარდნა
50. ქანქარის ჩავარდნა
დეკლარაცია
თუ გაწუხებთ ფიქრები იმაზე რაც არ მოგწონთ, - მაშინ ის ყოველთვის იქნება თქვენს ცხოვრებაში. იმისათვის, რომ უარი ვთქვათ არასასურველზე, აუცილებელია მისი მიღება. მიღება ამ შემთხვევაში ნიშნავს, რომ თქვენ მას არ უშვებთ თქვენში, მაგრამ აღიარებთ მისი არსებობის უფლებას და გულგრილად უვლით გვერდს. მიღება და გაშვება - სხვა სიტყვებით რომ ვთქვათ, გაატაროთ თქვენში და დასამშვიდობებლად ხელიც დაუქნიოთ. პირველ გამოვლინებისას, ყოველთვის დაეთანხმეთ ქანქარას, შემდეგ კი დიპლომატიურად მოიშორეთ თავიდან ან მიმართეთ თქვენთვის საჭირო მხარეს. ისწავლეთ „არ ჩაებღაუჭოთ“ - არამედ დააიგნოროთ ის, რაც გაღიზიანებთ, და მაშინ ის გაქრება თქვენი ცხოვრებიდან. როდესაც ქანქარას არ გააჩნია მოსაჭიდი, ის ვარდება სიცარიელეში.
ახსნა
ქანქარა - ესაა სიზმრის ბრძანებელი. როდესაც ადამიანი ეგება მათ პროვოკაციაზე, ის თითქოს იძინებს, რამეთუ მთელი არსებით ერთვება თავსმოხვეულ თამაშში - მისი გონება მთლიანად მომხდარის ზემოქმედების ქვეშაა. თუ რამე გაღიზიანებთ ან თქვენში იწვეევს მიუღებლობის გრძნობას, ჩათვალეთ რომ თავში გაქვთ კაუჭი. ქანქარა კი ამ კაუჭზე მოჭიდებით, სასწრაფოთ გამოგიძებნით შესაბამის გამაღიზიანებელს, და თან არა ერთს. იმისათვის, რომ „თავიდან ეს კაუჭი მოიშოროთ“, აუცილებელია შეცვალოთ დამოკიდებულება გამაღიზიანებლის მიმართ, ყურადღება სხვაზე გადაიტანოთ, შეეგუოთ სიტუაციას, ტრაგედია აქციოთ კომედიათ, გადაერთოთ სხვა რამეზე. დამოკიდებულების შეცვლა არ ნიშნავს ემოციების შეკავებას. საკუთარ თავში ღრმად დამარხული ემოციები, -სწორედ ის „ბოროტებაა“, რომელიც ერთ დროს აუცილებლად განთავისუფლდება და გახდება ქანქარების გემრიელი ლუკმა. უმჯებესია გრძნობებს მივცეთ გამოვლენის საშუალება, შემდეგ კი გაცნობიერებულად შევასწოროთ ჩვენი დამოკიდებულება. აზრი არა აქვს ქანქარებთან ბრძოლას. საჭიროა მათი დაიგნორება.
