43. პროცესის ვიზუალიზაცია
43. პროცესის ვიზუალიზაცია
დეკლარაცია
რასაც არ უნდა აკეთებდეთ, ეფექტურობა გაიზრდება მრავალგზის, თუ მხოლოდ კარგად კი არ აკეთებთ თქვენს საქმეს, არამედ ასევე გაცნობიერებულად და ენთუზიაზმით ტკბებით თქვენი ნამუშევრით, მისი სრულყოფის მუდმივი კონსტატირებით. ეს ძალიან მნიშვნელოვანია! პრინციპი ესეთია: მე ყველაფერი შესანიშნავად გამომდის, დღეს ყველაფერს უკეთ ვაკეთებ ვიდრე გუშინ, ხვალ კი უკეთესი იქნება, ვიდრე დღეს. როდესაც გონებაში გაქვთ მიზნობრივი სლაიდი, ყველა გარემოება მიზნის მიღწევას ემსახურება, თუნდაც ეს ასე არ გამოიყურებოდეს. მაგრამ ამასთან ერთად, თუ თქვენ ასევე დაკავებული ხართ პროცესის ვიზუალიზაციით, თქვენი ცხოვრების ფენა თქვენი ოცნებისკენ რაკეტის სიჩქარით მიემართება.
ახსნა
დავუშვათ, თქვენ მუშაობთ რაღაც პროექტზე, რაღაცას ქმნით. მუშაობის პროცესში, ასევე დასრულების შემდეგ წარმოიდგენთ, რომ თქვენი შემოქმედების ობიექტი სულ უფრო სრულყოფილდება. აი, დღეს დაასრულეთ ზოგიერთი დეტალი, ხვალ კი ახალი შტრიხების დამატებას აპირებთ. წარმოიდგენეთ, რომ თქვენი ქმნილება სულ უფრო გარდაიქმნება. თქვენ მატებთ მას ახალ თვისებებს, ის კი თქვენს თვალში შედევრად გარდაიქმნება. კმაყოფილი ხართ, გიტაცებთ ქმნადობის პროცესი, თქვენი ქმნილება თქვენთან ერთად იზრდება. საჭიროა წარმოიდგინოთ სრულყოფილების დაბადების და ზრდის პროცესი. შექმენით და დატკბით ერთდროულად. ნუ მოგერიდებათ გენიოსად თავის წოდება. იმეორეთ აზრფორმა: გონებაში მოგდით სულ ახალი გენიალური იდეები. თუ თქვენს სხეულის სრულყოფაზე მუშაობთ, - ანალოგიურად, - აღზარდეთ როგორც დედა ზრდის შვილს. წარმოიდგენეთ, თუ როგორ იძენს თქვენი სხეული სრულყოფილ ფორმას. მოუარეთ მას, ივარჯიშეთ და წარმოიდგინეთ,ზოგ ადგილას როგორ იზრდება კუნთები, სხაგან კი მკვრივდება. გაკვირვებული აღმოაჩენთ, როგორ სწრაფად და ეფექტურად რეალიზდება მიზანდასახულობა სრულყოფილებაზე.
