null
12. წონასწორობა
დეკლარაცია
როდესაც სამყაროსთან იმყოფებით ჰარმონიულ წონასწორობაში, თქვენი ცხოვრება ადვილად და სასიამოვნოდ მიედინება. განსაკუთრებული ძალისხმევის გარეშე აღწევთ თქვენს მიზანს. თუ თქვენ დაკავებული ხართ ჭარბი პოტენციალებით კედლის აღმართვით, მაშინ ცხოვრება იქცევა ბრძოლად წონასწორული ძალების წინააღმდეგ. როდესაც რამე პრობლემას შეეყრებით, შეეცადეთ განსაზღვროთ რაში ამეტებთ, რას ანიჭებთ ჭარბ მნიშვნელოვანებას. განსაზღვრეთ თქვენი მნიშვნელოვანება და განთავისუფლდით მისგან. შედეგად კედელი ჩამოინგრევა, წინააღმდეგობა თავისით ჩამოიშლება და პრობლემაც თავისით მოგვარდება. ნუ ეცდებით გადალახოთ წინააღმდეგობა - არამედ შეამცირეთ მნიშვნელოვანება.
ახსნა
სამყაროში ყველაფერი ისწრაფვის წონასწორობისკენ. იქ სადაც წარმოიქმნება ჭარბი ენერგეტიკული პოტენციალი, მაშინვე ჩნდება მის მოსაშორებლად წონასწორული ძალები. რაიმესთვის განსაკუთებული მნიშვნელოვანების მინიჭების დროს, ღებულობთ თქვენივე განზრახვის საპირისპირო შედეგს. მაგალითად, საკუთარი თავით უკმაყოფილებისას შედიხართ კონფლიქტში თქვენს სულთან, წონასწორული ძალები გაიძულებენ ებრძოლოთ თქვენს ნაკლოვანებებს და ეცადოთ დაფაროთ ისინი, რის შედეგადაც ნაკლოვანებები უფრო დიდი მასშტაბით ვლინდება. სამყაროთი უკმაყოფილების შემთხვევაში თქვენ დიდი რაოდენობით ქანქარებთან კონფლიქტში ერთვებით. წონასწორული ძალები კი თქვენს წინააღმდეგ, თქვენს მისაჩქმალად იქნება მიმართული. მნიშვნელოვანების შემცირებისას ზედმეტიც არ მოგივიდეთ. შინაგანი მნიშვნელოვანების შემცირებას არაფერი საერთო აქვს არასათანადო შეფასებასა და უპატივცემლობასთან. სამყაროს უფრო მარტივად უნდა მივუდგეთ. ნურც აბუჩად ავიგდებთ და ნურც გადაჭარბებულად შევაფასებთ. მივიღოთ სამყარო ისეთი როგორც არის. შინაგანი მნიშვნელოვანების შემცირებას ასევე არა აქვს არაფერი საერთო შეგუებასა და თვითდამცირებასთან. ნუ გააზვიადებთ და ნურც დაამცირებთ თქვენს ღირსებებს და ნაკლოვანებებს. მიეცით თქვენს თავს ფუფუნება იყოთ ის ვინც ხართ სინამდვილეში.