3 - ღვთის შვილი
3. ღვთის შვილი
დეკლარაცია
ყველა ჩვენგანში არის ღვთის ნაწილი. თქვენ ღმერთის შვილები ხართ, ხოლო ცხოვრება მისი სიზმარია. საკუთარი განზრახვის ძალით რეალობის მართვისას, თქვენ მის ნებას ასრულებთ. თქვენი განზრახვა - ეს ღვთის განზრახვაა. როგორ შეიძლება მის ასრულებაში ეჭვი შეგეპაროთ? ამისათვის საჭიროა უბრალოდ ასეთი უფლების საკუთარ თავზე აღება. როდესაც ღმერთს შესთხოვთ რამეს, ეს იგივეა, რომ ღმერთმა საკუთარ თავს სთხოვოს რამე. განა შეიძლება ღმერთმა საკუთარ თავს რაიმე სთხოვოს? განა არსებობს ვინმე ვისაც შეიძლება ღმერთმა თავისთვის რამე შესთხოვოს? ის ისედაც მიიღებს რასაც მოისურვებს. ნუ ითხოვთ, ნუ მოითხოვთ და ცდილობთ რაიმეს მიღწევას. შექმენით თქვენივე რეალობა გაცნობიერებული განზრახვის მეშვეობით.
ახსნა
ჩვენი სამყარო - სიზმრის თეატრია, სადაც ღმერთი ერთდროულად არის მაყურებელი, სცენარისტი, რეჟისორი და მსახიობიც. როგორც მაყურებელი ის აკვირდება სამყაროს სცენაზე მიმდინარე პიესას. როგორც მსახიობი, ის განიცდის და გრძნობს ყველაფერს, რასაც ის არსება, ვისი როლიც თამაშდება. ღმერთი ქმნის და მართავს რეალობას ყოველი ცოცხალი არსების განზრახვის საშუალებით. ღმერთმა სულთან ერთად ყოველ ცოცხალ არსებაში ჩადო თავისი განზრახვის ნაწილი და გაამგზავრა სიზმარში - ანუ ცხოვრებაში. ყველა ცოცხალ არსებას ღმერთი ანიჭებს თავისუფლებას და ძალას თავისი რეალობის ფორმირებისთვის თავისივე გაცნობიერებულობის შესაბამისად. პრაქტიკულად არცერთი ცოცხალი არსება არ იყენებს განზრახვას გაცნობიერებულად და მიზანმიმართულად. არაცნობიერ სიზმარში მყოფებს, თითქოს რაღაცა სურთ, ოღონდ ბუნდოვნად და ვერ გაურკვევიათ თუ რა არის ის, რაც უნდათ. გამოდის, განზრახვაც ბუნდოვანია, გაურკვეველი, გაუგებარი. ამ თვალსაზრისით ადამიანი ცხოველზე მეტად არ განვითარებულა. ქანქარების ძალისხმევით ადამიანებმა არაფერი იციან თავიანთ შესაძლებლობებზე, მათ ასევე შეძლეს ადამიანებისთვის ცხოვრების აზრის დამახინჯება, ჩაანაცვლეს რა ღვთის მსახურება თაყვანისცემით. სინამდვილეში ცხოვრების აზრი, ასევე ღმერთის მსახურება არის თანა-შემოქმედება, ქმნადობა მასთან ერთად.
