null
16. რწმენა
დეკლარაცია
როგორც უკვე ითქვა დიდი ხნის წინ და არა ერთხელ, „თქვენი რწმენისამებრ მოგეგოთ თქვენ“. ეს მართლაც ასეა. მაგრამ როგორ ვირწმუნოთ? საკუთარი თავის დარწმუნებას და დაჯერებას აზრი არ აქვს. დაკავდით კონკრეტული საქმით; ტრანსერფინგის პრინციპებით რეალობის მართვით და მიზნობრივი სლაიდის ვიზუალიზაციით. გამოიყენეთ პრინციპები პრაქტიკაში და შედეგსაც მიიღებთ. გარე განზრახვა გაგიღებთ კარებს იმ სამყაროში, სადაც შეუძლებელი შესაძლებელი ხდება. როდესაც გონება ფაქტის წინაშე დგება, ის უშვებს დაუჯერბელი მოვლენების არსებობას თავის მსოფლმხედველობაში და საშუალებას აძლევს სასწაულს აღსრულდეს. როცა ნახავთ, რომ ტრანსერფინგი მუშაობს, რწმენა უკვე აღარ დაგჭირდებათ - რამეთუ გექნებათ ცოდნა.
ახსნა
ტრანსერფინგი გაძლევთ ადგილმდებარეობის რუკას და გიჩვენებთ თამაშის წესებს. თუ რას იზამთ მათი გამოყენებით - თქვენი გადასაწყვეტია. თქვენივე სამყაროს მეფე (დედოფალი) ხართ. ნუ დაემორჩილებით სხვების ზეგავლენას. გჯეროდეთ საკუთარი თავის. ნუ ენდობით სხვების გადაწყვეტილებებს. თქვენ თვითონ ყველაფერი იცით და გეხერხებათ. მაგრამ ეხლაც კი, როდესაც ფლობთ ცოდნას, შეცდომებისგან არ ხართ დაზღვეული. ჭეშმარიტი წარმატება იზრდება თქვენივე წარუმატებლობის ნანგრევებზე. გამოჩენილი ადამიანების უმრავლესობამ ყველანაირი წარუმატებლობა გამოიარა. უბრალოდ მათი ცხოვრების ამ მხარეს არც ისე აფიშირებენ. ასე რომ, თუ წარუმატებლობა გეწვიათ - გიხაროდეთ, რამეთუ წარმატების გზაზე ხართ. ზოგჯერ მოგეჩვენებათ, რომ გარემოებები თქვენს წინააღმდეგ ეწყობა. მაგრამ რა იცით, რომელ გზას მიყავხართ თქვენს მიზნამდე. უძველესი ცოდნის მცველებმა ტრანსერფინგი გაგიმხილეს არა იმიტომ, რომ დაგეჯერებინათ მეტაფიზიკური რეალობის არსებობა, არამედ იმისათვის რომ ჩაენერგათ იმედი. იქ სადაც რწმენაა, ყოველთვის აღმოცენდება ეჭვი. იმედი საჭიროა მოქმედების დასაწყებად. დაიწყეთ მოქმედება, და ნახავთ, თუ როგორ გარდაიქმნება რეალობად ის რაც შეუძლებლად მიგაჩნდათ. როდესაც იმედი თავის თავს ამოწურავს, გეწვევათ გაცნობიერება. აი მაშინ კი იტყვით; მე არ მინდა, არ მწამს და არ მოველი - არამედ ვაპირებ და ვიცი.
