52. მარადისობის მცველი
52. მარადისობის მცველი
დეკლარაცია
ვარიანტთა სივრცეში არსებობს ყველაფერი, და რასაც ინატრებთ გონებითა თუ სულით - ის თქვენია. მაგრამ უნდა იცოდეთ, რომ მარადისობის შესასვლელთან დგას მცველი - აბსოლუტური კანონი, რომელიც იცავს ყველაფერს, რაც შიგნითაა. და უშვებს მხოლოდ მათ, ვისაც ყოფნის გამბედაობა ისარგებლოს ბედისმწერლის უფლებით. საშვად გამოდგება თქვენი ვერდიქტი: მე შემიძლია, მე ვიმსახურებ, რადგან ასე გადავწყვიტე. მე არ მსურს და არც ვიმედოვნებ - არამედ მე განვიზრახე. ისარგებლეთ ამ უფლებით, და დარაჯი გაგიღებთ მარადისობის კარებს.
ახსნა
რითი განსხვავდება პროვინციელი გოგო შოუ-ბიზნესის ვარსკვლავისგან, მოკრძალებული სტუდენტი სახელმოხვეჭილი მეცნიერისგან, ჩვეულებრივები რჩეულთაგან? მათ შორის მხოლოდ ერთი ნაბიჯია. ერთმა გაბედა და სარგებლობს თავისი უფლებით, ხოლო მეორე ჯერ კიდევ ყოყმანობს, და არც სჯერა რომ შეუძლია და იმსახურებს. მოკრძალებულები ცხოვრობენ რწმენით, რომ სამყაროში რჩეულები იმიტომ არსებობენ, რამეთუ ისინი სხვებმა აირჩიეს, მხოლოდ მათთვის დამახასიათებელი გამორჩეული თვისებების გამო. სინამდვილეში ეს ცრუ სტერეოტიპია. რჩეულებმა აირჩიეს თავიანთი თავი. და მხოლოდ ამის შემდეგ, და განსკუთრებით ამის გამო, სხვებმაც მიაქციეს ყურადღება. ისარგებლეთ თქვენი უფლებით იყოთ რჩეული. თქვით: ამ მომენტიდან მე ავირჩიე ჩემი თავი. თქვენს ეს უფლება გაგაჩნიათ არა იმიტომ, რომ იმსახურებთ ან შეგიძლიათ, არამედ ეს უფლება უბრალოდ გაქვთ. ვარიანტთა სივრცეში არსებობს ყველაფერი, და იქ არის ის რაც გეკუთვნით მხოლოდ თქვენ - ვერდიქტი თქვენს უფლებაზე. ეს არის თქვენი საშვი მარადისობაში, სანქცია პრივილეგიაზე აღასრულოთ თქვენი რეალობა.
