72. სულის უნიკალურობა
72. სულის უნიკალურობა
დეკლარაცია
თქვენ მართლაც უნიკალური პიროვნება ხართ. თქვენს უნიკალურობაში არ გყავთ კონკურენტი. მიეცით თქვენს თავს უფლება იყოთ განუმეორებელი, და თქვენ იმათ წინაშე მიიღებთ უპირატესობას, ვინც გაკვალულ ბილიკებს მიყვება. თუ თქვენ ცდილობთ გახდეთ ისეთი როგორიც არის ვიღაც სხვა, არაფერი გამოგივათ. გახდით ის ვინც ხართ. მიეცით თქვენს თავს მსგავი ფუფუნება. თუ თქვენ მოირგეთ უკვე არსებული ვარსკვლავის ნიღაბი, ეს იქნება კოპირება ან უბრალო პაროდია. ვარსკვლავები არ ხდებიან სხვისი მიბაძვით. როდესაც შეწყვეტთ მცდელობას იყოთ ვიღაცის მსგავსი, მაშინ ყველაფერი გამოგივათ. როდესაც თქვენ თავად აღიარებთ თქვენივე ინდივიდუალობის მშვენიერებას, თქვენ ყველაფერი გამოგივათ - და სხვებსაც თანხმობის გარდა სხვა გზა არ ექნებათ.
ახსნა
ის ფაქტი, რომ თქვენ ყოველივე საუკეთესოს იმსახურებთ და ყველაფერი შეგიძლიათ, ძალიან გულმოდგინედ არის დამალული. გარწმუნებენ, რომ გულუბრყვილობაა საკუთარი შეუზღუდავი შესაძლებლობების რწმენა. მაგრამ სინამდვილეში ყველაფერი პირიქითაა. თქვენ შეგიძლიათ შესანიშნავი შედევრების შექმნა, გენიალური აღმოჩენების გაკეთება, წარმოუდგენელი შედეგების მიღწევა სპორტში, ბიზნესში, პროფესიული საქმიანობის ნებისმიერ სფეროში. ამისათვის საჭიროა მხოლოდ მიმართოთ თქვენს სულს. მას აქვს წვდომა ნებისმიერ ცოდნაზე, მიღწევასა და ქმნილებაზე. ამოცანა იმაში მდგომარეობს, რომ მისცეთ თქვენს თავს უფლება იყოთ ის ვინც ხართ. განა ის ნიღაბი, რომელსაც ყოველდღე ატარებთ, დაგეხმარათ მიგეღწიათ რაიმე წარმატებისთვის, მოგეპოვებინათ კეთილდღეობა და ბედნიერება? არ არის აუცილებელი თქვენი თავის შეცვლა, ეს კიდევ ერთი ნიღაბი იქნება. თუ მოიშორებთ ნიღბებს, რომლების ქანქარებმა მოგახვიეს თავს, მაშინ იპოვით თქვენ სულში დამალულ საგანძურს. თქვენ მართლაც ყოველივე საუეთესოს იმსახურებთ, რადგან თქვენ მართლაც მშვენიერი, საოცარი და განუმეოორებელი ქმნილება ხართ. უბრალოდ მიეცით თქვენს თავს უფლება იყოთ ასეთი.
