24. ფლობის გადაწყვეტილება
24. ფლობის გადაწყვეტილება
დეკლარაცია
როდესაც გონებაში არ არსებობს ეჭვი ნატამალი, და არის მხოლოდ მშვიდი ფლობის გადაწყვეტილება, მაშინ შეუძლებელი რეალობად იქცევა. შესაძლებელია გამოცდის ჩაბარება საგნის ცოდნის გარეშე, ურთულესი გასაუბრების ადვილად გავლა, სუპერმომგებიანი კონტრაქტის გაფორმება, უიმედო საქმის მოგება, მათი მოხიბლვა ვისზეც ოცნება შეუძლებელი იყო. უარი თქვით მიზნის მიღწევის სურვილზე. იმოქმედეთ გულგრილად, როგორც სამურაიმ, რომელიც ცხოვრობს ისე თითქოს უკვე მოკვდა. თავიდანვე შეეგუეთ მარცხს, მაგრამ იფიქრეთ ისე თითქოს მიზანი უკვე ასრულებული გაქვთ. განაგდეთ იმედი - ხვედრი და საშველი სუსტებისთვის. დაიტოვეთ მხოლოდ მზადყოფნა ჩაფიქრებულის მისაღებად. თქვენ ხომ გინდა ეს? მაშ რაშია საქმე - თქვენ ეს გექნებათ.
ახსნა
სურვილი ყურადღების თავად მიზანზე კონცენტრაციაა. შინაგანი განზრახვა მიზნისკენ მიმავალ პროცესზე ყურადღების კონცენტრაციაა. გარეგანი განზრახვა კი, ყურადღების კონცენტრაცია იმაზე, თუ როგორ რეალიზდება მიზანი თავისით. შინაგანი განზრახვით მიზანი მიიღწევა ფიზიკურ სამყაროში, გარეგანი განზრახვა კი არჩევს მას ვარინტთა სივრცეში. შინაგანი განზრახვა გარე სამყაროზე უშუალო ზემოქმედებას ცდილობს, ხოლო გარეგანი საშუალებას აძლევს მიზანს რეალიზდეს განზრახვასთან შესაბამისად. უპირობო, უსიტყვო წარმატების რწმენა, მოქმედებაში უშვებს გარეგანი განზრახვის მექანიზმს. ჩვეულებრივ როდესაც გონებას სურს, სული ეწინააღმდეგება, ან სულს უნდა გონება კი არ რთავს ნებას, შედეგად სამყაროს სარკის წინაშე არსებული სურათი გაურკვეველი, ბუნდოვანია. როდესაც გონება და სული ერთიანია თავიანთ მისწრაფებებში, წარმოიქმნება მკაფიო სურათი, რომელიც დაუყოვნებლივ რეალიზდება სამყაროს სარკის მიერ ვარიანტთა სივრციდან. იქონიეთ ჩაფიქრებულის ქონის სიტკიცე, არაფერი გაქვთ დასაკარგი. თქვენი შესაძლებლობები ვლინდება მხოლოდ თქვენი განზრახვის მეშვეობით.
