74. სულის სიხარბე
74. სულის სიხარბე
დეკლარაცია
რა ხდის ადამიანს რჩეულად? უნიკალური, მხოლოდ მისთვის დამახასიათებელი გზა. როგორც კი თქვენს გზას შეუდგებით, სამყაროს ყველა საგანძური ხელმისაწვდომი გახდება თქვენთვის. და მაშინ სხვები დაგიწყებენ ყურებას და მარჩიელობას, თუ როგორ შეძელით ეს. იპოვეთ თქვენს თავში გაბედულობა გადააბიჯოთ ქანქარების სტერეოტიპებს. მიეცით თქვენს თავს უფლება ირწმუნოთ თქვენი სულის შეუზღუდავი შესაძლებლობები. მიეცით თქვენ თავს უფლება გაგაჩნდეთ დიდებული ინდივიდუალურობა. თუ გონება ნებას დართავს, სული აუცილებლად იპოვის ოცნების რეალიზების გზას. ნუ შეიზღუდავთ თავს შეკვეთის გაკეთებისას. იყავით რეალისტები - მოითხოვეთ შეუძლებელი.
ახსნა
როგორი მიზანიც არ უნდა დაისახოთ, მისი შესრულება რთული იქნება რაციონალური მსოფლმხედველობის ფარგლებში. მიზნის ძნელადმიღწევადობის სტერეოტიპი ყველაზე მტკიცეა. გონება შეეცდება გასცეს პასუხი კითხვას; „როგორ მივაღწიო ამას?“ დაე თქვენმა სულმა უთხრას გონებას: „გაჩუმდი, ეს არ არის შენი საზრუნავი, ჩვენ სათამაშოს ვირჩევთ!“ არჩევანის გაკეთებისას არ უნდა გადარდებდეთ არანაირი შეზღუდვები. გინდათ საკუთარი ნავი გქონდეთ? საკუთარ იახტაზე რას იტყვით? გინდა საკუთარი ბინის ქონა? საკუთარ სახლზე რას იტყვით? გინდათ ერთი განყოფილების უფროსი გახდეთ? კორპორაციის პრეზიდენტის თანამდებობაზე რას იტყვით? გინდათ შეიძინოთ იაფფასიანი მიწის ნაკვეთი და იქ აგარაკი ააშენოთ? ხმელთაშუაზღვაში კუნძულის ქონაზე რას იტყვით? გინდათ, რომ ბევრი იმუშაოთ და ბევრი ფული მიიღოთ? საერთოდ,რომ არ იმუშაოთ და იცხოვროთ თქვენი სიამოვნებისთვის? ასე დაუსრულბლივ შეიძლება გაგრძელება. თქვენ ვერც კი წარმოიდგენთ, რამდენად მოკრძალებულია თქვენი მოთხოვნები იმასთან შედარებით რისი მიღებაც შეიგიძლიათ, თუ თქვენი მიზნისკენ თქვენი კარიბჭეებით წახვალთ.
